வால்காவிலிருந்து கங்கை வரை - பக்கம் 174
“மகதர்கள் யார், நாகா?”
“பாரதத்தின் பிலிப். தட்சசீலத்திற்குக் கிழக்கே இருக்கும் ஒரு பெரிய ஹிந்து ராஜ்யம். பாரசீகர்களுடைய தாக்குதல்களினால் நாங்கள் களைத்துப் போய் விட்டோம். வெற்றி பெற்றுங்கூட, எங்கள் பலம் மிகக் குறைந்து விட்டது.
உண்மையில் தட்சசீலம் தனியாக நின்று பாரசீகச் சக்கரவர்த்தியை இனி எதிர்ப்பது முடியாத காரியம். ஆகவே, சிறிய சிறிய ஜன ஆட்சிகளையெல்லாம் ஒன்று சேர்த்து ஒரு சங்கத்தை அமைப்பதுதான் சரியான வழி என்று நான் கருதுகிறேன்.”
“ஆனால் நாகா! எங்கள் நாட்டிலே இந்த முயற்சியைச் செய்து பார்த்தாய் விட்டது. எங்கள் ஹெல்லா ஜாதியாரின் சிறிய சிறிய ஜன ஆட்சிகள் ஒன்றுசேர்ந்து, ஒரு பெரிய சங்கமாக அமைத்துப் பாரசீகர்களை எதிர்த்தோம். ஆனால், அந்தச் சங்கம் நிரந்தரமாக இருக்க முடியவில்லை. ஜன ஆட்சி தங்கள் தங்கள் தனித்துவத்திற்கு அதிக முக்கியத்துவம் கொடுப்பதால், சங்கத்தின் சக்தி பலப்படுவதற்குரிய ஸ்தானத்தை அந்தச் சங்கம் பெறவில்லை.”
“அப்படியானால் என்னுடைய கொள்கை தப்பா? விஷ்ணு குப்தன் சொல்வதுதான் சரியா?”
“விஷ்ணுகுப்தனுக்குச் சங்கத்தின் வெற்றியிலேயே நம்பிக்கை ஏற்படவில்லையா?”
“ஆம்; சோபியா! பலம் பொருந்திய தம்முடைய எதிரிகளை எதிர்ப்பதற்கு ஜன ஆட்சிகளின் ஐக்கிய சங்கத்தால் முடியாது. ஜன ஆட்சிகளின் எல்லையை உடைத்துவிட்டு ஒரு பெரிய குடியரசை அமைக்க முடியுமானால், ஒருகால் நம்முடைய எதிரியை எதிர்க்கும் பலத்தை அது பெறக்கூடும். ஆனால் ஜன ஆட்சிகள் தாம் தங்களுடைய எல்லையை உடைக்க, ஒப்புக் கொள்ள வேண்டும் என்பது விஷ்ணுகுப்தனுடைய கட்சி.”
“ஒருவேளை உன்னுடைய நண்பன் சொல்வது சரியாக இருக்கலாம்.
நாகா! ஆனால் எங்கள் ஏதென்ஸ் நகரத்தின் சுதந்திரத்தை விருப்பத்தோடு ஒப்புவிக்கும் எண்ணம் கடைசி நிமிஷம் வரை எங்கள் மனத்தில் தோன்றவே இல்லை.”
“சோபியா! ஜன ஆட்சி இருந்தும்கூட, ஏதென்ஸ் ஏன் இந்த அடிமை வழக்கத்தை ஏற்றுக் கொண்டது?”
தன்னுடைய அழிவைச் சீக்கிரமே அணைத்துக் கொள்வதற்காக நாகா! பணக்காரர்களுடைய பேராசை, இந்த அடிமை வழக்கத்தைப் புகுத்தியது. ஆனால், நாளடைவில் எஜமானர்களைப் பார்க்கிலும் அடிமைகள் எண்ணிக்கையில் பெருகிவிட்டார்கள்.”
“சோபியா! இங்கே பாரசீகர்களுடைய பழக்க வழக்கங்களில்,
தேடல் தொடர்பான தகவல்கள்:
வால்காவிலிருந்து கங்கை வரை - பக்கம் 174, புத்தகங்கள், எங்கள், சிறிய, நாகா, பக்கம், பெரிய, வால்காவிலிருந்து, கங்கை, நான், ஆட்சிகளின், சங்கத்தின், எல்லையை, ஏதென்ஸ், தங்கள், “சோபியா, அடிமை, விட்டது, பாரசீகர்களுடைய, சிறந்த, பலம், ஆட்சிகள், சங்கம், அந்தச், ஆட்சி