சீராக் ஆகமம் - பழைய ஏற்பாடு

¹ என்றும் வாழ்கிறவர் எல்லாவற்றையும் உண்டாக்கினார். கடவுள் ஒருவரே முற்றிலும் நீதியுள்ளவர். வெல்லப்படாத அரசராக அவரே என்றும் நிலைத்திருக்கிறார்.

² அவருடைய படைப்புகளை வருணிக்க வல்லவன் யார்?

³ அவருடைய மகத்துவங்களைக் கண்டுபிடிப்பவன் யார்?

⁴ அவருடைய மகிமையின் மாட்சிமையைச் சொல்லிக் காண்பிப்பவன் யார்? அவருடைய இரக்கத்தை விவரித்துச் சொல்லுகிறவன் யார்?

⁵ குறைக்கவும் கூட்டவும் முடியாத கடவுளுடைய மகத்துவங்களைக் கண்டுபிடிப்பவர் ஒருவரும் இல்லை.

⁶ மனிதன் எல்லாவற்றையும் தான் கண்டுபிடித்து விட்டதாக நினைக்கும் போது தான் கண்டுபிடிக்கத் தொடங்குகிறான். அவன் தீர்மானம் செய்த பின் சந்தேகத்தினால் வருந்துவான்.

⁷ மனிதன் யார்? அவனால் உண்டாகும் இலாபம் என்ன? அல்லது, அவனால் உண்டாகும் நன்மை தான் என்ன? அல்லது தீமைதான் என்ன?

⁸ மனிதருடைய வாழ்நாட்களின் கணக்கு, மிஞ்சினால் நூறு ஆண்டுகளே. நித்தியத்துக்கு முன்பாக இவை கடலின் சிறு துளி போலவும், மணலின் ஒரு மணி அணுப் போலவும் சொற்பமானவைகளாய் இருக்கின்றன.

⁹ ஆதலால், கடவுள் அவர்கள் மீது பொறுமையாய் இருக்கிறார்@ அவர்கள் மேல் தம் இரக்கத்தைப் பொழிகிறார்.

¹⁰ அவர்களது வீண் அகந்தையைக் கெடுதியானதென்று காண்கிறார்@ அவர்களுடைய குறிக்கோளும் கெட்டது என்று அறிந்திருக்கிறார்.

¹¹ ஆதலால், அவர்களிடத்தில் தம்முடைய மன்னிப்பை நிறைவாக்கினார்@ அவர்களுக்கு நீதியின் வழியைக் காண்பித்தார்.

¹² மனிதன் தன் அயலானுக்கு இரக்கம் காண்பிக்கிறான்@ கடவுளுடைய இரக்கமோ எல்லாப் படைப்புகள் மேலும் உண்டு.

¹³ இடையன் தன் மந்தையை நடத்துவது போல, இரக்கமுள்ள கடவுள் மனிதருக்குப் போதிக்கிறார்@ அவர்களைத் தண்டிக்கிறார்.

¹⁴ தமது இரக்கத்தின் நெறியைக் கடைப்பிடிப்பவன் மேலும், தம்முடைய தீர்மானங்களுக்கு உட்படுகிறவன் மேலும் அவர் இறங்குகிறார்.

¹⁵ மகனே, நன்மை செய்யும்போது முறையிடாதே. பிச்சை இடும் போது கெடுதியான வார்த்தைக்கு இடம் கொடாதே.

¹⁶ பனி வெப்பத்தைக் குளிர்ச்சியாக்குவதில்லையோ? அதுபோலவே நல்ல வார்த்தை பிச்சையை விட மேலானது.

¹⁷ இட்ட பிச்சையை விட நல்ல வார்த்தை உண்மையாகவே உயர்ந்ததன்றோ? ஆனால், அவ்விரண்டும் நீதிமானிடமே உண்டு.

¹⁸ மூடன் கடும் சொல் சொல்லுவான். தீநெறியான் இட்ட பிச்சை கண்களை உலரச் செய்கின்றது.

¹⁹ தீர்ப்பிடு முன் முதலில் நீதியைக் கற்றுக் கொள். பேசுவதற்கு முன் அறிந்து கொள்.

²⁰ நோய்க்கு முன் மருந்து சாப்பிட்டுக் கொள். தீர்மானத்திற்கு முன் உன்னையே ஆராய்ந்து பார்@ கடவுள் முன்னிலையில் இரக்கத்தைக் காண்பாய்.

²¹ நோய் வருமுன்பே உன்னைத் தாழ்த்தி நட. நோயின் போது உன் நன்னெறியைக் காண்பி.

²² இடைவிடாமல் செபிப்பதை விட்டுவிடாதே. மரணம் வரையிலும் நீதியைத் தேடுவதில் தயங்காதே. ஏனென்றால், கடவுளுடைய வெகுமதி நித்தியத்திற்கும் நிலைத்திருக்கும்.

²³ செபிப்பதற்கு முன் உன் ஆன்மாவைத் தயார் செய்@ கடவுளைச் சோதிக்கும் மனிதனைப் போல் இராதே.

²⁴ இறுதி நாளில் அவர் கொள்ளும் கோபத்தையும், அவர் தம் முகத்தைத் திருப்பி நீதியளிக்கும் காலத்தையும் நினைத்துக் கொள்.

²⁵ இன்பம் துய்க்கும் போது நீ பட்டிருந்த துன்பத்தை மறவாதே. வறுமையால் வருந்தும் போது, நீ சுவைத்த இன்பத்தை மறவாதே.

²⁶ ஏனென்றால், காலை முதல் மாலை வரையிலும் காலம் மாறிவரும்@ இவைகளெல்லாம் கடவுள் முன்னிலையில் நடத்தப்படுகின்றன.

²⁷ ஞானி எல்லாவற்றிலும் பயந்து நடப்பான். பாவச் சமயமான நாட்களில் சோம்பலை அகற்றுவான்.

²⁸ புத்திக் கூர்மையுள்ளவன் ஞானத்தைக் கண்டுகொள்கிறான்@ அதைக் கண்டவனுக்குப் புகழ்ச்சி செலுத்துகிறான்.

²⁹ அறிவாளிகளுடைய ஞானம் அவர்கள் வார்த்தையில் வெளிப்படுத்தப்படும். அவர்கள் உண்மையையும் நீதியையும் கண்டுபிடித்து, நீதி மொழிகளையும் நியாயங்களையும் சரமாரியாய்ப் பொழிகிறார்கள்.

³⁰ ஆசையுணர்வுகளுக்கு இடம் கொடாதே. அவைகளை உன் மனத்தினின்று. அகற்றி விடு.

³¹ உன் ஆன்மாவில் உன் ஆசையுணர்வுகளுக்கு இடம் கொடுப்பாயானால், அவை உன்னைப் பற்றி உன் பகைவர் மகிழ்வடையும்படி செய்யும்.

³² அற்பமான கலகக் கூட்டங்களில் முதலாய் விருப்பம் கொள்ளாதே@ ஏனென்றால், அவைகளில் குற்றம் தடையில்லாமல் இருக்கும்.

³³ உனக்கு உன் பையில் ஒன்றுமில்லாத போது, விருந்துச் செலவுக்காகக் கடன் வாங்கி வறியவனாகாதே@ ஏனென்றால், உன் உயிருக்கே நீ பகையாளி ஆவாய்.