சீராக் ஆகமம் - பழைய ஏற்பாடு

¹ இரக்கம் காண்பிக்கிறவன் அயலானுக்குக் கடன் கொடுக்கிறான். இவ்வாறு, பணம் படைத்தவன் கட்டளைகளைக் கடைப்பிடிக்கிறான்.

² உன் அயலானுக்கு அவனது தேவையில் கடன் கொடு. நீயும் குறித்த காலத்தில் அயலானுக்குத் திருப்பிக் கொடுத்து விடு.

³ வார்த்தையைக் காப்பாற்றி அவனுடன் நம்பிக்கையாய் நடந்துகொள்@ உனக்குத் தேவையானதை எப்போதும் நீ கண்டடைவாய்.

⁴ வாங்கின கடனைக் கண்டெடுத்த பொருள் போல் பலர் எண்ணினார்கள்@ தங்களுக்கு உதவினவர்களுக்குத் தொல்லை வருவித்தார்கள்.

⁵ வாங்குகிற வரையிலும் கொடுக்கிறவனுடைய கைகளை முத்தமிடுகிறார்கள்@ பணிவான வார்த்தைகளைக் கொண்டு வாக்குக் கொடுக்கிறார்கள்.

⁶ திருப்பிக் கொடுக்க வேண்டிய காலத்திலோ தவணை கேட்பார்கள். சலிப்பும் முறைப்பாடுமான வார்த்தைகளைப் பேசுகிறார்கள்.

⁷ காலத்தைக் குற்றம் சாட்டுவார்கள். திருப்பித் தரக் கூடுமானாலோ தகராறு செய்வார்கள்@ வருத்தப்பட்டுக் கொண்டு தொகையில் பாதி கொடுப்பார்கள். அதையும் கண்டெடுத்த பொருளென்று எண்ணிக் கொள்வார்கள்.

⁸ திருப்பித் தரக் கூடாமற் போனால், பணம் கொடாமல் அவனை மோசம் செய்வார்கள். வலிய அவனைத் தம் பகைவனாக்கிக் கொள்வார்கள்.

⁹ மேலும் நிந்தையையும் சாபத்தையுமே அவனுக்குக் கொடுப்பார்கள். மரியாதைக்கும் நன்மைக்கும் பதிலாக அவனை நிந்திப்பார்கள்.

¹⁰ பலர் கடன் கொடாதிருப்பது கெட்ட மனத்தினால் அன்று@ மாறாக, வலிய மோசம் போக அஞ்சுவதனாலேயே.

¹¹ ஆனாலும், கேடுற்றவன் மேல் மன இரக்கம் வைத்து, அவன் பிச்சையெடுத்து வருத்தமடையும்படி விடாதே.

¹² கட்டளையின் பொருட்டு வறியவனை ஆதரி@ வறுமையின் பொருட்டு அவனை வெறுமனே அனுப்பி விடாதே.

¹³ சகோதரனையும் நண்பனையும் முன்னிட்டுப் பணத்தை இழந்து போ. நீ தண்டனை அடையாதபடி கல்லின் கீழ் அதை ஒளிக்காதே.

¹⁴ உன் செல்வத்தை உன்னத கடவுளின் கட்டளைகளில் வை@ பொன்னை விட அது உனக்கு அதிகப் பயன் தரும்.

¹⁵ உன் பிச்சையை வறியவனுடைய இதயத்திற்கு இடு. எல்லாத் தீமையினின்றும் அது உனக்காக மன்றாடும்.

¹⁶ வலியவனுடைய கேடயத்தையும் ஈட்டியையும் விட

¹⁷ உன் பகைவனுக்கு விரோதமாய்

¹⁸ அது சண்டை செய்யும்.

¹⁹ நல்ல மனிதன் தன் அயலானுக்காகப் பிணையாகிறான். வெட்கம் கெட்டவன் அவனைக் கைவிட்டு விடுவான்.

²⁰ பிணையாளியினுடைய உதவியை மறந்து விடாதே. ஏனென்றால், அவன் தன் ஆன்மாவை உனக்காகக் கொடுத்தான்.

²¹ பாவியும் தூய்மையற்றவனும் தன் பிணையாளியை விட்டகல்வான்.

²² பாவி பிணையாளியின் பொருட்கள் தனக்கே உரியன என்பான். நன்றி கெட்ட மனத்தை உடையவன் தன்னைக் காக்கிறவனைக் கைவிட்டு விடுவான்.

²³ தன் அயலானுக்காக மனிதன் பிணையாளியாகிறான். அவன் மரியாதை கெட்டவனாய் இருந்தால், அவனால் கைவிடப்படுவான்.

²⁴ நீதியற்ற பிணையாளி திறமையுள்ள பலரைப் போக்கடித்திருக்கின்றான். கடலின் அலைகளைப் போல் அவர்களை அலைக்கழித்தான்.

²⁵ வலிமையுள்ளவர்களை ஊர் ஊராய்ச் சுற்றி அலையும்படி செய்தான். அவர்கள் புற இனத்தாரிடத்தில் அலைந்தார்கள்.

²⁶ ஆண்டவருடைய கட்டளையை மீறி நடக்கும் பாவி நீதியற்ற பிணையாளியுடன் சேர்வான். பல காரியங்களைச் செய்ய முயல்கிறவன் மற்றவரின் தீர்ப்புக்கு உள்ளாவான்.

²⁷ உன் ஆற்றலுக்குத் தக்கபடி அயலானுக்கு உதவி செய். நீயே அகப்பட்டுக் கொள்ளாதபடிக்குக் கவனமாய் இரு.

²⁸ மனிதனுடைய வாழ்க்கைக்கு வேண்டிய தலையான காரியங்களாவன: தண்ணீர், அப்பம், உடை, மானத்தைக் காப்பாற்றும் வீடு.

²⁹ சொந்த வீடில்லாமல் பிறர் வீட்டில் உண்ணும் சிறந்த விருந்தை விடப் பலகைகள் மறைவில் உண்ணப்படும் வறியவனுடைய உணவு மேலானது.

³⁰ சொற்பத்தையும் பெரிது என மகிழ்வுடன் ஏற்றுக்கொள்@ அப்போது அன்னிய குடியிருப்பின் நிந்தையைக் கேட்க மாட்டாய்.

³¹ வீடு வீடாய்க் குடியிருக்கிறவன் வாழ்க்கை கேடானது. ஒருவன் எவ்விடம் விருந்தாடியாய்ப் போகிறானோ அவ்விடம் துணிவுடன் எதுவும் செய்யான்@ வாயையும் திறவான்.

³² நன்றி கெட்டவர்களைத் தன் வீட்டில் ஏற்றுக் கொண்டு, உணவும் பானமும் கொடுப்பான்@ இதைப் பற்றிப் பழிக்குரிய வார்த்தைகளையும் கேட்பான்.

³³ விருந்தாடியே, போய் மேசையைத் தயார் செய்@ உன் கையிலுள்ளதைக் கொண்டே மற்றவர்களுக்குச் சாப்பாடு போடு.

³⁴ மாட்சி நிறை என் நண்பரை விட்டுப் போய் விடு@ அவன் என் சகோதரனானபடியால், அவனை ஏற்றுக் கொள்ள என் வீடு வேண்டியதாயிருக்கின்றது என்று சொல்லப்படுவான்.

³⁵ அறிவுள்ள மனிதனுக்கு வீட்டுத் தலைவன் கண்டிப்பும், கடன் கொடுத்தவனுடைய நிந்தையும் பெரும் காரியங்களே.