சீராக் ஆகமம் - பழைய ஏற்பாடு

¹ விருந்து விசாரணைக்காரனாக நியமிக்கப்பட்டிருந்தால் நீ அகந்தை கொள்ளாதே. அவர்களில் ஒருவனைப் போல நீயும் அவர்களோடு இரு.

² அவர்களைப் பற்றிய கவலை உனக்கு இருக்கட்டும்@ அதன் பிறகு உட்கார்@ உன் வேலையெல்லாம் முடிந்த பிறகு நீயும் பந்தியில் அமர்.

³ அவர்களைப்பற்றி நீ மகிழவும், மகுடம் போலிருக்கும் நன்றியறிதலின் அணிகலனை அடையவும், விருந்தினர் உன்னைப் புகழும் பேறு பெறவும் தகுந்த விதமாய் நடந்து கொள்.

⁴ எல்லாருக்கும் மூத்தவனே, நீ பேசு@ ஏனென்றால், அது உனக்குத் தகும்.

⁵ அது தேர்ந்த ஞானமுள்ள பேச்சாய் இருக்கட்டும். இன்னிசைக் கருவிகளைத் தடை செய்யாதே.

⁶ கேட்க விருப்பமில்லாவிட்டால், வார்த்தைகளைக் கொட்டாதே. தகாத சமயத்தில் வீணாய் உன் ஞானத்தைப் பாராட்டாதே.

⁷ பொன்னணிகலனில் மாணிக்கம் பதித்திருப்பது போல, மதுபானம் செய்யும் விருந்தில் இன்னிசைக் கருவி அமைகிறது.

⁸ பொன்னணிகலனில் இரத்தினக் கல்லின் முத்திரையைப் போல, மகிழ்ச்சியும் மட்டானதுமான மதுவில் இசைக் கருவியாளருடைய பங்கு அமைகின்றது.

⁹ மௌனமாய்க் கேள்@ உன் மரியாதைக்காக உன் மீது விருப்பம் கொள்வார்கள்.

¹⁰ இளைஞனே, உன்னைப் பற்றிய காரியங்களிலே முதலாய் அரிதாய்ப் பேசு.

¹¹ இரு முறை உன்னைக் கேள்வி கேட்டால், உன் மறுமொழி சுருக்கமாய் இருக்கட்டும்.

¹² பல காரியங்களில் அறியாதவனைப் போல் இரு@ மௌனமாய் இருந்து, சொல்வதற்குச் செவி கொடுத்து, அவசியமான போது கேள்வி கேள்.

¹³ பெரியோர் சபையில் மிஞ்சாதே@ முதியோர் கூட்டத்தில் அதிகமாய்ப் பேசாதே.

¹⁴ இடிக்கு முன் மின்னல்@ அடக்கவொடுக்கத்திற்கு முன் கூச்சம். இந்த மரியாதைக்காக உனக்கு எல்லாருடைய அன்பும் கிடைக்கும்.

¹⁵ எழுந்திருக்கும் நேரம் ஆன போது மயங்காதே. ஆனால், உடனே உன் வீட்டிற்கு விரைந்து போய், அவ்விடத்தில் உல்லாசமாய் இரு@ அவ்விடத்தில் விளையாடு.

¹⁶ உன் மன விருப்பத்தை நிறைவேற்று. ஆனால், குற்றமானதையல்ல@ அகந்தையானதையுமல்ல.

¹⁷ இவை யாவையும் பற்றி, உன்னை உண்டாக்கித் தம் நன்மைகளால் உன்னை நிரப்பின ஆண்டவரைப் புகழ்வாய்.

¹⁸ ஆண்டவருக்கு அஞ்சுகிறவன் அவர் போதனையை ஏற்றுக் கொள்கிறான். அவருக்காக விழித்திருந்தவர்கள் அவரது ஆசி பெறுவர்.

¹⁹ கட்டளையைத் தேடுகிறவன் அதனால் நிரப்பப்படுவான். கள்ளத்தனமாய்ச் செய்கிறவன் அதிலேயே இடையூறடைவான்.

²⁰ ஆண்டவருக்கு அஞ்சுகிறவர்கள் நீதியான தீர்வையைக் காண்பார்கள்@ ஒளியைப் போல் நீதியைக் கொளுத்துவார்கள்.

²¹ பாவியான மனிதன் கண்டனையை விலக்குவான்@ தன் விருப்பம் போல் சாக்குப் போக்குகளைக் காண்பான்.

²² யோசனையுள்ள மனிதன் அறிவைச் சிதறவிடான். அன்னியனும் அகந்தையுள்ளவனும் அஞ்சவே மாட்டார்கள்.

²³ பாவி யோசனையில்லாமல் செய்திருந்த போதிலும் அஞ்சமாட்டான்@ ஆனால், தன் சொந்தச் செயல்களாலேயே குற்றம் சாட்டப்படுவான்.

²⁴ மகனே, எதையும் சிந்திக்காமல் செய்யாதே. அப்படியானால், செய்த பிறகு மன வருத்தப்படமாட்டாய்.

²⁵ கெடுதியின் வழி போகமாட்டாய்@ கற்களிலே மோதிக்கொள்ளமாட்டாய்@ உன் ஆன்மாவிற்குத் தீமை செய்யாதபடி வருத்தமான வழிக்கு உன்னைக் கையளிக்கமாட்டாய்.

²⁶ உன் பிள்ளைகளிடமிருந்து உன்னைக் காப்பாற்றிக் கொள்@ உன் ஊழியக்காரர்களிடமிருந்து உன்னைக் காத்துக் கொள்.

²⁷ எல்லாச் செயல்களிலும் உன் ஆன்ம உறுதியை நம்பு@ ஏனென்றால், அதுவே கட்டளைகளைக் கடைப்பிடித்தலாம்.

²⁸ கடவுளை விசுவசிக்கிறவன் கட்டளைகளைக் கடைப்பிடிக்கிறான்@ அவர் மீது தன் நம்பிக்கையை வைக்கிறவன் கெடுதிக்கு உள்ளாக மாட்டான்.