சீராக் ஆகமம் - பழைய ஏற்பாடு

¹ கீலைத் தொடுகிறவன் கறைப்படுவான். அகந்தையுள்ளவனோடு உறவாடுகிறவன் அகந்தையைத் தரிப்பான்.

² தன்னை விடப் பெரியவனோடு உறவாடுகிறவன் தன் மேல் பாரத்தைச் சுமத்திக் கொள்கிறான். உன்னைச் காட்டிலும் அதிகச் செல்வமுள்ளவனோடு உறவு கொள்ளாதே.

³ மண் பானைக்கு இரும்புப் பானையோடு தொடர்பு என்ன? ஒன்றோடொன்று மோதும் போது (மண்பானை) உடைந்து போகும்.

⁴ செல்வமுள்ளவன் அநியாயம் செய்து பிறகு துடிதுடிக்கிறான். அநியாயம் செய்யப்பட்ட எளியவனோ மௌனமாய் இருக்கிறான்.

⁵ அவனுக்குப் பரிசு கொடுத்தால் உன்னை ஏற்றுக்கொள்வான்@ உன்னிடத்தில் ஒன்றுமில்லாமல் போனால் உன்னை விட்டு விடுவான்.

⁶ உன்னிடம் செல்வமிருந்தால் உன்னுடன் சேர்ந்து பந்தியில் அமர்ந்து உனக்கு அதிகச் செலவை உண்டாக்குவான்@ அதனால் உன்னைப் பற்றி அவன் வருந்தமாட்டான்.

⁷ அவனுக்குத் தேவையாய் இருப்பாயேயாகில் உன்னை வசப்படுத்திக் கொள்வான்@ நயந்து, உனக்கு நம்பிக்கை வருவித்து, நல்ல வார்த்தைகள் சொல்லி, உனக்கு வேண்டியது என்ன என்று கேட்பான்.

⁸ தன் விருந்துகளால் உன்னை மயக்கி, உன்னை முழுமையும் போக்கடிக்கிற வரையில் இரண்டு மூன்று முறை அவ்வாறே செய்வான்@ கடைசியில் உன்னை நகைத்து, உன்னிடம் ஒன்றுமில்லை என்று கண்டு உன்னை விட்டுவிடுவான்@ உன்னைப் பார்த்துத் தன் தலையை அசைப்பான்.

⁹ கடவுளுக்கு முன்பாக உன்னைத் தாழ்த்து@ அவர் உதவிக்குக் காத்திரு.

¹⁰ வஞ்சகத்தால் மோசம் போய், மூடத்தனத்தால் நீ தாழ்த்தப்படாதபடிக்கு எச்சரிக்கையாய் இரு.

¹¹ தாழ்த்தப்பட்டதனால் மூடத்தன்மைக்கு உள்ளாகாதபடிக்கு உன் ஞானத்தில் உன்னைத் தாழ்த்தாதே.

¹² உன்னிலும் பெரியவன் ஒருவன் உன்னை அழைப்பானேயானால், நீ தூரமாய்ப் போ. ஏனென்றால், அப்படிச் செய்வதனால் அவன் உன்னை மீண்டும் அழைப்பான்.

¹³ அவனுக்கு வெறுப்புண்டாகாதபடி அடிக்கடி போகாதே@ அவன் உன்னை மறந்து விடாதபடிக்குத் தூரமாயும் போகாதே.

¹⁴ அவனுக்கு நிகரானவன் போன்று நீடித்த உரையாடல் மேற்கொள்ளாதே@ அவனுடைய நீண்ட பேச்சுகளையும் நம்பாதே. ஏனென்றால் அவன் பல பேச்சுகளால் உன்னைத் தந்திரமாய் ஏமாற்றி, சிரித்துக் கொண்டு உன் இரகசியங்களை அறிய முயல்வான்.

¹⁵ தான் இரக்கமற்ற இதயமுடையவனாய் இருப்பதனால், உன் வார்த்தைகளை வெளிப்படுத்துவான்@ உன்னைக் கெடுப்பதற்கோ, சிறையில் அடைப்பதற்கோ பின்னடையமாட்டான்.

¹⁶ நீ எச்சரிக்கையாய் இரு@ அவன் சொல்வதைக் கவனமாய்க் கேள். இல்லாவிடில் நீ ஆபத்தில் சிக்கிக் கொண்டு நடப்பாய்.

¹⁷ அவைகளெல்லாம் கனவில் கேட்பது போல் எண்ணு@ அப்போது விழித்திருப்பவன் போல் எச்சரிக்கையாய் இருக்கக்கடவாய்.

¹⁸ உன் வாழ்நாள் முழுமையும் கடவுளை நேசி@ உன் மீட்பிற்காக அவரை மன்றாடு.

¹⁹ எல்லா உயிரினங்களும் தம்மைப் போன்றவற்றை நேசிக்கின்றன. அவ்வாறே ஒவ்வொரு மனிதனும் தன் அயலானை நேசிக்கிறான்.

²⁰ ஒவ்வொரு பிராணியும் தனக்கு ஒத்ததோடு சேர்க்கப்படுகின்றது@ ஒவ்வொரு மனிதனும் தனக்கு ஒத்தவனோடு இணைக்கப்படுகிறான்.

²¹ நரி ஒருவேளை ஆட்டோடு கூடுமானால் பாவியும் நீதிமானோடு கூடலாம்.

²² புண்ணியவானான மனிதனுக்கு நாயோடு தொடர்பு என்ன? செல்வனுக்கு எளியவனோடு என்ன ஒப்புரவு?

²³ காட்டுக் கழுதை சிங்கத்திற்கு இரையாகிறது போல் எளியவர்கள் செல்வமுடையோருக்கு இரையாகிறார்கள்.

²⁴ அகந்தை கொண்டவர்கள் தாழ்ச்சியை வெறுப்பது போல செல்வமுடையோன் எளியவனை வெறுக்கிறான்.

²⁵ செல்வமுடையோன் கலக்கமுற்ற காலத்தில் தன் நண்பரால் தேற்றப்படுகிறான். எளியவனோ விழுந்த போது நண்பரால் புறக்கணிக்கப்படுவான்.

²⁶ மோசம் செய்யப்பட்ட செல்வனுக்கு உதவுகிறவர்கள் பலர்@ அகந்தையாய்ப் பேசினாலும் அவன் சொற்களை அவர்கள் ஏற்றுக் கொள்வார்கள்.

²⁷ எளியவன் மோசம் செய்யப்பட்டாலோ அதிகமாய்க் குற்றம் சாட்டப்படுவான். அறிவுச் செறிவோடு பேசினாலும் அவனுக்கு இடம் கொடுக்கப்பட மாட்டாது.

²⁸ செல்வமுள்ளவன் பேசினால் எல்லாரும் மௌனமாய் இருப்பார்கள்@ அவன் வார்த்தைகளை மேகங்கள் வரையிலும் உயர்த்துவார்கள்.

²⁹ எளியவன் பேசினாலோ: இவன் யார் என்பார்கள்@ அவன் தவறினாலோ அவனை விழத்தாட்டுவார்கள்.

³⁰ மனச்சாட்சியில் குற்றமில்லாதவனுக்குச் செல்வம் நலம் தரும். வறுமையோ அக்கிரமிக்கு மிகவும் கெடுதிக்கு உரியதாய் இருக்கும்.

³¹ நன்மையிலேனும் தீமையிலேனும் மனிதனுடைய இதயம் அவன் முகத்தை மாற்றுகின்றது.

³² நல்லவன் இதயத்தின் அடையாளத்தையும், அவன் மலர்ந்த முகத்தையும் காண்பது அரிதும் கடினமுமானது.