குறுந்தொகை - 78. குறிஞ்சி - பாங்கன் கூற்று
(தலைவனது வேறுபாட்டுக்குக் காரணம் அவன் ஒருத்திபாற் கொண்ட காமமேயென்பதனை உணர்ந்து, “காமம் தகுதியில்லாரிடத்தும் செல்வதாதலின் அது மேற்கொள்ளத் தக்கதன்று” என்று பாங்கன் இடித்துரைத்தது.)
| பெருவரை மிசையது நெடுவெள் ளருவி முதுவாய்க் கோடியர் முழவின் ததும்பிச் சிலம்பின் இழிதரும் இலங்குமலை வெற்ப நோதக் கன்றே காமம் யாவதும் நன்றென உணரார் மாட்டும் |
5 |
| சென்றே நிற்கும் பெரும்பே தைமைத்தே. | |
| - நக்கீரனார். |
பெரிய மலையின் உச்சியிலுள்ளதாகிய நெடிய வெள்ளிய அருவியானது அறிவு வாய்த்தலையுடைய கூத்தரது முழவைப்போல ஒலித்து பக்கமலையின்கண் வீழும் விளங்குகின்ற மலைகயையுடைய தலைவ காமமானது சிறிதும் இது நன்மையென உணரும் அறிவில்லா தாரிடத்தும் சென்று தங்குகின்ற பெரிய அறிவின்மையையுடையது; ஆதலின் அது வெறுக்கத்தக்கது.
முடிபு: வெற்ப, காமம் பெரும்பேதைமைத்து; நோதக்கன்று.
கருத்து: நீ ஒருத்திபாற் கொண்ட காமத்தை ஒழிவாயாக.
தேடல் தொடர்பான தகவல்கள்:
குறுந்தொகை - 78. குறிஞ்சி - பாங்கன் கூற்று, இலக்கியங்கள், பாங்கன், குறிஞ்சி, குறுந்தொகை, கூற்று, காமம், வெற்ப, பெரிய, சங்க, எட்டுத்தொகை, ஒருத்திபாற், கொண்ட