சீராக் ஆகமம் - பழைய ஏற்பாடு

¹ ஞானி முன்னோர் எல்லாருடைய ஞானத்தையும் தேடுவான்@ இறைவாக்கினர் உரைகளை வாசிப்பதில் தன் காலத்தைக் கழிப்பான்.

² பேர்போன மனிதருடைய உரைகளைக் காப்பாற்றுவான்@ உவமைகளை நுட்பமாகப் பரிசோதிப்பான்.

³ பழமொழிகளின் இரகசியங்களை ஆராய்வான்@ உவமைகளின் மறை பொருட்களின் பயிற்சி செய்வான்.

⁴ பெரியோர் நடுவே வேலையில் அமர்வான்@ அதிகாரிகள் முன்னிலையில் தோன்றுவான்.

⁵ புற இனத்தாருடைய நாட்டில் பயணம் செய்வான்@ மனிதரிடத்தில் நன்மையும் தீமையும் சோதித்துப் பார்ப்பான்.

⁶ தன்னைப் படைத்த கடவுள்பால் விழித்திருப்பதற்குத் தன் இதயத்தைக் கையளிப்பான்@ உன்னத ஆண்டவருடைய முன்னிலையில் மன்றாடுவான்.

⁷ செபத்தில் தன் வாயைத் திறப்பான்@ தன் குற்றங்களுக்காக மன்றாடுவான்.

⁸ ஏனென்றால், மகத்தான ஆண்டவர் மனம் வைப்பாராயின், அறிவுடைமையால் அவனை நிரப்புவார்.

⁹ தமது ஞானத்தின் போதகங்களை மழையைப் போல வரவிடுவார். அவனும் தன் செபத்தில் ஆண்டவரைப் போற்றுவான்.

¹⁰ அவர் அவனுடைய எண்ணத்தையும் நெறியையும் நடத்துவார். அவன் மறை பொருட்களை சிந்தித்துப் பார்ப்பான்.

¹¹ அவர் தமது போதகத்தின் நெறியை வெளிப்படுத்துவார். அவன் ஆண்டவர் உடன்படிக்கையின் கட்டளையில் மகிமை கொள்வான்.

¹² பலர் அவனுடைய ஞானத்தைப் புகழ்வார்கள். அவன் எக்காலத்திற்கும் அழிவடைய மாட்டான்.

¹³ அவன் நினைவு போய்விடாது. தலைமுறை தலைமுறைக்கும் அவன் பெயர் கொண்டாடப்படும்.

¹⁴ அவன் ஞானத்தைக் குடிகளும் சொல்லிக் காட்டுவார்கள்@ சபையும் அவன் புகழ்ச்சியைக் கொண்டாடும்.

¹⁵ அவன் நெடுங்காலம் வாழ்ந்தால் ஆயிரம் பேரைவிடப் புகழ் அடைவான்@ இறந்தாலும் அவனுக்கு மகிமை உண்டு.

¹⁶ இன்னும் பேசுவதற்கு நான் ஆர்வம் நிறைந்தவனாய் இருக்கிறபடியால் சிந்தித்துப் பார்ப்பேன்.

¹⁷ எனக்குக் கேட்கப்படும் குரலாவது: கடவுளின் கனிகளே, நான் சொல்வதைக் கேளுங்கள். தண்ணீர்க் கரைகளில் நடப்பட்ட ரோசாவைப் போலக் கனிகளைக் கொடுங்கள்.

¹⁸ லீபானைப் போல இனிய மணத்தைக் கொடுங்கள்.

¹⁹ லீலியைப் போல மலர்களைக் கொடுங்கள்@ மணத்தைக் கொடுங்கள்@ அழகை அணிந்து கொள்ளுங்கள்@ இன்னிசை பாடுங்கள்@ ஆண்டவரை அவருடைய செயல்களில் போற்றுங்கள்.

²⁰ அவருடைய பெயருக்கு மகிமை கொடுங்கள்@ உங்கள் உதடுகளின் ஓசையால் அவருக்குத் துதி பாடுங்கள். உதடுகளின் இன்னிசைகளிலும் வீணைகளிலும் போற்றிப் புகழுங்கள்.

²¹ ஆண்டவரின் எல்லாச் செயல்களும் மிகச் சிறந்தவை.

²² அவர் வார்த்தையால் தண்ணீர் மேடை போல் நின்றது@ அவரது கட்டளையால் நீர்த்திரள் குளங்களைப் போல் ஆயிற்று.

²³ ஏனென்றால், அவர் ஆணையால் அனைத்தும் நலம் பெறுகின்றன@ அவருடைய செயலில் குறை எதுவும் இல்லை.

²⁴ எல்லா மனிதருடைய செயல்களும் அவருக்கு முன்பாக இருக்கின்றன. அவருடைய கண்களுக்கு மறைவானது யாதொன்றும் இல்லை.

²⁵ காலா காலமும் அவர் பார்த்துக் கொண்டிருக்கிறார். அவருடைய முன்னிலையில் அற்புதமானது ஒன்றும் இல்லை.

²⁶ இதென்ன, அதென்ன என்று சொல்லத்தகாது. ஏனென்றால், அனைத்தும் தத்தம் காலத்தில் தேடப்படும்.

²⁷ அவருடைய ஆசி ஆறு போலப் பெருகும்.

²⁸ வெள்ளப் பெருக்கு எப்படிப் பூமியைக் கவர்ந்து கொண்டதோ, அப்படியே அவரைத் தேடாத மக்களை அவருடைய கோபமும் கைப்பற்றிக் கொள்ளும்.

²⁹ நீர்த்திரளை மாற்றி, பூமியை உலர்த்தி, தம் மக்களுக்குப் பாதையாக ஏற்படுத்தினார். அதுவே பாவிகளுக்கு அவரது கோபத்தின் தண்டனைகளாகவும் அமைந்தது.

³⁰ ஏனென்றால், நல்லவர்களுக்கு நன்மையான காரியங்கள் தொடக்கத்தில் உண்டாக்கப்பட்டன. அவ்வாறே தீயோருக்கு நன்மையும் தீமையும் உண்டாக்கப்பட்டன.

³¹ மனிதருடைய வாழ்க்கைக்கு இன்றியமையாதவைகளாவன: தண்ணீர், நெருப்பு, இரும்பு, உப்பு, பால், கோதுமை, உரொட்டி, தேன், கொடிமுந்திரிக்குலை,

³² எண்ணெய், உடை- இவையெல்லாம் புண்ணியவான்களுக்கு நன்மையாக இருப்பது போல, அக்கிரமிகளுக்கும் பாவிகளுக்கும் தீமையாக மாற்றப்படுகின்றன.

³³ பழிக்காக உண்டாக்கப்பட்ட படைப்புகளும் உண்டு. அவை தங்கள் அக்கிரமத்தில் தங்கள் வாதைகளை நிலைப்படுத்தின.

³⁴ முடிவு காலத்தில் அகோரத்தைப் பொழிந்து, தங்களை உண்டாக்கினவருடைய கோபத்தை அவை நிறைவு செய்யும்.

³⁵ நெருப்பு, கல்மழை, பஞ்சம், சாவு- இவையெல்லாம் பழிக்காக உண்டாக்கப்பட்டன.

³⁶ மிருகங்களுடைய பற்களும் தேள்களும் பாம்புகளும் அக்கிரமிகளை வேரறுக்கப் பழிவாங்கும் வாளைப் போல் இருக்கின்றன.

³⁷ அவருடைய கட்டளைகளில் உண்டு இன்புற்றிருக்கின்றன@ தேவையிருப்பின் பூமியில் தயாராக்கப்படுகின்றன. காலம் வரும் போது அவை கட்டளையை மீறா.

³⁸ ஆதலால், தொடக்கத்திலேயே நான் உறுதிப்படுத்தப்பட்டேன்@ ஆலோசித்தேன்@ நினைத்தேன்@ எழுதி வைத்தேன்.

³⁹ ஆண்டவருடைய செயல்களெல்லாம் சிறந்தவை. அவர் அததன் காலத்தில் ஒவ்வொன்றையும் கொடுத்தருள்கிறார்.

⁴⁰ இது அதை விடக் கெடுதியானது என்று சொல்லலாகாது. ஏனென்றால், காலம் வரும் போது அனைத்தும் வெளிப்படுத்தப்படும்.

⁴¹ இப்போதோ முழு இதயத்தோடும் வாக்கினாலும் ஆண்டவருடைய பெயரைப் போற்றித் துதியுங்கள்.