ஞான ஆகமம் - பழைய ஏற்பாடு

¹ அதை விட நன்னெறியில் வாழ்ந்து மக்கட் பேறில்லாதிருப்பதே நலம்! நன்னெறியின் நினைவைச் சாகாமை நிலைநாட்டும். கடவுளாலும் மனிதாராலும் அந்நினைவு அறியப்படும்.

² அந்நினைவு இருக்கும் போது மனிதர் அதைப் பின்பற்றுகிறார்கள். இல்லாத போதோ அதற்காக ஏங்கித் தவிக்கிறார்கள்@ மாசற்ற போர்களில் வெற்றிபெற்ற அந்தச் சால்பு வாகை சூடிக் காலமெல்லாம் பவனி வருகிறது.

³ பொல்லாதவர்களின் பெரும் சந்ததி பயனற்றது, அவர்களது வேசித்தனத்தின் நாற்றுகள் ஆழமாய் வேரூன்றுவதில்லை, உறுதியாய்த் தரையில் ஊன்றி நிற்பதுமில்லை.

⁴ கொஞ்ச காலத்திற்கு அவர்கள் கிளைகள் விட்டாலும், நிலையற்றவர்களாதலால் காற்றால் அலைக் கழிக்கப்படுவர், கடும் புயலின் சீற்றத்தால் வேரோடு பிடுங்கப்படுவர்.

⁵ வளர்ந்து வயிரமேறுமுன்பே கிளைகள் முறிந்து விடும், அவற்றின் கனிகள் பயனற்றுப் போகும்@ உண்பதற்குத் தக்க அளவு அவை பழுக்காததால், ஒன்றுக்கும் உதவாமல் போய்விடும்.

⁶ கடவுள் பரிசோதிக்க வருகிற நாளில், விபசாரத்தில் பிறந்த பிள்ளைகளே தங்கள் பெற்றோரின் கூடா ஒழுக்கத்திற்குச் சாட்சிகளாய் நிற்பர்.

⁷ ஆனால் நீதிமான் காலம் வருமுன்பே இறந்து விட்டாலும், இளைப்பாற்றி அடைவான்.

⁸ நீண்ட காலம் வாழ்வதால் முதுமைக்கு மதிப்பில்லை, ஆண்டுகளின் எண்ணிக்கை அதற்கு அளவுகோலன்று.

⁹ ஆனால் அறிவுடைமையே மனிதனுக்கு நரை திரை, மாசற்ற வாழ்வே பழுத்த முதுமைப் பருவமாம்.

¹⁰ கடவுளுக்கு உகந்தவனாயிருந்ததால் அவரது அன்பைப் பெற்றான்@ பாவிகள் நடுவில் வாழ்ந்த அவன் அங்கிருந்து எடுத்துக் கொள்ளப்பட்டான்.

¹¹ தீமை அவனது அறிவைக் கெடுக்காதிருக்கவும், வஞ்சனை அவனது ஆன்மாவை ஏய்க்காதிருக்கவுமே அவன் இம்மையினின்று அகற்றப்பட்டான்.

¹² தீமையின் கவர்ச்சி நன்மையை இருளச்செய்கிறது, இச்சை என்னும் புயல் மாசற்ற மனத்தைக் கெடுத்து விடுகிறது.

¹³ குறுகிய காலத்தில் நிறைவு பெற்று நீண்ட வாழ்வினை நிறைவு செய்து கொண்டான்.

¹⁴ அவனது ஆன்மா ஆண்டவருக்கு உகந்ததாயிருந்தது@ ஆதலால் தீமையின் நடுவிலிருந்து அவனை உடனடியாய் எடுத்துக் கொண்டார். ஆயினும் பார்த்திருந்த மக்கள் இதைக் கண்டுபிடிக்கவுமில்லை@

¹⁵ கடவுளின் அருளும் இரக்கமும், அவரால் தேர்ந்துகொள்ளப் பட்டவர்களுக்கே உரியவை, தம் பரிசுத்தர்களை அவர் கண்காணிக்கிறார் என்பதை அம்மக்கள் உள்ளத்தில் எண்ணிப் பார்க்கவுமில்லை.

¹⁶ இறந்து போன நீதிமான் உயிரோடிருக்கும் பொல்லாதவர்களைக் குற்றவாளிகளாய்த் தீர்ப்பிடுகிறான்@ விரைவில் முடிந்து போன (அவனது) இளமைப் பருவம் பொல்லாதவனின் நீண்ட வாழ்வைக் கெட்டதெனக் காட்டுகிறது.

¹⁷ பொல்லாதவர்கள் ஞானியின் முடிவைக் காண்பார்கள்@ ஆயினும் ஆண்டவர் அவனுக்கு என்ன பரிசு கொடுக்கவிருக்கிறார் எனவும், எதற்காக அவனைப் பாதுகாக்கிறார் எனவும் கண்டுபிடியார்கள்.

¹⁸ அவன் முடிவைக் கண்டு அவனை நிந்திப்பார்கள், ஆண்டவரோ அவர்களைப் பார்த்து நகைப்பார்.

¹⁹ அதன் பின் அவர்கள் இழிவான பிணமாவார்கள், செத்தவர்கள் நடுவிலும் என்றென்றும் வெறுப்புக்குள்ளாவார்கள்@ ஆண்டவர் அவர்களைத் தலைகீழாய் வீழ்த்தி நாவடக்குவார்@ அவர்களை அடியோடு ஆட்டி அதிரவைப்பார்@ முற்றிலும் அவர்கள் பாழாக்கப்படுவர்@ கொடிய வேதனைக்கு ஆளாவர்@ அவர்களுடைய பெயர்கூட நிலைக்காமல் அழிந்து போகும்.

²⁰ அவர்களுடைய பாவங்கள் கணக்கெடுக்கப் படும்பொழுது, அஞ்சி நடுநடுங்கிக்கொண்டு வருவார்கள்@ அவர்களுடைய அக்கிரமச் செயல்கள் அவர்களுக்கு எதிரே நின்று குற்றஞ்சாட்டும்.