குறுந்தொகை - 377. குறிஞ்சி - தலைவி கூற்று

மலரேர் உண்கண் மாணலந் தொலைய வளையேர் மென்றோள் ஞெகிழ்ந்ததன் தலையும் மாற்றா கின்றே தோழியாற் றலையே அறிதற் கமையா நாடனொடு செய்து கொண்டதோர் சிறுநன் னட்பே.	5
- மோசி கொற்றனார்.

தோழி! தன் இயல்பு முற்றும் அறிதற்குப் பொருந்தாத தலைவனோடு யாம் செய்துகொண்ட ஒரு சிறிய நல்ல நட்பானது பூவினை யொத்த மையுண்ட கண்களின் மாட்சிமைப்பட்ட அழகு நீங்க வளையையுடைய அழகியமெல்லியதோள் நெகிழ்ந்ததன் மேலும் பரிகாரமாக ஆகின்றது; அது கருதி யான் ஆற்றா நிற்பவும் நீ ஆற்றினாயல்லை.

முடிபு: தோழி, நட்பு மாற்று ஆகின்று; ஆற்றலை,    

கருத்து: தலைவனது இயல்பை உணர்ந்து யான் ஆற்றினேன்.