சீராக் ஆகமம் - பழைய ஏற்பாடு

¹ தேவையின் பொருட்டு மருத்துவனுக்கு மரியாதை செய். ஏனென்றால், உன்னத கடவுள் அவனைப் படைத்தார்.

² கடவுளிடமிருந்து எல்லா மருந்தும் உண்டாகின்றன. மருத்துவன் அரசனிடமிருந்து வெகுமதி பெறுவான்.

³ மருத்துவனுடைய கலை அவன் தலையை உயர்த்துகின்றது. அவன் பெரியோர் முன்பாகக் கொண்டாடப்படுவான்.

⁴ பூமியினின்று கடவுள் மருந்து வகைகளைப் படைத்தார். விவேகமுள்ள மனிதன் அவைகளை வெறுக்கமாட்டான்.

⁵ கசப்பான தண்ணீர் மரத்துண்டால் இனிமையாக்கப் பட்டதில்லையா?

⁶ அவைகளுடைய குணம் மனிதனுடைய அறிவுக்கு வெளிப்பட்டது. தம் அற்புதச் செயல்களில் மகிமைப் படுத்தப்படும்படி கடவுள் அவைகளின் கலையை மனிதருக்குக் கொடுத்தார்.

⁷ அவைகளைக் கொண்டு மருத்துவம் செய்கிறவன் வேதனையைத் தணிப்பான். மருந்து கூட்டுகிறவன் இன்பமான மருந்தைச் செய்வான்@ நலம் தரும் தைலங்களைக் கூட்டுவான்@ அவனுடைய வேலைகள் முடிவு பெறா.

⁸ ஏனென்றால், பூமியின் முகத்தே கடவுளின் தயவு இருக்கின்றது.

⁹ மகனே, உன் நோயில் உன்னைத் தானே அசட்டை செய்யாதே. ஆனால், ஆண்டவரை மன்றாடு@ அவரும் உன்னைக் குணமாக்குவார்.

¹⁰ பாவத்தை அகற்று@ கைகளை மாசுபடுத்தாதே@ உன் இதயத்தை எல்லாக் குற்றத்தினின்றும் தூய்மைப்படுத்து.

¹¹ மாவினுடைய இனிப்பையும் நினைவையும் ஒப்புக்கொடு@ உன் காணிக்கையை அதிகரி@ மருத்துவனுக்கும் இடம் கொடு.

¹² ஏனென்றால், ஆண்டவர் அவனைப் படைத்தார். அவனுடைய வேலைகள் தேவையாய் இருக்கிறபடியால், உன்னை விட்டு அவன் போகாதிருக்கட்டும்.

¹³ ஏனென்றால், மருத்துவர்களுடைய கைகளில் விழ வேண்டிய காலம் உண்டு.

¹⁴ இவர்களும் அவர்கள் வாழ்நாளைக் கழிக்க வேண்டி, ஓய்வும் நலமும் அவர்களுக்குத் தந்தருள ஆண்டவரை மன்றாடுவார்கள்.

¹⁵ தன்னைப் படைத்தவர் முன்னிலையில் குற்றம் கட்டிக் கொள்கிறவன் மருத்துவனுடைய கையில் விழுவான்.

¹⁶ மகனே, இறந்தவனுக்காகக் கண்ணீர் விடு@ கொடுமைகளை அனுபவித்தவன் போல் அழத்தொடங்கு@ வழக்கப்படி அவனுடைய பிணத்தை மூடி, அவனுடைய அடக்கத்தை அசட்டை செய்யாதே.

¹⁷ ஆனால், புறணியைத் தவிர்க்க ஒருநாள் முழுவதும் கடுந் துக்கம் கொண்டாடு. துன்பத்தைப்பற்றி ஆறுதல் அடை.

¹⁸ புறணியைத் தவிர்க்க, அவனுடைய நிலைக்குத் தக்கபடி ஒரு நாளோ இரண்டு நாளோ துக்கம் கொண்டாடு.

¹⁹ ஏனென்றால், துன்பத்தினால் சாவு தீவிரிக்கின்றது@ பலத்தை மூடுகின்றது. இதய வருத்தம் தலை குனியச் செய்கின்றது.

²⁰ இரகசியத்தில் துன்பம் நிலைக்கும். வறியவனுடைய பொருள் அவனுடைய இதயத்திற்குத் தக்கதாய் இருக்கும்.

²¹ உன் இதயத்தை வருத்தத்திற்குக் கையளிக்காதே@ அதை உன்னை விட்டு அகற்றி விடு@ மேலும் முடிவுகளை நினைத்துக் கொள்.

²² மறந்துவிடாதே@ ஏனென்றால், திரும்புவதில்லை@ அவனுக்கு உன்னால் யாதொரு பயனும் இல்லை@ உனக்குத் தானே நட்டம் வருவித்துக் கொள்வாய்.

²³ என் தீர்மானத்தை நினைத்துக் கொள்@ உன்னுடையதும் இவ்வண்ணம் தான் இருக்கும்: நேற்று எனக்கு@ இன்று உனக்கு.

²⁴ இறந்தவனுடைய இளைப்பாற்றியில் அவனுடைய ஞாபகத்தை இளைப்பாற வை. அவன் உயிர் பிரிந்து போகையில் அவனுக்கு ஆறுதல் கொடு.

²⁵ படித்தவனுடைய ஞானத்தை ஓய்வு காலத்தில் அறியலாம். செயலை மட்டுப்படுத்துகிறவன் ஞானத்தை அடைவான்@ அந்த ஞானத்தால் நிரப்பப்படுவான்.

²⁶ ஆனால், ஏர் பிடிக்கிறவனும், கழியில் பெருமை கொள்கிறவனும், தாறு போட்டு எருதுகளை ஓட்டுகிறவனும் தன் தன் வேலைகளில் காலம் கழிக்கிறான்@ தன் மக்களிடத்திலும் எருதுகளைப் பற்றிப் பேசுகிறான்.

²⁷ படைச்சால் ஓட்டுவதில் தன் இதயத்தைச் செலுத்துகிறான்@ பசுக்களைக் கொழுக்க வைப்பதில் அவனுக்குக் கவனம் உண்டு.

²⁸ இப்படியே தச்சனும் சிற்பியும். அவன் இரவைப் பகலைப் போலக் கழிக்கிறான்@ சித்திர அடையாளங்களைச் சித்தரிக்கிறான். அவனுடைய கவனமான வேலை உருவத்தை மாற்றுகிறது. அவன் உருவத்தின் சாயலில் தன் இதயத்தைச் செலுத்துகிறான். அவன் கவனிப்பு வேலையை நிறைவாக்குகின்றது.

²⁹ பட்டடை அண்டை உட்கார்ந்து இரும்பு வேலையைக் கவனிக்கும் கொல்லனும் அப்படியே. நெருப்பின் வெப்பம் அவன் தசையைச் சுடுகின்றது. உலையின் வெப்பத்தில் அவன் போராடுகிறான்.

³⁰ சம்மட்டியின் சத்தம் அவன் காதைக் கிழிக்கிறது. கருவியின் உருவத்தின் மீது அவன் கண் இருக்கின்றது.

³¹ வேலைகளின் முடிவின் மீது அவன் தன் இதயத்தை வைப்பான். அவன் விழிப்பு வேலையை நிறைவாய் அலங்கரிக்கும்.

³² தன் வேலையில் உட்கார்ந்து தன் கால்களால் சக்கரத்தைச் சுற்றும் குயவனும் அப்படியே. தன் வேலையின் நிமித்தம் எப்போதும் அவன் கவலை கொள்கிறான். அவன் வேலையெல்லாம் அளவு முறையில் இருக்கின்றது.

³³ தன் கையில் களிமண்ணை உருவாக்குகிறான்@ தன் கால்களால் அதனைப் பதமாக்குகிறான்.

³⁴ பூச்சுப் பூசுதலில் தன் கவனத்தைச் செலுத்துகிறான். அவன் விழிப்பு சூளையைச் சுத்தப்படுத்துகின்றது.

³⁵ இவர்கள் எல்லாரும் தங்கள் கைகளை நம்பினார்கள். ஒவ்வொருவனும் தன் தொழிலில் ஞானியாய் இருக்கிறான்.

³⁶ இவர்கள் இல்லாது நகரங்கள் கட்டப்படுவதில்லை.

³⁷ ஆனால், அவர்கள் அங்கு வாழ்வதில்லை@ உலாவுவதில்லை சங்கத்திலும் புகுவதில்லை.

³⁸ நீதிபதியின் இருக்கையில் அவர்கள் அமர மாட்டார்கள்@ தீர்மானத்தின் தீர்ப்பை அவர்கள் கண்டுபிடிக்கமாட்டார்கள்@ போதகத்தையும் நன்னெறியையும் வெளிப்படையாய் அறிவிக்க மாட்டார்கள்@ உவமைகளிலும் அவர்கள் கண்டுபிடிக்கப்படவில்லை.

³⁹ ஆனால், காலத்துக்கும் நிற்கும் பொருட்கள் அவர்களால் உறுதியடைகின்றன. அந்தத் தொழிலில் அவர்களுடைய மன்றாட்டு கேட்கப்படும். தன் ஆன்மாவை அதில் செலுத்துகிறவனும் ஆண்டவருடைய கட்டளைகளைத் தேடுகிறவனும் அப்படியே.