சீராக் ஆகமம் - பழைய ஏற்பாடு

¹ எல்லாவற்றிற்கும் ஆண்டவரான கடவுளே, எங்கள் மீது இரக்கமாயிரும்@ எங்களை நோக்கிப் பார்த்து, உம் இரக்கங்களின் தன்மையை எங்களுக்குக் காண்பியும்.

² உம்மைத் தவிர வேறு கடவுள் இல்லையென்று அறியவும், உம் மகத்துவங்களை வெளிப்படுத்தவும் தேடாத அஞ்ஞானிகள் மீது உமது பயத்தை வரவிடும்.

³ உமது வல்லமையைக் காணும்படி புற இனத்தவர் மேல் உமது கையை நீட்டும்.

⁴ அவர்களுக்கு முன்பாக எங்களிடையே நீர் கொண்டாடப்பட்டது போல, எங்களுக்கு முன்பாக அவர்களிடையே நீர் மகிமைப்படுத்தப்படுவீர்.

⁵ உம்மைத் தவிர வேறு கடவுள் இல்லையென்று, ஆண்டவரே, நாங்கள் அறிந்திருப்பது போல, அவர்களும் உம்மை அறியக்கடவார்கள்.

⁶ நீர் புதுமைகளைப் புதுப்பியும்@ புதிய அற்புதங்களைச் செய்யும்.

⁷ உமது கையையும், வலக்கையையும் மகிமைப்படுத்தும்.

⁸ உக்கிரத்தைத் தூண்டிக் கோபத்தைப் பொழியும்.

⁹ விரோதியை ஒழித்துப் பகைவனைத் துன்பத்திற்குள்ளாக்கும்.

¹⁰ உம் மகத்துவங்களை அவர்கள் வெளிப்படுத்தும்படியாய், முடிவை நினைத்துக் காலத்தை தீவிரியும்.

¹¹ தப்பினவன் கோப நெருப்பால் விழுங்கப்படக்கடவான். உம் மக்களுக்குத் தீங்கு செய்கிறவர்கள் அழிவைக் காணக்கடவார்கள்.

¹² எங்களை மிஞ்சிய வேறொருவரும் இல்லை என்று சொல்லும் பகைவர்களுடைய தலைவரின் தலையை நசுக்கும்.

¹³ உம்மைத் தவிர வேறு கடவுள் இல்லையென்று அறியவும், உம் மகத்துவங்களை வெளிப்படுத்தவும் யாக்கோபின் கோத்திரத்தையெல்லாம் ஒன்றாய்ச் சேரும்@ தொடக்கத்தில் இருந்தது போல் அவர்களை உரிமையாய் ஏற்றுக் கொள்வீர்.

¹⁴ உமது பெயரால் அழைக்கப்பட்ட மக்கள் மீதும், உம்முடைய மூத்த பிள்ளைக்கு ஒத்த இஸ்ராயேல் மீதும் நீர் இரக்கமாயிரும்.

¹⁵ நீர் புனிதப்படுத்திய நகரமும், இளைப்பாறும் நகரமுமாகிய யெருசலேமின் மீது இரக்கமாயிரும்.

¹⁶ உம் அற்புத வார்த்தைகளால் சீயோனையும், உமது மகிமையால் உம் மக்களையும் நிரப்பும்.

¹⁷ உமது படைப்பின் தொடக்க முதல் இருக்கிறவைகளுக்குச் சான்று கொடும். முன்னிருந்த இறைவாக்கினர்கள் உமது பெயரால் உரைத்த இறைவாக்குகளை மெய்யாக்கும்.

¹⁸ உம் இறைவாக்கினர்கள் உண்மையுள்ளவர்களென்று நிரூபிக்க உம் ஊழியருக்குச் சம்பாவனை அளியும்@ உம் ஊழியர்களின் மன்றாட்டைக் கேட்டருளும்.

¹⁹ உம் மக்களின் மேல் ஆரோனின் ஆசிக்குத் தகுந்தாற் போல, எங்களை நீதியின் வழியில் நடத்தும். இம்மண்ணிலுள்ள யாவரும், நீரே எக்காலத்தையும் காணும் கடவுள் என்று அறியக்கடவார்கள்.

²⁰ வயிறு எல்லா உணவையும் உண்கின்றது@ ஆனால், ஓர் உணவு மற்றொன்றை விட மேலானது.

²¹ தொண்டை காட்டு மிருகத்தின் இறைச்சியை அறிகிறது@ அது போலவே, பக்தியுள்ள இதயமும் பொய்யான வார்த்தைகளை அறிகின்றது.

²² கெட்ட இதயம் வருத்தம் கொடுக்கும்.

²³ துணிவுள்ளவன் அதை எதிர்ப்பான். பெண் எவ்வித மனிதனையும் ஏற்றுக் கொள்வாள். ஆனால், ஓர் இளம் பெண் மற்றொருத்தியை விட நல்லவள்.

²⁴ பெண்ணின் அழகு அவள் கணவன் முகத்தை மகிழ்விக்கும். மனிதனுடைய எல்லா ஆசையுணர்விலும் ஆசையே முந்தினது.

²⁵ நலப்படுத்தும் நாவானால், சாந்தமும் இரக்கமும் காண்பிக்கும்@ அவளுடைய கணவன் மனிதர் மக்களைப் போலல்லன்.

²⁶ நல்ல மனைவியை அடைந்தவன் பொருள் சேர்க்கத் தொடங்குகிறான்@ அவளுக்குத் தகுந்த துணையாய் இருக்கிறான்@ இளைப்பாறும் தூணாய் இருக்கிறான்.

²⁷ வேலியில்லாத இடத்தில் பொருள் பறிமுதலாகும். பெண் இல்லாத இடத்தில் மனிதன் வறுமையுற்றுப் பெருமூச்சு விடுவான்.

²⁸ ஊரூராய் ஓடி ஒளிந்து தீவிரிக்கும் திருடனைப் போலத் தங்கும் இடம் இல்லாதவனையும், இரவிலே கண்ட இடமெல்லாம் தங்குகிறவனையும் நம்புவார் யார்?