சீராக் ஆகமம் - பழைய ஏற்பாடு

¹ கடவுள் மண்ணால் மனிதனை உண்டாக்கினார்@ தமது சாயலாக அவனைப் படைத்தார்.

² திரும்பவும் அவனை மண்ணாகவே மாற்றுவார்@ அவனுக்குக் தக்க வலிமையைக் கொடுத்தார்.

³ நாட்களின் தொகையையும் காலத்தையும் அவனுக்குக் குறித்தார்@ நிலத்தில் உள்ளவைகளின் மீது அவனுக்கு அதிகாரம் கொடுத்தார்.

⁴ எல்லா உயிரினங்களும் அவனுக்கு அஞ்சும்படி செய்தார். அவனும் மிருகங்கள் மேலும் பறவைகள் மேலும் அதிகாரம் செலுத்தினான்.

⁵ அவர் அவனிடத்திலிருந்து அவனைப் போலவே அவனுக்கு ஒரு துணைவியை உண்டாக்கினார்@ அறிவையும் நாவையும் கண்களையும் காதுகளையும், நினைப்பதற்கு மனத்தையும் அவர்களுக்குக் கொடுத்தார்@ அறிவின் ஒளியால் அவர்களை நிரப்பினார்.

⁶ ஞான அறிவையும் அவர்களுக்குத் தந்தார்@ அவர்கள் இதயத்தை ஞானத்தினால் நிரப்பினார்@ நன்மையையும் தீமையையும் அவர்களுக்குக் காண்பித்தார்.

⁷ தம் செய்கைகளின் மாட்சியை அவர்களுக்குக் காண்பிக்க அவர்கள் இதயங்களின் மேல் தமது கண் வைத்தார்.

⁸ தம் புனித பெயரை அவர்கள் கொண்டாடவும், அவர்கள் தம் செய்கைகளின் மாட்சியை வெளிப்படுத்துவதனால் தம் அரும் பெரும் செயல்களில் மகிமைப் படுத்தப்படவும் திருவுளம் கொண்டார்.

⁹ அவர் அவர்களுக்கு நன்னெறியை ஏற்படுத்தி வாழ்நாளின் ஒழுங்குக்கு அவர்களை உரிமையாளராக்கினார்.

¹⁰ அவர்களோடு நித்திய ஒப்பந்தம் செய்துகொண்டார்@ தமது நீதியையும் தீர்மானங்களையும் அவர்களுக்குக் காண்பித்தார்.

¹¹ அவருடைய பெருமையின் மாட்சியை அவர்கள் கண்கள் கண்டன. அவர் குரலின் மேன்மையை அவர்கள் செவிகள் கேட்டன. மேலும் அவர்: எல்லா அக்கிரமத்திலிருந்தும் விலகுங்கள் என்று அவர்களுக்குச் சொன்னார்.

¹² அவர்கள் ஒவ்வொருவருக்கும் அயலாரைப் பற்றிய கட்டளைகளை ஏற்படுத்தினார்.

¹³ அவர்கள் நடத்தைகள் எப்போதும் அவர் முன்பாக இருக்கின்றன@ அவருடைய கண்களுக்கு அவை மறைந்தவை அல்ல.

¹⁴ அவர் ஒவ்வொரு நாட்டுக்கும் தலைவரை ஏற்படுத்தினார்.

¹⁵ கடவுளுடைய மக்களோ இஸ்ராயேல் என்பது வெளிப்படுத்தப்பட்டது.

¹⁶ அவர்களுடைய செயல்களெல்லாம் கதிரவனைப் போல் அவருக்கு முன் இருக்கின்றன. இடைவிடாது அவருடைய கண்கள் அவர்களுடைய செயல்களைப் பார்த்துக் கொண்டிருக்கின்றன.

¹⁷ அவர்களுடைய அக்கிரமத்தினால் கட்டளைகள் மறைபடுவதில்லை@ அவர்களுடைய அக்கிரமங்கள் எல்லாம் கடவுளுக்கு முன்பாக இருக்கின்றன.

¹⁸ மனிதன் இடும் பிச்சை அவருக்கு முன்பாக ஒரு முத்திரையைப் போல் இருக்கின்றது. அவர் தம்முடைய கண்மணி போல் அவனுடைய நன் மனத்தைக் காப்பாற்றுவார்.

¹⁹ பிறகு எழுந்து, அவனவனுக்கு அவனவன் செய்ததற்குத் தக்கபடி தீர்ப்பிடுவார்@ தீயோரை மண்ணுலகின் பாதாளத்தில் புதைப்பார்.

²⁰ மனவருத்தப்படுகிறவர்களை மனந்திரும்பச் செய்வார்@ பலவீனரைத் தேற்றி நிலை நிறுத்துவார்@ உண்மையை அவர்கள் உடைமையாக நியமிப்பார்.

²¹ ஆண்டவரிடமாய்த் திரும்பி உன் பாவங்களை விட்டு விடு.

²² ஆண்டவர் முன் மன்றாடி உன் குற்றங்களைக் குறைத்து விடு.

²³ ஆண்டவர்பால் திரும்பி உன் அநீதத்தினின்று விலகு. அக்கிரமத்தை வெறுத்துப் பகைப்பாயாக.

²⁴ கடவுளுடைய நீதிச் செயல்களையும் தீர்மானங்களையும் அறிந்து, அவர் உனக்கு நியமித்த நிலையிலும், உன்னத கடவுளை நோக்கி வேண்டுவதிலும் நிலைத்திரு.

²⁵ உயிரோடிருந்து கடவுளுக்கு வணக்கம் புரிகிறவர்களோடு புனித உலகின் பேற்றைப் பெறச் செல்.

²⁶ அக்கிரமிகளுடைய பொய்மையில் நில்லாதே. மரணத்திற்கு முன்பே கடவுளை வாழ்த்து. இறந்தவனுடைய வாழ்த்து ஒன்றுமில்லாமை போல் ஒழிந்து போகின்றது. உயிருள்ள போது கடவுளை வணங்குவாய்.

²⁷ உயிரும் உடல் நலமும் இருக்கும் போதே அவரைப் புகழ்ந்தேத்து. அவருடைய இரக்கத்தைக் கொண்டாடுவாய்.

²⁸ தம்மிடத்தில் திரும்புகிறவர்கள் மீது ஆண்டவருடைய இரக்கமும் அவருடைய மன்னிப்பும் எவ்வளவோ மாட்சிமையுள்ளனவாய் இருக்கின்றன.

²⁹ மேலும், அனைத்தும் மனிதரில் இருப்பது கூடாத காரியம். ஏனென்றால், மனிதனாய்ப் பிறந்தவன் அழியாதவன் அல்லன். வீண் பெருமையுள்ள தீச் செயல்களை அவன் விரும்புகின்றான்.

³⁰ கதிரவனைவிட ஒளியுள்ளது எது? அதுவும் குறைவுபடுகிறது. மாமிசமும் இரத்தமும் நினைப்பதை விடக் கெடுதியானது எது? ஆனால், அது கண்டிக்கப்படும்.

³¹ வானத்தின் உன்னதத்தைக் கடவுள் காண்கிறார். மனிதர் அனைவரும் தூசியும் சாம்பலுமாய் இருக்கிறார்கள்.