சேவல் விருத்தம் - 11
மத்யமாவதி - கண்ட சாபு
பூவிலியன் வாசவன் முர்ரரி முனிவோர் அமரர் பூசனை செய்வோர் மகிழவே பூதரமும் எழுகடலும் ஆட அமுதூற அனு போக பதினால் உலகமும் தாவுபுகழ் மீறிட நிசாசரர்கள் மாள வரு தானதவ ஞூல் தழையவே தாள் வலியதான பல பேய்கள் அஞ்ஜ சிறகு கொட்டிக் குரற் பயிலுமாம் காவுகனி வாழைபுளி மாவொடுயர் தாழை கமு காடவிகள் பரவு நடன காரண மெய்ன்யானபரி சீரணவ் அர அசன கனகமயில் வாகனன் அடற் சேவகன் இரஜத இலக்கண உமைக்கொரு சிகாமணி சரோருக முக சீதள குமார கிருபாகர மனோகரன் சேவற் திருத் துவஜமே (துவஜமே சேவற் திருத் துவஜமே சேவற் திருத் துவஜமே) |
தாமரைப் பூவில் வாசம் செய்யும் பிரம்மன், இந்திரன், திருமால், தவம் செய்யும் முனிவோர்கள், தேவர்கள், நித்தம் இறைவனை வழிபாடுகள் புரியும் அடியவர்கள், இவர்கள் அனைவரும் மகிழ்ச்சி அடையும் பொருட்டு, மலைகளும் ஏழு கடல்களும் ஆட்டம் காணவும், பூவுலகில் இன்பம் நிறைந்து விளங்கவும், எல்லாவித அநுபோகங்களைத் தரும் பதினான்கு உலகங்களிலும், பரந்து கிடக்கும் தனது புகழ் முதன்மையாக விளங்கி நிற்கவும், அரக்கர்கள் மடிந்து அழியவும், விளங்கும் ஒழுக்க நெறிகளைக் கூறும் தர்ம இலக்கிய நூல்கள் தழைத்து ஓங்கவும், கெட்ட வலிமை பொருந்திய செயல்களைச் செய்யும் பல பேய்கள் பயந்து ஓடவும், தனது சிறகுகளைத் தட்டி அடித்துக்கொண்டு பெரிய கூக்குரல் எழுப்பும் (அது எது என வினாவினால்) சோலைகள், நல்ல பழங்களைத் தரும் வாழை மரங்கள், புளிய மரம், மா மரம் இவைகளுடன், வானளாவ உயர்ந்த தென்னை மரங்கள், பாக்கு மரங்கள் (இவைகளுடன் கூடிய), அடர்ந்த காடுகளில், பரந்த நடன வகைகளைக் காட்டும், முருகன் ஆட்கொண்ட காரணத்தால் மெய் ஞானத்தை அடைந்த வாகனமானதும், சிறப்பு மிக்கதும், பாம்பை உணவாகக் கொள்வதும் ஆன, செம் பொன் மயிலை வாகனமாகக் கொண்டவன், வலிமை மிக்க மா வீரன், இராசத இலட்சணம் பொருந்திய, பார்வதி தேவிக்கு ஒப்பற்ற சிரோ ரத்னம், தாமரை போன்ற முக அழகு கொண்டவன், தண்மையான குணாளன் என்றும் இளையவன், கருணைக் கடல் அடியார்கள் மனதில் அனுதினமும் மகிழ்ச்சியைத் தருபவன் (ஆகிய கந்தக் கடவுளின்), கொடியில் உள்ள சேவலேதான் அது.
தேடல் தொடர்பான தகவல்கள்:
சேவல் விருத்தம் - 11 - Seval Virutham, முருகன் பாடல்கள், முருக பக்தி நூல்கள், சைவ இலக்கியங்கள், சைவ நூல்கள், சைவ சமய நூல்கள், சைவ சமய இலக்கியங்கள், சைவம், சைவ சமயம் - துவஜமே, சேவற், மரங்கள், செய்யும், திருத், மரம், கொண்டவன், இவைகளுடன், தனது, தரும், பேய்கள், வலிமை, பொருந்திய