இன்னிலை - பதினெண் கீழ்க்கணக்கு
உள்ளவா சேறல்இயைபு எனினும் போம்வாய வெள்ளத் தனசேறல் வேண்டல் - மனைக்கிழவன் நள்அளவில் மிக்காய கால்தொழிலை ஓம்பலே தெள்ளறிஞர் கண்ட நெறி. |
36 |
ஐங்குரவர் ஓம்பல் இனன்நீக்கல் சேர்ந்தோர்க்குப் பைங்கூழ் களைகணாப் பார்த்தளித்தல் நையுளத்தர்க்கு உற்ற பரிவுஈர்த்தல் எண்ணான்கு அறநெறியில் உற்ற புரிதல் கடன். |
37 |
நல்லினம் சாரல் நயன்உணர்தல் பல்லாற்றான்
நல்லினம் ஓம்பல் பொறையாளல் - ஒல்லும்வாய் இன்னார்க்கு இனிய புரிதல் நெறிநிற்றல் நல்நாப்பண் உய்ப்பதோர் ஆறு. |
38 |
முனியான் அறம்மறங்கள் முக்குற்றம் பேணான் நனிகாக்கும் ஒண்மை உறைப்படுத்தும் பண்போன் பனிநிலத்தின் வித்தாய்ப் பெயரான நடுக்கற்று இனியன்ஆ வான்மற்று இனி. |
39 |
ஆ. துறவியல்
முப்பாலை வீழ்வார் விலங்கார் செறும்பாலை முப்பால் மயக்கேழ் பிறப்பாகி - எப்பாலும் மெய்ப்பொருள் தேறார் வெளிஓரார் யாண்டைக்கும் பொய்ப்பாலை உய்வாயாப் போந்து. |
40 |
தேடல் தொடர்பான தகவல்கள்:
இன்னிலை - பதினெண் கீழ்க்கணக்கு, இலக்கியங்கள், பதினெண், இன்னிலை, கீழ்க்கணக்கு, நல்லினம், புரிதல், ஓம்பல், சங்க, உற்ற