குறுந்தொகை - 389. குறிஞ்சி - தோழி கூற்று
(தலைவன் வரைவுக்குரிய முயற்சிகளை மேற்கொண்டதனைஅவனுடைய குற்றேவன்மகனால் அறிந்த தோழி அக்குற்றேவன் மகனை வாழ்த்தும் வாயிலாக அச்செய்தியைத் தலைவிக்கு உணர்த்தியது.)
| நெய்கனி குறும்பூழ் காய மாக ஆர்பதம் பெறுக தோழி அத்தை பெருங்கல் நாடன் வரைந்தென அவனெதிர் நன்றோ மகனே யென்றனென் நன்றே போலும் என்றுரைத் தோனே. |
5 |
| - வேட்டகண்ணனார். |
தோழி! பெரிய மலைநாட்டையுடைய தலைவன் வரைவுக்குரியமுயற்சிகளை மேற்கொண்டானாக அவனுக்குமுன் குற்றேவன்மகனே நலமா என்று கேட்டேன் நலமேஎன்று கூறிய அவன் நெய் மிகஊறிய குறும்பூழ் சம்பாரத்தோடு கூடிய கறியாக உண்ணுகின்ற உணவைப் பெறுவானாக!
முடிபு: தோழி, நாடன் வரைந்தென நன்றோ என்றனென்;நன்றேபோலும் என்றுரைத்தோன் ஆர்பதம் பெறுக!
கருத்து: தலைமகனுடைய குற்றேவன்மகனால் தலைவன் வரைவு மேற்கொண்டமையை யுணர்ந்தேன்.
தேடல் தொடர்பான தகவல்கள்:
குறுந்தொகை - 389. குறிஞ்சி - தோழி கூற்று, தோழி, இலக்கியங்கள், குறிஞ்சி, தலைவன், கூற்று, குறுந்தொகை, நாடன், வரைந்தென, நன்றோ, பெறுக, குறும்பூழ், சங்க, குற்றேவன்மகனால், எட்டுத்தொகை, ஆர்பதம்