ஞான ஆகமம் - பழைய ஏற்பாடு

¹ நீரோ, எங்கள் இறைவா, பரிவும் உண்மையும் பொறுமையுமுள்ளவர்@ இரக்கத்தேடு அனைத்தையும் ஆளுகிறீர்.

² நாங்கள் பாவம் கட்டிக் கொண்டாலும், நாங்கள் உமக்குத்தான் சொந்தம்@ எனெனில் உமது வல்லமையை அறிவோம். ஆனால் நாங்கள் பாவம் கட்டிக்கொள்ள மாட்டோம்@ ஏனெனில் உம்மவர்களாகவே நாங்கள் எண்ணப்படுகிறோம் என்பதை அறிவோம்.

³ உம்மை அறிதலே நிறைவான நீதி@ உம் வல்லமையை அறிதலோ சாகாமைக்கு ஆணிவேர்.

⁴ மனிதர்களுடைய திறமையின் தீய நோக்கத்தாலும் எங்களைத் தவறான நெறியில் இழுத்துப் போக முடியவில்லை@ வண்ண ஓவியர்களின் பயனற்ற உழைப்போ, பல நிறங்கள் தீட்டிய உருவமோ எங்களைக் கெடுக்கவில்லை.

⁵ அவற்றின் தோற்றம் அறிவிலிகளுக்குத் தான் ஏக்க மூட்டினது@ அவர்கள் தான் செத்துப்போன உருவமொன்றின் உயிரற்ற சாயலை விரும்புகிறார்கள்.

⁶ அவற்றைச் செய்கிறவர்களும் வணங்குகிறவர்களும், அவற்றுக்கு வழிபாடு செலுத்துகிறவர்களும், தீமையை விரும்புகிறவர்களே@ அத்தகைய நம்பிக்கைக்கும் அவர்களுக்கும் பொருத்தமே.

⁷ குயவன் இளகிய மண்ணைக் பிசைந்து, நமக்குப் பயன்படும் மட்கலங்களை அக்கறையோடு செய்கிறான்@ ஒரே மண்ணைக் கொண்டு தான் நல்ல வகையிலும் மாறான வகையிலும் பயன்படுகிற பாண்டங்களைச் செய்கிறான். இவற்றுள் ஒவ்வொன்றும் எவ்வகையில் பயன்பட வேண்டுமென மண்ணால் வனையும் குயவனே தீர்மானிக்கிறான்.

⁸ சிறிது காலத்திற்கு முன்பு மண்ணால் உண்டாக்கப்பட்டுத் தனக்குக் கடனாகத் தரப்பட்ட ஆன்மாவை இன்னும் சிறிது காலத்திற்குள் திருப்பிக் கையளிக்கும்போது, தான் எடுக்கப்பட்ட மண்ணுக்கே திரும்பிப்போகப் போகிற இந்தக் குயவன் வீணாய் உழைத்து அதே மண்ணிலிருந்து ஓர் அற்ப தெய்வத்தை உருவாக்குகிறான்.

⁹ இவ்வாறிருந்தும், அவன் தான் சாகவேண்டியவனே என்பதையும், தன் வாழ்க்கை மிகக் குறுகியது என்பதையும் எண்ணிப் பார்க்கிறதில்லை@ ஆனால், பொன், வெள்ளியால் வேலை செய்பவர்களோடு போட்டியிடுகிறான்@ பித்தளையில் வேலை செய்கிறவர்களைப் போல் செய்ய முயல்கிறான்@ போலி உருவங்களைச் செய்வது தனக்கு மகிமையென நினைக்கிறான்.

¹⁰ அவன் உள்ளமோ வெறும் சாம்பல்தான்@ அவனது நம்பிக்கை புழுதியிலும் தாழ்வானது@ அவன் வாழ்வு களிமண்ணிலும் ஈனமானது.

¹¹ ஏனெனில் தன்னை உருவாக்கியவரும், தனக்கோர் ஆற்றல்மிக்க ஆன்மாவை அளித்து தனக்குள் உயிருள்ள ஆவியை விட்டவரும் யாரென்பதை அவன் அறிந்து கொள்ளவில்லை.

¹² அவனோ நம் வாழ்வை ஒரு விளையாட்டென்றும், பணம் சேர்க்கக்கூடிய ஒரு திருவிழாச் சந்தையென்றும் நினைக்கிறான், ஒருவன் எவ்வகையிலும்- இழிவான வழியிலுங் கூட பணம் சேர்க்கலாம் என்பது அவனது கருத்து.

¹³ உடையக் கூடிய பாண்டங்களையும் சிலைகளையும் நிலத்தின் மண்ணால் தான் செய்யும் போது, தான் பாவங் கட்டிக்கொள்கிறதை இந்தமனிதன் மற்றெல்லாரையும் விட மிக நன்றாக அறிந்திருக்கிறான்.

¹⁴ உம் மக்களை ஒடுக்கிய பகைவர்கள் அனைவரும், அறியாக் குழந்தையை விட அறிவீனராயும், இரங்கத் தக்கவர்களாயும் இருக்கின்றனர்.

¹⁵ ஏனெனில் கண்களால் பார்க்கவோ மூக்கினால் மூச்சு விடவோ காதுகளால் கேட்கவோ விரல்களால் தொட்டுணரவோ கால்களால் நடக்கவோ இயலாத புறவினத்தாரின் சிலைகளையெல்லாம் தெய்வங்கள் என இவர்கள் எண்ணிவந்தனர்@

¹⁶ அவற்றைச் செய்தவன் வெறும் மனிதனே@ அவற்றை உருவாக்கியவன் உயிரைக் கடனாகப் பெற்றவன்@ ஆனால் தன்னையொத்த ஒரு தெய்வத்தை எந்த மனிதனாலும் செய்ய இயலாது.

¹⁷ அவனோ சாகக்கூடிய மனிதன்@ அக்கிரமம் நிறைந்த தன் கைகளால் அவன் செய்வதோ ஓர் உயிரற்ற உருவம்@ தான் வணங்குகிற சிலைகளை விட அவன் எவ்வளவோ மேலானவன்@ ஏனெனில் அவனுக்கு உயிருண்டு அவற்றுக்கோ ஒருபோதும் உயிரில்லை.

¹⁸ மிகுந்த வெறுப்புக்குரிய விலங்குகளைக் கூட வணங்குகிறார்கள்@ அறிவில்லாத மிருகங்களினும் அவை தாழ்ந்தவை.

¹⁹ மிருகங்கள் என்ற அளவிலும் விரும்பிப் பார்க்கக்கூடிய அழகு கூட அவற்றின் தோற்றத்தில் இல்லை@ அவற்றைக் கடவுள் மதிக்கவுமில்லை, ஆசீர்வதிக்கவுமில்லை.