சீராக் ஆகமம் - பழைய ஏற்பாடு

¹ செல்வங்களின் மீதுள்ள விழிப்பு உடலை வாடச் செய்கின்றது@ அவைகளைப் பற்றிய கவலை தூக்கத்தைக் கெடுக்கிறது.

² வருங்காலத்தின் மீதுள்ள கவலை புத்தியை மாற்றுகின்றது@ கடும் நோய் ஆன்மாவை நிதானப்படுத்துகின்றது.

³ பொருட்களைச் சேர்ப்பதற்காகச் செல்வன் உழைப்பான்@ அவன் இளைப்பாற்றியில் பொருட்களால் இன்பம் அடைவான்.

⁴ வறியவன் உணவில்லாமையால் உழைப்பான்@ மேலும் அதிக வறுமையால் வருந்துவான்.

⁵ பொன்னை நேசிக்கிறவன் நீதிமான் ஆகான். அழிவைப் பின்செல்கிறவன் அதனாலேயே நிரப்பப்படுவான்.

⁶ பொன்னால் பல கேடுகள் உண்டாயின@ அதன் அழகால் பலருடைய அழிவு ஏற்பட்டது.

⁷ பொன்மீது அடாத பற்றுக் கொள்வது பாவத்திற்கு ஏதுவாய் இருக்கின்றது. அதைப் பின்செல்கிறவர்களுக்குக் கேடாம்! அவிவேகி எவனும் அதிலேயே மடிவான்.

⁸ குற்றமில்லாது காணப்படும் செல்வன் பேறு பெற்றோன்@ பொன்னை நாடிப் போகாதவனும், பணத்திலும் செல்வத்திலும் நம்பிக்கை வைக்காதவனும் பேறு பெற்றோன்.

⁹ அவன் யார்? அவனைப் புகழ்வோம்@ ஏனென்றால் தன் வாழ்நாளில் வியப்புக்குரியனவற்றைச் செய்தான்.

¹⁰ அதில் பரிசோதிக்கப்பட்டு உத்தமனானவன் எவனோ, அவனுக்கு நித்திய மகிமை கிடைக்கும். அவன் மீறி நடந்திருக்கக் கூடும்@ ஆனால், மீறினவன் அல்லன். தீமை செய்திருக்கக் கூடும்@ ஆனால், செய்யவில்லை.

¹¹ ஆதலால், அவன் பொருட்கள் ஆண்டவரிடத்தில் நிலைமையாக்கப்பட்டன. புனிதருடைய சபை முழுவதும் அவன் நற்செயல்களை வெளிப்படுத்தும்.

¹² நீ அறுசுவைப் பண்டங்களை வைத்த மேசையில் உட்கார்ந்தாயோ? முதற்கண் உன் வாயின் உண்டிப் பிரியத்திற்கு ஆளாகாதே.

¹³ பல பண்டங்கள் அதன் மேல் இருக்கின்றன என்று சொல்லாதே.

¹⁴ உதவாத பார்வை கெடுதியானதென்று நினைத்துக்கொள்.

¹⁵ கண்ணை விடக் கெடுதி வாய்ந்த படைப்பு யாது? ஆகையால், பார்க்கும் போது முகமெல்லாம் நனையக் கண்ணீர் சொரியும்.

¹⁶ முந்தி நீ கை நீட்டாதே@ நீட்டினால், பொறாமையால் குற்றம் சாட்டப்பட்டு வெட்கமடைவாய்.

¹⁷ பந்தியில் அவசரப்படாதே.

¹⁸ உன்னைக் கொண்டே அயலானுடைய குணத்தையும் அறிந்து கொள்.

¹⁹ உன்னிடம் கொண்டுவரப்பட்டவைகளை அளவுள்ள மனிதனைப் போல் பயன்படுத்து@ மிகுதியாய் உண்பதனால் பகைக்கு ஆளாகாதே.

²⁰ மரியாதையை முன்னிட்டு, முந்தியே நிறுத்தி விடு@ உன் மதிப்பு குறையாதபடிக்கு, மிகுதியாய் உண்ணாதே.

²¹ பலருடைய சபையில் இருந்தால், முந்தி நீ கை நீட்டாதே@ குடிப்பதற்கும் கேளாதே.

²² அளவுள்ள மனிதனுக்குக் கொஞ்சம் மதுபானமே எவ்வளவோ போதுமானது@ தூங்குகையில் அதனால் தொல்லைப்பட மாட்டாய்@ நோக்காடும் அனுபவிக்கமாட்டாய்.

²³ தூக்கக் கேடு, வயிற்று வலி, நோய் நோக்காடு- இவை மட்டுத்திட்டமில்லாதவனுக்கு உண்டாகின்றன.

²⁴ அளவோடு உண்கிற மனிதனுக்கு நல்ல தூக்கம் வருகின்றது. அவன் காலை வரையிலும் தூங்குவான்@ அவன் ஆன்மாவும் அவனோடு மகிழும்.

²⁵ அதிகமாய் உண்ணக் கட்டாயப் படுத்தப்பட்டால், இடையே எழுந்து போய் வாந்தி செய்து விடு. அது உனக்கு நலம் பயக்கும்@ உன் உடலுக்கும் நோயுண்டாக்க மாட்டாய்.

²⁶ மகனே, நான் சொல்வதைக் கேள்@ என்னை நிந்தியாதே. கடைசியில் என் வார்த்தைகளைக் கண்டுபிடிப்பாய்.

²⁷ உன் எல்லாச் செயல்களிலும் சுறுசுறுப்பாய் இரு@ நோய் ஒன்றும் உன்னை அண்டாது.

²⁸ விருந்தளிப்பவனின் தாராளத் தன்மையையும், அவனது நம்பத் தகுந்த உண்மையின் சாட்சியத்தையும் பலர் ஆசீர்வதிப்பர்.

²⁹ கஞ்சத்தனமாய் விருந்து செய்கிறவன் மீது ஊர் முறையிடும்@ அவனுடைய கஞ்சத்தனத்தின் சாட்சியம் மெய்யானது.

³⁰ மதுபானப் பிரியர்களைத் தூண்டிவிடாதே. ஏனென்றால், மதுபானம் பலரைக் கெடுத்தது.

³¹ நெருப்பு இரும்பின் உறுதியைப் பரிசோதிக்கின்றது@ மிதமிஞ்சிக் குடித்த மதுவும் அகந்தையுள்ளவர்களுடைய இதயங்களை வெளியாக்குகின்றது.

³² அளவோடு குடிக்கப்பட்ட மது மனிதருக்குத் தகுந்த வாழ்வு. திட்டமாய் அதைக் குடிப்பாயானால், மட்டாய் இருப்பாய்.

³³ மதுவினால் வலுக் குறைந்தவனுடைய வாழ்க்கை எதற்கு உதவும்?

³⁴ உயிரைப் போக்கடிப்பது என்ன? சாவு.

³⁵ ஆதியில் மகிழ்ச்சிக்காக மது உண்டாக்கப்பட்டதே தவிர, மயக்கத்திற்காக அன்று.

³⁶ அளவோடு அருந்தப்பட்ட மது ஆன்மாவிற்கும் இதயத்திற்கும் மகிழ்ச்சி தரும்.

³⁷ மட்டான பானம் ஆன்மாவிற்கும் உடலுக்கும் நலம் தரும்.

³⁸ மிதமிஞ்சி அருந்தப்பட்ட மது கோபம், ஆத்திரம் முதலிய பல நட்டங்களுக்குக் காரணமாய் இருக்கின்றது.

³⁹ மிதமிஞ்சி அருந்திய மது ஆன்மாவிற்குத் துயரத்தையே தருகிறது.

⁴⁰ அது ஆத்திரத்தை உண்டாக்குகின்றது@ அவிவேகியைக் குற்றத்திற்கு உள்ளாக்குகின்றது@ பலத்தைக் குறைக்கின்றது@ பலரைக் காயப்படுத்துகின்றது.

⁴¹ மதுபானம் அருந்தும் பந்தியில் அயலானிடம் குற்றம் கண்டுபிடிக்காதே@ அவன் மகிழ்ச்சியில் அவனை நிந்தியாதே.

⁴² பழிச் சொற்களை அவனுக்குச் சொல்லாதே@ திரும்பக் கேட்டு, அவனை நெருக்காதே.