சீராக் ஆகமம் - பழைய ஏற்பாடு

¹ கட்டளையைக் காப்பாற்றுகிறவன் காணிக்கையைப் பெருகச் செய்கிறான்.

² கட்டளைகளைக் கவனிப்பதும், எல்லா அக்கிரமத்தினின்றும் அகல்வதும் பயனுள்ள பலியாகும்.

³ அநீதத்தை விட்டகன்று போவது பொறுத்தலை மன்றாடும் பலியாகவும், பாவங்களுக்கு மன்னிப்பாகவும் இருக்கின்றது.

⁴ மாவுக் காணிக்கை கொடுக்கிறவன் நன்றியறிந்த வணக்கம் செய்கின்றான். இரக்கம் காண்பிக்கிறவன் பலி ஒப்புக்கொடுக்கிறான்.

⁵ அக்கிரமத்தினின்று அகன்று போவது ஆண்டவருக்கு விருப்பமானது. அநீதத்தினின்று விலகுவது பாவ நிவாரணம்.

⁶ அப்பொழுது நீ ஆண்டவருடைய முன்னிலையில் வெறுங்கையனாய்க் காணப்பட மாட்டாய்.

⁷ இவைகளெல்லாம் கடவுள் கட்டளையைப் பற்றிச் செய்யப்படுகின்றன.

⁸ நீதிமானுடைய காணிக்கை பலிபீடத்தைச் செழிப்பிக்கின்றது@ உன்னத கடவுள் திருமுன் இனிய மணமாய் இருக்கின்றது.

⁹ நீதிமானுடைய பலி விருப்பமாய் ஏற்றுக் கொள்ளப்படுகின்றது. ஆண்டவர் அவனை மறந்துவிட மாட்டார்.

¹⁰ நல்ல மனத்தோடு கடவுளுக்கு வணக்கம் செலுத்து. உன் கைகளின் முதற் காணிக்கைகளைக் குறைக்காதே.

¹¹ ஈகையிலெல்லாம் மகிழ்ந்த முகம் காண்பி@ உன் பத்திலொரு பாகங்களை மகிழ்ச்சியாய்க் காணிக்கை கொடு.

¹² உன்னத கடவுள் கொடுத்திருப்பதற்குத் தக்க வண்ணம் நீயும் அவருக்குக் கொடு. நல்ல முகத்தோடு உன் கைகளில் உள்ளதைக் கொடு.

¹³ ஏனென்றால், ஆண்டவர் பதிலளிப்பவராய் இருக்கிறார்@ ஏழு மடங்கு உனக்குத் திரும்பக் கொடுப்பார்.

¹⁴ தகாத காணிக்கைகளை ஒப்புக்கொடுக்காதே. ஏனென்றால், அவர் அவைகளை ஏற்றுக்கொள்ள மாட்டார்.

¹⁵ அநீதப் பலியைக் கவனியாதே. ஏனென்றால், ஆண்டவர் நீதிபதியாய் இருக்கிறார்@ அவரிடம் மனித ஒருதலைச் சார்பு இல்லை.

¹⁶ அவர் வறியவனுக்கு விரோதமாய் எவனையும் ஒருதலைச் சார்பாய் ஏற்றுக்கொள்ள மாட்டார்@ துன்புறுத்தப் பட்டவனுடைய மன்றாட்டைக் கேட்பார்.

¹⁷ அனாதைப் பிள்ளையினுடைய வேண்டுதலைப் புறக்கணிக்க மாட்டார். பெருமூச்சு விட்டு முறையிடும் விதவையைத் தள்ளிவிட மாட்டார்.

¹⁸ விதவையின் கண்ணீர்கள் கன்னத்திற்கு இறங்குவதில்லையா? அவைகளைச் சிந்த வைப்பவனுக்கு அவள் அழுகுரல் கேட்பதில்லையா?

¹⁹ ஏனென்றால், அவை கன்னத்தினின்று வானம் வரைக்கும் ஏறுகின்றன. மன்றாட்டைக் கேட்கும் ஆண்டவர் அவைகளால் மகிழ்ச்சி அடைவதில்லை.

²⁰ மகிழ்ச்சியோடு கடவுளை ஆராதிக்கிறவன் ஏற்றுக்கொள்ளப்படுவான். அவன் மன்றாட்டு மேகங்கள் வரையிலும் எட்டும்.

²¹ தன்னைத் தாழ்த்துகிறவனுடைய வேண்டுதல் மேகங்களை ஊடுருவிப் போகும். அது அங்குச் சேர்கிற வரையிலும் ஆறுதல் அடையாது@ உன்னத கடவுள் பார்க்கிறவரையிலும் திரும்பிப் போகாது.

²² ஆண்டவரும் தூரமாய்ப் போகமாட்டார்@ நீதிமான்களை ஆதரித்துத் தீர்ப்பிடுவார். வல்லமை மிக்கவர் அவர்கள் மீது பொறுமை கொள்ளார்@ ஆனால், அவர்கள் முதுகை ஒடிப்பார்.

²³ அவர் அகந்தையுள்ளவர்களுடைய கூட்டத்தை ஒழிக்கிற வரைக்கும் அநீதரைப் பழிவாங்குவார்@ அக்கிரமிகளுடைய செங்கோல்களை ஒடித்து விடுவார்.

²⁴ அவர் மனிதர்களுக்கு அவரவர் செயல்களுக்குத் தக்கபடியும், ஆதாமுடைய செய்கைகளுக்குத் தக்கபடியும், அவன் வீண் அகந்தைக்குத் தக்கபடியும் கைம்மாறு அளிக்கும் வரைக்கும்,

²⁵ தம் மக்களுக்கு நீதித் தீர்ப்புச் செய்யும் வரைக்கும் பழிவாங்குவார்@ நீதிமான்களைத் தம் இரக்கத்தினால் மகிழ்விப்பார்.

²⁶ கோடைக்காலத்தில், மழை மேகங்களைப் போல, துன்ப காலத்தில் கடவுளுடைய இரக்கம் விரும்பத் தக்கதாய் இருக்கின்றது.