குறுந்தொகை - 87. குறிஞ்சி - தலைவி கூற்று

மன்ற மராஅத்த பேஎமுதிர் கடவுள் கொடியோர்த் தெறூஉம் என்ப யாவதும் கொடியர் அல்லரெங் குன்றுகெழு நாடர் பசைஇப் பசந்தன்று நுதலே ஞெகிழ ஞெகிழ்ந்தன்று தடமென் தோளே.	5
- கபிலர்.

பொதுவிடத்திலுள்ள மராத் தின்கண் தங்கும் பிறர்க்கு அச்சம் செய்தல் முதிர்ந்த தெய்வம் கொடுமை யுடையாரை வருத்தும் என்று அறிந்தோர் கூறுவர்; குன்றுகள் பொருந்திய நாட்டையுடைய எம் தலைவர் சிறிதும் அத்தெய்வத்தால் ஒறுத்தற்குரிய கொடுமையை யுடையரல்லர்; என்நெற்றி நான் அவரை விரும்பியதனால் பசலை பெற்றது; என் மனம் அவர் திறத்து ஞெகிழ்ந்தமையால் பரந்த மெல்லிய என் தோள் மெலிவுற்றது.

முடிபு: கடவுள் கொடியோரைத் தெறூஉம் என்ப; எம் நாடர் கொடியர் அல்லர்; என்நுதுல் பசைஇப் பசந்தன்று; ஞெகிழத் தோள் ஞெகிழ்ந்தன்று.    

கருத்து: என்பால் உண்டான வேறுபாடுகளுக்குத் தலைவர் காரணரல்லர்.