சீராக் ஆகமம் - பழைய ஏற்பாடு

¹ மகிமை பொருந்திய மனிதரையும், நம் முன்னோரையும் அவர்களுடைய சந்ததியில் வாழ்த்துவோம்.

² தொடக்கத்திலிருந்து ஆண்டவர் தமது வல்லமையினால் மிகுந்த மகிமையை வெளிப்படுத்தினார்.

³ அவர்கள் தங்களுடைய நாடுகளில் அதிகாரம் செலுத்தினார்கள்@ வலியோரும் விவேகிகளுமாய் இருந்தார்கள். இறைவாக்குகளால் இறைவாக்கினர்களுடைய உயர்ந்த நிலையை அறிவித்தார்கள்.

⁴ தங்கள் காலத்து மக்களை நடத்தி வந்தார்கள்@ ஞானத்தின் வலிமையைக் கொண்டு மக்களுக்குப் புனித போதனைகளைப் போதித்தார்கள்.

⁵ தங்கள் அறிவுடைமையால் பல சங்கீதங்களை ஆராய்ந்து, மறைநூல்களின் பாட்டுகளைப் பாடினார்கள்.

⁶ அவர்கள் புண்ணியத்தில் செல்வர்@ அழகாகிய படிப்பைக் கொண்டவர்கள்@ தங்கள் குடும்பங்களில் சமாதானம் செய்தவர்கள்.

⁷ அவர்கள் எல்லாரும் தங்கள் கோத்திரத்தின் சந்ததிகளில் மகிமை பெற்றார்கள்@ தங்கள் நாட்களில் புகழ்ச்சிக்கு உகந்தவர்களாக மதிக்கப்பட்டார்கள்.

⁸ தங்களிடமிருந்து பிறந்தவர்கள், தங்கள் புகழ்ச்சிகளைச் சொல்லுமாறு தங்கள் பெயரை விட்டுச் சென்றார்கள்.

⁹ நினைவுகூரப்படாத சிலர் உண்டு. அவர்கள் இராதவர்களைப் போல் ஒழிந்தார்கள். அவர்களும் அவர்கள் பிள்ளைகளும் பிறவாதவர்களைப் போலப் பிறந்தார்கள்.

¹⁰ ஆனால், இரக்கத்தின் செயல்கள் குன்றாதவர்களோ இரக்கமுள்ள மனிதராய் இருக்கிறார்கள்.

¹¹ அவர்கள் சந்ததியில் நன்மை நிலைத்திருக்கின்றது.

¹² அவர்களுடைய பிள்ளைகளின் பிள்ளைகள் புனித உரிமையைக் கொண்டவர்கள். உடன்படிக்கைகளிலும் அவர்களுடைய சந்ததி நிலை கொண்டது.

¹³ அவர்களின் பொருட்டு அவர்கள் பிள்ளைகளும் நித்திய காலத்திற்கும் நிலைத்திருப்பார்கள். அவர்கள் சந்ததியும் அவர்கள் மகிமையும் கைவிடப்படா.

¹⁴ அவர்கள் பிணங்கள் சமாதானத்தில் அடக்கம் செய்யப்பட்டன. அவர்களுடைய பெயர் தலைமுறை தலைமுறையாய் வாழ்த்தப் பெறும்.

¹⁵ குடிகள் அவர்களுடைய ஞானத்தை வெளிப்படுத்துவார்கள். சங்கத்தார் அவர்களுடைய புகழ்ச்சியைச் சொல்வார்கள்.

¹⁶ ஏனோக் கடவுளுக்கு விருப்பமானார்@ அஞ்ஞானிகளுக்குத் தவம் போதிக்க வானத்திற்கு எடுத்துக் கொள்ளப்பட்டார்.

¹⁷ நோவே உத்தமராகவும் நீதிமானாகவும் காணப்பட்டார்@ கோபக்காலத்தில் சமாதானம் செய்பவரானார்.

¹⁸ ஆதலால், வெள்ளப்பெருக்கு உண்டான போது சிலர்மட்டும் மீதியாக்கப்பட்டார்கள்.

¹⁹ மனிதர் வெள்ளப் பெருக்கால் அழிக்கப்படுவதில்லை என்ற யுகங்களின் உடன்படிக்கைகள் அவரிடத்தில் வைக்கப்பட்டன.

²⁰ ஆபிரகாம் திரளான மக்களின் மூதாதையராக இருந்தார். மகிமையில் அவருக்குச் சரியொத்தவர் ஒருவரையும் கண்டதில்லை. அவர் உன்னத கடவுளின் கட்டளையைக் காப்பாற்றினார்@ அவருடைய உடன்படிக்கையில் இருந்தார்.

²¹ தம்முடைய உடலில் உடன்படிக்கை நிலைக்கும்படி செய்தார்@ சோதனையில் பிரமாணிக்கம் உள்ளவராய்க் காணப்பட்டார்.

²² ஆதலால், கடவுள் ஆணையிட்டு, அவருடைய கோத்திரத்தில் அவருக்கு மகிமை தந்து, பூமியின் மணலைப் போல் அவரை அதிகரிக்கச் செய்வதாகவும்,

²³ விண்மீன்களைப் போல் அவர் சந்ததியை உயர்த்துவதாகவும், ஒரு கடலினின்று மற்றொரு கடல் வரைக்கும், நதியினின்று பூமியின் எல்லைகள் வரைக்கும் அவர்களுக்கு உரிமை அளிப்பதாகவும் வாக்குறுதி கொடுத்தார்.

²⁴ ஈசாக்கிடத்திலும் அவருடைய தந்தை ஆபிரகாமை முன்னிட்டு அவ்வாறே செய்தார்.

²⁵ எல்லா இனத்தாருடைய ஆசியையும் ஆண்டவர் அவருக்குக் கொடுத்தார்@ யாக்கோபின் தலை மீது உடன்படிக்கையை உறுதிப்படுத்தினார்@

²⁶ தம்முடைய ஆசி கொண்டு அவரை ஏற்றுக் கொண்டார்@ அவருக்கு உரிமையைக் கொடுத்தார்@ பன்னிரண்டு கோத்திரங்களுக்காக அவருக்குப் பாகத்தைப் பிரித்தார்@

²⁷ எல்லாருடைய கண்களுக்கும் விருப்பமுள்ள இரக்கமான மனிதரை அவருக்குக் காப்பாற்றினார்.