வால்காவிலிருந்து கங்கை வரை - பக்கம் 308
“அதுசரி. ஆனால் பிரான்ஸ் ஜனங்களின் உத்தேசம் குடியரசு மட்டுமல்ல, அதைவிட உயர்ந்தது. அவர்கள் மக்கள் எல்லோரும் சமத்துவமும் சகோதரத்துவமும், சுதந்திரமுமுள்ள ராஜ்யத்தை ஸ்தாபிக்க விரும்பினார்கள்.”
“எங்கள் தேசத்திற்குக் கூடவா?”
“ஏன் நீங்கள் மனிதர்களில்லையா?”
“துரைமார்களின் பார்வையிலே நாங்கள் மனிதர்களாகப் படவில்லை.”
“சமத்துவம், சுதந்திரம், சகோதரத்துவம் நிறைந்த ஆட்சி, உலகம் முழுவதிலும் கறுப்பர்கள், வெள்ளையர்கள் எல்லா மனிதர்களுக்கும் ஏற்படாதவரை, மனிதர்கள் தங்களை மனிதன் என்று சொல்லிக் கொள்ள முடியாது.”
“இந்தக் கொலைக்காரக் காரன்வாலிஸ், தனது விவசாயிகளைக் கூட
மனிதர்களாக மதிப்பதில்லை. பிரான்ஸிலே, அரசனும்-ஜமீன்தார்களும் ஒழிந்து விட்டார்கள். ஆயினும் வியாபாரிகள்-ஈஸ்ட் இந்தியா கம்பெனியின் உறவினர்களான வியாபாரிகள், ஆட்சிக் கடிவாளத்தைப் பிடித்துக் கொண்டுவிட்டார்கள். அதனால் உண்மையான சமத்துவம், சகோதரத்துவம், சுதந்திரத்தின் மூவர்ணக் கொடி அங்கே பறக்கவில்லை.”
“அப்படியானால் பிரான்ஸிலே அரசர்கள், ஜமீன்தார்களுக்குப் பதிலாக, பணக்காரர்களின் ராஜ்யம் ஏற்பட்டு விட்டதா?”
“ஆம்; இங்கிலாந்திலுங்கூட பணக்காரர்கள் கூச்சல் போடத் தொடங்கி விட்டார்கள். கடலைக் கடந்து இந்தியாவிலே போய் எங்களால் அரசாட்சி செய்ய முடியுமானால், இங்கிலாந்திலே ஏன் முடியாது என்று கேட்கிறார்கள்! அவர்கள் ராஜ்ய அதிகாரத்தைக் கைப்பற்றிக் கொள்ள விரும்புகிறார்கள்; ஆனால் அரசனை ஒழித்து விட்டல்ல!”
“இங்கிலாந்தில் அரசனுடைய கையில் ஆட்சி அதிகாரம் இல்லையென்று நீங்கள் சொன்னீர்களே!”
“ஆம், ஆனால், இந்த வெள்ளை வியாபாரிகளின் கொடுமையை நான் இங்கு வந்துதான் பார்த்தேன். எனக்குத் தேசங்களைச் சுற்றிப் பார்க்க வேண்டுமென்று ஆசை இருந்தது. வசதி கருதி கம்பெனியிலே வேலை ஏற்றுக் கொண்டேன். கம்பெனி வேலையை ஏற்றுக் கொள்ளாவிட்டால், இந்த வியாபாரிகள் என்னைச் சந்தேகப்படத் தொடங்கி விடுவார்கள். என்னுடைய சுற்றுப் பிரயாணம் எந்த விதத்திலாவது தடைப்பட்டுப் போகும். ஆகவே இரண்டு
வருட காலம் கம்பெனியின் வேலையென்று நரகத்திலே கழித்தேன்.”
“நல்ல மனிதர்களுக்கு இது நரகம்தான் சாகிப்! எல்லாப் பாவ காரியங்
தேடல் தொடர்பான தகவல்கள்:
வால்காவிலிருந்து கங்கை வரை - பக்கம் 308, புத்தகங்கள், விட்டார்கள், பக்கம், வியாபாரிகள், கங்கை, வால்காவிலிருந்து, கம்பெனியின், தொடங்கி, ஏற்றுக், பிரான்ஸிலே, “ஆம், சகோதரத்துவம், அழித்து, சிறந்த, நீங்கள், ஆட்சி, கொள்ள, முடியாது