சீராக் ஆகமம் - பழைய ஏற்பாடு

¹ கடவுளுக்குப் பயந்து நடக்கிறவன் புண்ணியத்தைச் செய்வான். நீதியின்படி ஒழுகுபவன் அதைக் கைப்பற்றுவான்.

² அது மகிமையுள்ள அன்னையைப் போல அவன்முன் செல்லும்@ கன்னிமை கெடாத பெண்ணைப் போல் அவனை ஏற்றுக்கொள்ளும்@

³ உணவாக வாழ்வையும் அறிவையும் அவனுக்குத் தரும்@ பானமாக ஞானத்தை அவனுக்கு அளிக்கும். அவன் அதன் மீது ஊன்றி நடப்பதனால் கலக்கமடைய மாட்டான்@

⁴ அதன் மீது பற்று வைத்ததனால் வெட்கம் கொள்ளமாட்டான்@ அதனால் மற்றவர்களுக்கு முன்பாக மேன்மைப் படுத்தப்படுவான்.

⁵ அவன் சபை நடுவில் பேச ஆண்டவர் அவனுக்கு நாவன்மை அளிப்பார். விவேகமும் அறிவாற்றலும் நிறைந்த உணர்வை அவனுக்குத் தந்தருளுவார். இந்த அறிவாற்றல், உடுத்தும் அலங்கார ஆடை போல் அவனிடம் ஒளிரும்@

⁶ மகிழ்ச்சியையும் அக்களிப்பையும் அவனிடம் சேர்ப்பிக்கும்@ நித்திய பெயருக்கு அவனை உரிமையாளியாக்கும்.

⁷ அறிவில்லா மனிதர் அதைக் கண்டுபிடிக்க மாட்டார்கள். அறிவுடையோரோ அதை அடைய விரும்புவார்கள். மூடர் அதைக் காணார். ஏனென்றால், அகந்தைக்கும் கபடுக்கும் வெகுதூரத்தில் அது இருக்கின்றது.

⁸ பொய்யர் அதை நினைக்க மாட்டார்கள். உண்மையுரைப்போரோ அதைக் துணையாகக் கொண்டமையால் கடவுள் திருமுன் வரும் வரைக்கும் மகிழ்வு அடைவார்கள்.

⁹ பாவியினுடைய வாயில் கடவுளுடைய புகழ்ச்சி சிறந்ததன்று.

¹⁰ ஏனென்றால், கடவுளிடத்தினின்று ஞானம் தோன்றினது@ கடவுளுடைய புகழ்ச்சியே ஞானத்தோடு கூட நிற்கின்றது@ நம்பத் தகுந்தவனுடைய வாயில் அது மிகுந்திருக்கின்றது@ ஆண்டவர் அவனுக்கு அதைக் கொடுப்பார்.

¹¹ ஞானம் என்னிடம் இல்லாததற்குக் கடவுளே காரணம் என்று சொல்லாதே. ஏனென்றால், அவர் பகைப்பதை நீ செய்யாதிரு.

¹² அவரே நான் கெட்டுப் போவதற்குக் காரணம் என்று சொல்லாதே. ஏனென்றால், அக்கிரமிகள் அவருக்குத் தேவையில்லை.

¹³ அநியாயம் அனைத்தையும் ஆண்டவர் பகைக்கிறார். அவருக்குப் பயப்படுகிறவர்களுக்கும் அது விருப்பமாய் இராது.

¹⁴ கடவுள் ஆதியில் மனிதனைப் படைத்து, அவன் தன் விருப்பத்தின்படியே நடக்க உரிமை கொடுத்தார்.

¹⁵ ஆனால், தம் கட்டளைகளையும் சட்டங்களையும் கொடுத்தார்.

¹⁶ கட்டளைகளைக் கடைப்பிடிக்கவும் அவருக்கு நித்தியத்திற்கும் விருப்பமாய் நடக்கவும் உனக்கு மனமுண்டானால் அவைகள் உன்னைக் காப்பாற்றும்.

¹⁷ அவர் நீரும் நெருப்பும் உன் முன்பாக வைத்தார். எது வேண்டுமோ, உன் கையை நீட்டு.

¹⁸ மனிதனுக்கு முன்பாக வாழ்வும் சாவும், நன்மையும் தீமையும் உண்டு. அவன் எதைத் தேர்ந்து கொள்வானோ அதை அடைவான்.

¹⁹ ஏனென்றால், கடவுளுடைய ஞானம் மகத்தானது. அதிகாரத்தில் வல்லமை உள்ளது. அவர் இடைவிடாமல் அனைவரையும் கண்டறிகிறார்.

²⁰ ஆண்டவருடைய கண்கள் அவருக்கு அஞ்சி நடப்பவர்கள் மீது இருக்கின்றன. மனிதனுடைய எல்லாச் செயல்களையும் அவர் அறிகிறார்.

²¹ அக்கிரமமாய் நடக்க அவர் எவனுக்கும் கற்பித்ததில்லை@ பாவம் செய்யும்படி எவருக்கும் உத்தரவு கொடுத்ததில்லை.

²² ஏனென்றால், பிரமாணிக்கமற்றவர்களும் பயனற்றவர்களுமான பிள்ளைகளின் கூட்டத்தை அவர் விரும்புவதில்லை.