குறுந்தொகை - 390. பாலை - கண்டோர் கூற்று

எல்லும் எல்லின்று பாடுங் கேளாய் செல்லா தீமோ சிறுபிடி துணையே வேற்றுமுனை வெம்மையிற் சாத்துவந் திறுத்தென வளையணி நெடுவேல் ஏந்தி மிளைவந்து பெயரும் தண்ணுமைக் குரலே.	5
- உறையூர் முதுகொற்றனார்.

சிறிய பிடிபோன்ற வளுக்குத் துணையாகியவனே சூரியனும் விளக்கம் இலனானான் வணிகர்கூட்டம் வந்து அடைந்ததாக பகைப்புலத்தே கொள்ளும் பகைமையைப் போல வளையை யணிந்த நெடிய வேலை ஏந்தி காவற்காட்டினிடத்தே வந்து பெயரும் ஆறலைப்போரதுதண்ணுமையென்னும் வாத்தியத்தினுடைய முழக்கத்தினது ஒலியையும் கேள் ஆதலின் நீவிரிருவரும் போதலை ஒழிமின்.

முடிபு: சிறுபிடி துணையே, எல்லும் எல்லின்று; குரலின் பாடும் கேளாய்; செல்லாதீம்.    

கருத்து: மேலே இந்நிலத்திற் செல்லுதலைத் தவிர்மின்.