சீராக் ஆகமம் - பழைய ஏற்பாடு

¹ நீ நன்மை செய்வதாயின், எத்தன்மையானவனுக்குச் செய்கிறாயென்று தெரிந்து செய்@ அப்போது உன் நற்செயல்களினால் பெரும் பயன் உண்டாகும்.

² நீதிமானுக்கு நன்மைசெய்@ அதனால் பெரும் நன்மை அடைவாய்@ அவனால் பெறாவிடினும் நிச்சயம் ஆண்டவராலேனும் உனக்குக் கிடைக்கும்.

³ எப்போதும் கெடுதியை நாடுகிறவனும், பிச்சை இடாதவனும் நல்ல நிலையில் இருக்கப் போகிறதில்லை@ ஏனென்றால், உன்னத கடவுள் பாவிகளைப் பகைக்கிறார்@ மன வருத்தப் படுகிறவர்கள் மேல் இரக்கமாய் இருக்கிறார்.

⁴ இரக்கமுள்ளவனுக்குக் கொடு@ பாவியை ஏற்றுக்கொள்ளாதே. ஏனென்றால், ஆண்டவர் அக்கிரமிகளுக்கும் பாவிகளுக்கும் தகுந்த தண்டனை கொடுப்பார்@ அவர்களுக்காகப் பழிவாங்கும் நாள் வரை காத்துக் கொண்டிருக்கிறார்.

⁵ நல்லவனுக்குக் கொடு@ பாவியை ஏற்றுக்கொள்ளாதே.

⁶ தாழ்ச்சியுள்ளவனுக்குப் பிச்சை இடு@ தீயவனுக்கு ஒன்றும் கொடாதே@ அவன் உன்னினும் வலியவனாகாதபடிக்கு, அவனுக்கு உணவு கொடுக்கப்படுவதைத் தடுத்து விடு.

⁷ நீ அவனுக்குச் செய்யும் எல்லாவற்றிலும் இருவிதத் தீமைகளைக் காண்பாய். ஏனென்றால், உன்னத கடவுள் பாவிகளைப் பகைக்கிறார்@ அக்கிரமிகளைத் தண்டிக்கிறார்.

⁸ நீ செல்வாக்குடன் இருக்கும் போது உண்மையான நண்பன் யாரென்று அறிய முடியாது. துன்பத்தில் உண்மையான பகைவன் யாரென்று அறியப்படும்.

⁹ மனிதன் செல்வாக்குடன் இருக்கும் போது அவன் பகைவர்கள் வருத்தமாயிருக்கிறார்கள்@ அவன் துன்பத்தில் நண்பன் அறியப்படுகிறான்.

¹⁰ உன் பகைவனை நீ ஒரு போதும் நம்பாதே. ஏனென்றால், பித்தளையில் களிம்பு ஏறுமாப் போல் அவன் கெட்ட குணமும் களிம்பேறிப் போகும்.

¹¹ தன்னைத் தாழ்த்தி அவன் குனிந்து நடந்த போதிலும், உன் மனத்தை எச்சரிக்கைப்படுத்தி, அவனிடம் சிக்கிக்கொள்ளாதபடி விழித்திரு.

¹² அவனை உன்னோடு சேர்த்துக் கொள்ளாதே@ அவன் வலப்பக்கத்திலும் உட்காராதே. ஏனென்றால், ஒருவேளை அவன் உனக்கு விரோதமாய் உன் பக்கமாய்த் திரும்பி உன் இருக்கையில் அமர்வான். (அப்படிச் செய்தால்) கடைசியில் நான் சொன்னதை நீ நினைந்து வருந்தி, அது உண்மையென்று கண்டுபிடிப்பாய்.

¹³ பாம்பால் கடிபட்ட பாம்பாட்டி மீதும், மிருகங்களிடம் போகும் எவன் மீதும் இரக்கம் கொள்பவன் யார்? இது போலவே, அக்கிரமியோடு கூடுகிறவனும் அவன் பாவங்களாலேயே சூழப்படுவான்.

¹⁴ அவன் சிறிது நேரம் உன்னோடு தங்குவான்@ அவனை நீ கவனியாமல் போனால் பொறுக்க மாட்டான்.

¹⁵ பகைவன் தன் சொற்களில் இனிப்பானவன்@ தன் உள்ளத்திலோ உன்னைக் குழியில் தள்ள வழி தேடுவான்.

¹⁶ பகைவன் உன் துன்ப காலத்தில் தன் கண்களில் கண்ணீர் உகுக்கிறான். சமயம் வாய்க்கும் போது நீ இரத்தம் சிந்தக் கண்டு நிறைவு கொள்வதை ஆசையுடன் தேடுவான்.

¹⁷ உனக்குத் துன்பங்கள் வரும் போது அவனே முதன் முதல் உன்னிடம் ஓடி வருவான்.

¹⁸ பகைவன் தன் கண்களில் கண்ணீர் உகுக்கிறான். உனக்கு உதவி செய்பவன் போல் உன் காலடிகளைத் தட்டி விடுகிறான்.

¹⁹ அப்பால், தன் தலையை அசைப்பான்@ கைதட்டுவான்@ பற்பல பொய், புறணிகள் சொல்லித் தன் முகத்தை மாற்றுவான்.