குறுந்தொகை - 321. குறிஞ்சி - தோழி கூற்று
(நொதுமலர் வரையப் புக்க காலத்தில், "நான் அறத்தொடு நிற்பேன்"என்று தலைவிக்குத் தோழி கூறியது.)
| மலைச்செஞ் சாந்தின் ஆர மார்பினன் சுனைப்பூங் குவளைச் சுரும்பார் கண்ணியன் நடுநாள் வந்து நம்மனைப் பெயரும் மடவர லரிவைநின் மார்பமர் இன்றுணை மன்ற மரையா இரிய ஏறட்டுச் |
5 |
| செங்கண் இரும்புலி குழுமும் அதனால் மறைத்தற் காலையோ அன்றே திறப்பல் வாழிவேண் டன்னைநம் கதவே. |
|
| - ...... |
அன்னை! மடப்பம்வருதலையுடைய அரிவையே நினது மார்பைப் பொருந்தும் இனிய தலைவன் மலையில் உண்டாகியசெஞ்சந்தனத்தையும் முத்து மாலையையும் அணிந்த மார்பினனாகியும் சுனையில் மலர்ந்த குவளையினது வண்டுகள் நிறைந்த கண்ணியை உடையவனாகியும் நம்முடைய வீட்டிற்கு நள்ளிரவில் வந்து மீண்டு செல்வான்; அக்காலத்தில் மன்றத்தின்கண் உள்ள மரையாவானது நீங்க அதன் ஆணைக்கொன்று செவ்விய கண்களையுடைய கரிய புலி முழங்கும்; அதனால்! நம் ஒழுக்கத்தைமறைக்கும் காலம் இஃது அன்று; நமதுமந்தணத்தை வெளியிடுவேன்; இதனை நீ விரும்புவாயாக.
முடிபு: அன்னை, அரிவை, நின் துணை, மார்பினன், கண்ணியன்,வந்து பெயரும்; புலி ஏறு அட்டுக் குழுமும்; அதனால் மறைத்தற்காலைஅன்று; நம் கதவு திறப்பல், நீ வேண்டு.
கருத்து: நான் அறத்தொடு நிற்பேன்.
தேடல் தொடர்பான தகவல்கள்:
குறுந்தொகை - 321. குறிஞ்சி - தோழி கூற்று, இலக்கியங்கள், தோழி, வந்து, குறிஞ்சி, குறுந்தொகை, கூற்று, அதனால், பெயரும், குழுமும், அன்னை, புலி, திறப்பல், நிற்பேன், சங்க, எட்டுத்தொகை, நான், அறத்தொடு, மார்பினன், கண்ணியன்