குறுந்தொகை - 73. குறிஞ்சி - தோழி கூற்று
(தலைவன் பகலில் வருவதை மறுத்துரைத்து இரவில் வரச் செய்து பின்னர் அதனையும் மறுத்து தோழி, வரைந்து கொள்ளும் பொருட்டு அங்ஙனம் செய்வதன் இன்றியமையாமையைத் தலைவிக்குக் கூறியது.)
மகிழ்நன் மார்பே வெய்யை யானீ அழியல் வாழி தோழி நன்னன் நறுமா கொன்று நாட்டிற் போக்கிய ஒன்று மொழிக் கோசர் போல வன்கட் சூழ்ச்சியும் வேண்டுமாற் சிறிதே. |
5 |
- பரணர். |
தோழி! தலைவனது மார்பையே நீ விரும்புதலுடையை; நன்னனது காவன்மரமாகிய நறிய மாமரத்தை வெட்டி அவனது நாட்டினுட்புக்க வஞ்சினத்தையுடைய கோசரைப் போல சிறிதளவு. வன்கண்மையையுடைய ஆராய்ச்சியும் வேண்டும.; அதன் பொருட்டு வருந்தற்க.
முடிபு: தோழி, நீ மகிழ் நன்மார்பே வெய்யை; சிறிது சூழ்ச்சியும் வேண்டும்; அழியல்.
கருத்து: பகற்குறியும் இரவுக்குறியும் மறுத்தால் தலைவன் விரைவில் மணந்து கொள்வான்.
தேடல் தொடர்பான தகவல்கள்:
குறுந்தொகை - 73. குறிஞ்சி - தோழி கூற்று, தோழி, இலக்கியங்கள், குறிஞ்சி, குறுந்தொகை, கூற்று, அழியல், வெய்யை, சூழ்ச்சியும், சங்க, எட்டுத்தொகை, தலைவன், பொருட்டு