பதிற்றுப்பத்து - 19. அரசனது வென்றிச் சிறப்பும் குலமகளோடு நிகழ்ந்த இன்பச் சிறப்பும்
துறை : பரிசில்துறைப் பாடாண் பாட்டு
வண்ணம் : ஒழுகு வண்ணமும் சொற்சீர் வண்ணமும்
தூக்கு : செந்தூக்கு
பெயர் : வளன் அறு பைதிரம்
| கொள்ளை வல்சிக் கவர் கால் கூளியர் கல்லுடை நெடு நெறி போழ்ந்து, சுரன் அறுப்ப, ஒண் பொறிக் கழற் கால் மாறா வயவர் திண் பிணி எஃகம் புலி உறை கழிப்ப, செங்கள விருப்பொடு கூலம் முற்றிய |
5 |
| உருவச் செந் தினை குருதியொடு தூஉய், மண்ணுறு முரசம் கண் பெயர்த்து, இயவர், கடிப்புடை வலத்தர், தொடித் தோள் ஓச்ச, வம்பு களைவு அறியாச் சுற்றமோடு அம்பு தெரிந்து, அவ் வினை மேவலை: ஆகலின், |
10 |
| எல்லு நனி இருந்து, எல்லிப் பெற்ற அரிது பெறு பாயற் சிறு மகிழானும் கனவினுள் உறையும், பெருஞ் சால்பு, ஒடுங்கிய நாணு மலி யாக்கை, வாள் நுதல் அரிவைக்கு யார் கொல்? அளியை- |
15 |
| இனம் தோடு அகல, ஊருடன் எழுந்து; நிலம் கண் வாட, நாஞ்சில் கடிந்து; நீ வாழ்தல் ஈயா வளன் அறு பைதிரம் அன்ன ஆயின; பழனம் தோறும் அழல் மலி தாமரை ஆம்பலொடு மலர்ந்து, |
20 |
| நெல்லின் செறுவில் நெய்தல் பூப்ப, அரிநர் கொய்வாள் மடங்க, அறைநர் தீம் பிழி எந்திரம் பத்தல் வருந்த, 'இன்றோ அன்றோ; தொன்று ஓர் காலை நல்லமன் அளியதாம்!' எனச் சொல்லி, |
25 |
| காணுநர் கை புடைத்து இரங்க, மாணா மாட்சிய மாண்டன பலவே! |
தேடல் தொடர்பான தகவல்கள்:
பதிற்றுப்பத்து - 19. அரசனது வென்றிச் சிறப்பும் குலமகளோடு நிகழ்ந்த இன்பச் சிறப்பும் , சிறப்பும், இலக்கியங்கள், அரசனது, இன்பச், பதிற்றுப்பத்து, நிகழ்ந்த, வென்றிச், குலமகளோடு, பைதிரம், கால், வளன், வண்ணமும், சங்க, எட்டுத்தொகை