நான்காம் திருமுறை-தேவாரப் பதிகங்கள் - 4.026.திருவதிகைவீரட்டானம்

4.026.திருவதிகைவீரட்டானம்
திருநேரிசை
திருச்சிற்றம்பலம்
திருநேரிசை
திருச்சிற்றம்பலம்
இத்தலம் நடுநாட்டிலுள்ளது.
சுவாமிபெயர் - வீரட்டானேசுவரர்.
தேவியார் - திருவதிகைநாயகி.
259 | நம்பனே யென்கள் கோவே பங்கனே பரம யோகீ செம்பொனே பவளக் குன்றே அன்பனே யலந்து போனே |
4.026.1 |
'திருவதிகை வீரத்தானத்தில் உகந்தருளியிருக்கும் பெருமானீரே! எல்லாராலும் விரும்பப்படுகிறவரே! எங்கள் அரசரே! ஆதிமூர்த்தியாகிய பார்வதிபாகரே! மேம்பட்டயோகீசுவரே! பொன்னையும் பவளமலையையும் ஒத்தவரே! அன்பரே!' என்று உம்மைப் பலகாலும் வாய்விட்டழைத்து உமது தாமரை மலர் போன்ற பாதங்களைத் காணத் துயருற்று அடியேன் வருந்துகின்றேன்.
260 | பொய்யினான் மிடைந்த போர்வை வேண்டிற்றொன் றைவர் வேண்டார் சேவடி யிரண்டுங் காண்பான் னதிகைவீ ரட்ட னீரே. |
4.026.2 |
அழியக்கூடிய பொய்ப்பொருள்களால் இணைத்துச் செய்யப்பட்ட உடம்பில் ஒவ்வொரு துவாரமும் செயற்பாடின்றி அழுகிக்கெட, உண்மையான வாழ்வு வாழ இயலாதேனாய், யான்விரும்பிய ஒப்பற்ற பரஞானத்தை என் ஐம்பொறிகளும் தாமும் விரும்பாமல் இடர்படுதலால், அதிகை வீரட்டனாராகிய உமது சிவந்த தாமரையை ஒத்த திருவடிகள் இரண்டையும் காண்பதற்கு இயலாமல் அடியேன் வருந்தி நிற்கின்றேன்.
261 | நீதியால் வாழ மாட்டே ஓதியு முணர மாட்டே சோதியே சுடரே யுன்றன் ஆதியே யலந்து போனே |
4.026.3 |
ஒளியே!ஞானவிளக்கே! அதிகைப்பெருமானே! தூயேன் அல்லேனாகியஅடியேன் நாடோறும் நெறிப்படி வாழமாட்டாமல், கற்றும்கற்றவாறு உணர இயலாதேனாய், உன்னை உள்ளத்துள் நிலையாகவைத்துத் தியானிக்க இயலாதேனாய் முதற்கடவுளாகியஉன்னுடைய தூயமலர்களைப் போன்ற திருவடிகளைக் காணஇயலாதேனாய் வருந்தி நிற்கிறேன்.
262 | தெருளுமா தெருள மாட்டேன் பொருளுளே யழுந்தி நாளும் இருளுமா மணிகண் டாநின் அருளுமா றருள வேண்டு |
4.026.4 |
இருண்ட நீலமணி போன்ற கழுத்தை உடைய அதிகைப் பெருமானே! தௌவடையும் வழியை அடைந்து மனந் தௌவடைதலை இல்லேனாய், தீயவினைகளுக்கு உதவும் தேக பந்துக்கள் என்னும் பொருள்களோடு இயைந்து நாளும் செல்லத்தக்க மேம்பட்டவழியை அறியேனாய் உள்ள அடியேன் உன் ஒன்றற்கு ஒன்றுஒப்பான உன் திருவடிகள் இரண்டனையும் தரிசிக்குமாறுஅருளும் வகையால் அருளவேண்டும்.
263 | அஞ்சினா லியற்றப் பட்ட அஞ்சினா லடர்க்கப் பட்டிங் அஞ்சினா லுய்க்கும் வண்ணங் அஞ்சினாற் பொலிந்த சென்னி |
4.026.5 |
பஞ்சகவ்வியத்தால் அபிடேகிக்கப்படுதலால் விளங்குகின்ற சென்னியை உடைய அதிகை வீரட்டப் பெருமானே! ஐம்பூதங்களால் இயற்றப்பட்ட இவ்வுடலைப் பெற்று அதன்கண் வாழும் ஐம்பொறிகளால் வருத்தப்பட்டு இவ்வுலகில்திரியும் அறிவற்ற அடியேனைத் திருவைந்தெழுத்தால் நல்வழியில் செல்லுமாறு வழிகாட்டினாயாக, அதனால் அச்சம் நீங்கப்பெற்றேன்.
264 | உறுகயி றூசல் போல மறுகயி றூசல் போல பெறுகயி றூசல் போலப் தறுகயி றூச லானே |
4.026.6 |
கயிறாகிய ஊஞ்சல் போலப் பிறைச்சந்திரன் அசைந்துகொண்டு தங்கியிருக்கும் சடையினை உடைய அதிகைப் பெருமானே! தன் நிலையை விட்டுச் சென்றுபிறிதோர் இடத்தைப் பற்றி மீண்டும் தொங்கிய நிலைப்பக்கம் வந்துசேரும் ஊசற்கயிறு போல ஓர் இடத்தை விடுத்து அலைந்து மீண்டும் அவ்விடத்திற்கேவரும் நெஞ்சம், கயிறற்ற ஊஞ்சலுக்குத் தாய்தரையேயாதல் போல, இப்பொழுது நின் பாதமே இடமாக தங்கி நிற்கும் இயல்பைப்பெற்றுள்ளேன் ஆயினேன்.
265 | கழித்திலேன் காம வெந்நோய் ஒழித்திலே னூன்க ணோக்கி விழித்திலேன் வெளிறு தோன்ற அழித்திலே னயாத்துப் போனே |
4.026.7 |
அதிகைப் பெருமானே! என்னிடத்துள்ள ஆசாபாசம், காமம் என்ற கொடியநோய் நீங்கப்பெற்றிலேனாய் ஆசை என்னும் பற்றினை விடுத்திலேனாய், உடலுயிர் வாழ்க்கையையே நோக்குபவனாய் இருத்தலால், அதற்குக் காரணமாகிய ஆணவ மறைப்பு விலக, விழிக்கும் மெய்யுணர்வாகிய விழி விழிக்கும் நிலையைப் பெற்றிலேன். அதற்குத்தடையாகிய வினை என்னும் பண்டத்தையும் நிரம்பக் கொண்டுள்ளேன். அதே வேளை, இவற்றின் விருத்திக்கு ஊக்கும் இழிதகவுடையோர் சார்பை விலக்கிக் கொள்ளவும் மறந்து போனேன். நான் என்ன செய்வேன் என்பது குறிப்பு.
266 | மன்றத்துப் புன்னை போல ஒன்றினா லுணர மாட்டே கன்றிய காலன் வந்து அன்றினா னலமந் திட்டே |
4.026.8 |
ஊர்ப் பொதுமன்றத்தில்நிற்கும் புன்னைபலராலும் கல்லெறியப்பட்டும் ஏறி அலைக்கப்பட்டும்சதா வருந்துவதுபோல ஐம்பொறிகளால் சதா அலைக்கப்பட்டும் வருந்துவதன்றி ஒருவகையிலும் உண்மையை உணரமாட்டேன். அதை உணர்விக்கவல்ல உன்னையும் உளத்தில் நிலையாக வைக்கமாட்டேன். இந்நிலையில், சினம்மிக்க எமன் வந்து என்னைமீளவும் பிறப்பில் தள்ளுதற்கு அணுகிக்கொண்டுள்ளான். அது கண்டு நான் சுழன்று போனேன் அதிகை வீரட்டத்துப் பெருமானே.
267 | பிணிவிடா வாக்கை பெற்றேன் |
4.026.9 |
காளையை ஊர்பவனே! அதிகைப்பெருமானே! நோய்கள் விடுத்து நீங்காத இம்மனித உடலைப் பெற்றிருக்கும் அடியேன், செயற்படாதொழியாத துன்பம் நல்கும் நல்வினை தீவினையாகிய சுற்றத் தொடர்பை நெருக்கமாகக் கொண்டு, அவற்றை அடியோடு நீக்குவதற்குத் தேவையான தூய்மையும் மன உறுதியும் இல்லாதேனாய், அத்தூய்மை துணிவு என்பன வற்றை நல்கும் உன்னுடைய தூய மலர் போன்ற திருவடிகளைக் காணும் வகையில் உன்னை அறியமாட்டாதவனாய் உள்ளேன்.
268 | திருவினாள் கொழுந னாருந் இருவரு மெழுந்தும் வீழ்ந்து ஒருவனே யெம்பி ரானே அருவனே யருள வேண்டு |
4.026.10 |
அதிகை வீரட்டனே! வடிவம் புலப்படாது இருப்பவனே! திருமகள் கேள்வனாய திருமாலும், நான்கு திசைகளிலும் நான்கு முகங்களை உடைய பிரமனும் ஆகிய இருவரும் கீழ் நோக்கித் தோண்டியும் மேல்நோக்கிப் பறந்தும், திருவடிகளையோ உன் உச்சியையோ காண இயலாத ஒப்பற்ற பெருமானாகிய உன் திருப்பாதங்களை அடியேன் காணுமாறு அருள் செய்யவேண்டும்.
திருச்சிற்றம்பலம்
தேடல் தொடர்பான தகவல்கள்:
நான்காம் திருமுறை-தேவாரப் பதிகங்கள் - 4.026.திருவதிகைவீரட்டானம் , னீரே, ரட்ட, அடியேன், பெருமானே, அதிகை, பாதங், உடைய, திருமுறை, றூசல், இயலாதேனாய், என்னும், அதிகைப், திருவதிகைவீரட்டானம், னதிகைவீ, போனேனதிகைவீ, ஐம்பொறிகளால், விடுத்து, வந்து, நல்கும், நான்கு, நான், போனேன், மீண்டும், காண்பான், விழிக்கும், போலப், மாட்டேனுன்னையுள், யலந்து, உமது, திருச்சிற்றம்பலம், பதிகங்கள், நான்காம், தேவாரப், மலர், யிரண்டுங், அதிகைப்பெருமானே, உன்னை, வைக்க, வருந்தி, ஒப்பற்ற, திருவடிகள், திருவடிகளைக்