சீராக் ஆகமம் - பழைய ஏற்பாடு

¹ தன் மகனை நேசிக்கிறவன் இறுதியில் மகிழ்ச்சி அடையும்படிக்கும், பிறருடைய வாயிலில் பிச்சை ஏற்காதபடிக்கும் அவனை அடிக்கடி தண்டிக்கக் கடவான்.

² தன் மகனுக்குக் கல்வி கற்றுக் கொடுக்கிறவன் அவன் பொருட்டுப் புகழப்படுவான்@ உறவினருக்கு முன்பாக அவன் பொருட்டு மேன்மைப் படுத்தப்படுவான்.

³ தன் புதல்வனுக்குக் கல்வி அளிப்பவன் தன் பகையாளியைப் பொறாமைப்படச் செய்கிறான்@ நண்பர் சபையில் மேன்மைப் படுத்தப்படுவான்.

⁴ அவன் தந்தை இறந்தாலும் இறவாதவனைப் போல் இருக்கிறான். ஏனென்றால், தன்னையொத்தவனைத் தனக்குப் பின் விட்டு வைத்திருக்கிறான்.

⁵ அவன் தன் வாழ்நாளில் தன் மகனைப் பார்த்து மகிழ்ச்சி கொண்டான்@ தன் மரண நேரத்தில் துன்பப்படவுமில்லை@ பகைவர் முன்பாக வெட்கமடையவுமில்லை.

⁶ ஏனென்றால், பகையாளிகளுக்கு விரோதமாய் வீட்டைக் காக்கிறவனையும், நண்பருக்குப் பதில் நன்றி செய்கிறவனையும் விட்டு வைத்திருக்கிறான்.

⁷ அவன் தன் மக்களுடைய ஆன்மாக்களுக்காகத் தன் காயங்களைக் கட்டிக் கொண்டான். எல்லாச் செய்திகளிலும் அவன் குலை நடுங்கினது.

⁸ அடங்காத குதிரை மூர்க்கமாய்ப் போகின்றது. தன் விருப்பத்திற்கு விடப்பட்ட மகனும் துரிதமாய்ச் செல்வான்.

⁹ உன் மகனின் மனத்தின்படியே நீ விட்டு விட்டால் உன்னைத் தனக்கு அஞ்சும்படி செய்வான். அவனுடன் விளையாடினால் உனக்குத் துன்பம் வருவிப்பான்.

¹⁰ நீ துன்பம் அடையாதபடிக்கு அவனுடன் சேர்ந்து சிரிக்காதே@ ஏனென்றால், இறுதியில் உன் பற்களைக் கடிப்பாய்.

¹¹ இள வயதில் அவனுக்கு அதிகாரம் கொடுக்காதே@ அவன் எண்ணங்களை அசட்டை செய்யாதே.

¹² அவன் பிடிவாதக்காரன் ஆகாதபடிக்கும், உன்னை அசட்டை செய்யாதபடிக்கும், அதனால் நீ மனவருத்தம் அடையாதபடிக்கும் இள வயதிலேயே அவன் கழுத்தை வளைத்து, சிறுவனாயிருக்கும் போதே அவனை அடித்து வளர்ப்பாயாக.

¹³ உன் மகனின் ஒழுக்கக் கேட்டால் நீ அவமானம் அடையாதபடிக்கும், அவனுக்குக் கற்பித்துக் கொடுத்து நன்னெறியில் பழக்கு.

¹⁴ பலவீனனும் நோயில் அடிபடுகிறவனுமான செல்வனை விட, உடல் நலமும் பலமுமுள்ளவனுமான வறியவன் மேலானவன்.

¹⁵ ஆன்ம நலம் நீதியின் புனிதத் தன்மையில் அடங்கியிருக்கின்றது@ அது எல்லாப் பொன்னையும் வெள்ளியையும் விட உயர்ந்தது. திரண்ட செல்வத்தை விட வலுவுள்ள உடல் மேலானது.

¹⁶ உடல் நலமாகிய செல்வத்தை விட மேலான செல்வம் இல்லை@ இதய மகிழ்ச்சியை விட மேலான மகிழ்ச்சி இல்லை.

¹⁷ கசப்பான வாழ்வை விடச் சாவு தாவிளை. தீராத நோயை விட நித்திய இளைப்பாற்றி மேலானது.

¹⁸ மூடப்பட்ட வாயில் மறைக்கப்பட்ட பொருட்கள், கல்லறையைச் சுற்றிலும் வைக்கப்பட்ட விருந்துப் பண்டங்கள் போன்றவையாம்.

¹⁹ சிலைக்குக் காணிக்கையால் வரும் பயன் என்ன? அது உண்பதுமில்லை@ நுகர்வதுமில்லை.

²⁰ தன் பாவத்திற்குத் தண்டனையைச் சுமந்து கொண்டு, ஆண்டவரை விட்டகன்று போகிறவனும் அத்தன்மை உள்ளவன்.

²¹ (இவன்), அண்ணகன் கன்னிப் பெண்ணைத் தழுவிப் பெருமூச்சு விடுவது போலக் கண்களால் பார்த்துத் தவிக்கிறான்.

²² உன் ஆன்மாவிற்கு வருத்தம் கொடாதே@ உன் யோசனையில் உன்னைத் தானே துன்பப்படுத்திக் கொள்ளாதே.

²³ இதய மகிழ்ச்சியே மனிதனுக்கு வாழ்வு@ புனிதத் தன்மையின் நிலைமையே செல்வம். மனிதனுடைய மகிழ்ச்சியே நீடிய வாழ்வு.

²⁴ கடவுளுக்கு விருப்பப்படுமாறு உன் ஆன்மாவின் மீது இரக்கமாய் இருந்து, உன்னைத் தானே அடக்கு@ அவருடைய புனிதத் தன்மையில் உன் இதயத்தைச் சேர்த்திடு@ வருத்தத்தை உன்னை விட்டுத் தூர அகற்றி விடு.

²⁵ ஏனென்றால், வருத்தம் பலரைக் கொன்றது@ அதில் பயன் யாதொன்றும் இல்லை.

²⁶ பொறாமையும் கோபமும் வாழ்நாட்களைக் குறைக்கின்றன@ கவலை காலத்துக்கு முந்தியே முதுமையைக் கூட்டி வரும்.

²⁷ தூய்மையும் அமைதியும் உள்ள இதயம் விருந்தில் அமர்ந்திருக்கின்றது@ ஏனென்றால், பண்டங்கள் வெகு நேர்த்தியாய்ச் செய்யப்பட்டுள்ளன.