குறுந்தொகை - 354. மருதம் - தோழி கூற்று
(பரத்தையிற் பிரிந்து வந்த தலைமகனை நோக்கி, “நீ எம்மைவிரும்பாயாயின் எம்மை எம் தந்தையின் வீட்டிற்கு அழைத்துச் செல்வாயாக” என்று கூறும் வாயிலாகத் தோழி வாயில் மறுத்தது.)
| நீர்நீ டாடிற் கண்ணுஞ் சிவக்கும் ஆர்ந்தோர் வாயில் தேனும் புளிக்கும் தணந்தனை யாயினெம் இல்லுய்த்துக் கொடுமோ அந்தண் பொய்கை எந்தை எம்மூர்க் கடும்பாம்பு வழங்குந் தெருவில் |
5 |
| நடுங்கஞர் எவ்வம் களைந்த எம்மே. | |
| - கயத்தூர்கிழார். |
நீரின் கண் நெடுநேரம் விளையாடினால் கண்களும் செந்நிறத்தை அடையும்; பன்முறை உண்டோரது வாயினிடத்தே தேனும் புளிப்பையுடைய தாகும்; ஆதலின் நீ எம்மைப் பிரிவை யாயின் அழகிய தண்ணிய பொய்கையையுடைய எம் தந்தையினது எம்ஊரின்கண்ணே நஞ்சின்கடுமையையுடைய பாம்புகள் ஓடும் தெருவில் நீ முன்பு நடுங்குதற்குரிய மிக்க துன்பத்தை நீக்கிய எம்மை எம்முடைய வீட்டிற்கு அழைத்துச் சென்று விடுவாயாக.
முடிபு: நீர் நீடு ஆடின் கண்ணும் சிவக்கும்; தேனும் புளிக்கும்;தணந்தனையாயின் எம்மை எம் இல் உய்த்துக் கொடுமோ.
கருத்து: எம்மை எம் தந்தையின் வீட்டிற்கு அழைத்துச் செல்வாயாக.
தேடல் தொடர்பான தகவல்கள்:
குறுந்தொகை - 354. மருதம் - தோழி கூற்று, இலக்கியங்கள், தோழி, எம்மை, மருதம், தேனும், அழைத்துச், கூற்று, குறுந்தொகை, வீட்டிற்கு, புளிக்கும், கொடுமோ, தெருவில், தந்தையின், எட்டுத்தொகை, சங்க, வாயில், சிவக்கும்