குறுந்தொகை - 299. நெய்தல் - தலைவி கூற்று
(தலைவன் சிறைப்புறத்தே நிற்ப, தலைவி தன் தோள் மெலிவைத்தோழிக்குக் கூறுவாளாய் வரைதல் வேண்டு மென்பதை அவனுக்குப்புலப்படுத்தியது.)
| இதுமற் றெவனோ தோழி முதுநீர்ப் புணரி திளைக்கும் புள்ளிமிழ் கானல் இணரவிழ் புன்னை யெக்கர் நீழற் புணர்குறி வாய்த்த ஞான்றைக் கொண்கற் கண்டன மன்னெங் கண்ணே யவன்சொற் |
5 |
| கேட்டன மன்னெஞ் செவியே மற்றவன் மணப்பின் மாணல மெய்தித் தணப்பின் நெகிழ்பவெந் தடமென் றோளே. |
|
| - வெண்மணிப்பூதியார். |
தோழி! நிலத்திற்குப் பழையதாகிய கடலின் அலை அளவளாவுகின்ற பறவைகள் ஒலிக்கின்ற கடற்கரைச்சோலையிலுள்ள பூங்கொத்துக்கள் மலர்ந்த புன்னை வளர்ந்த மேட்டிலுள்ளநிழலில் புணர்குறியைப்பெற்ற காலத்தில் எம் கண்கள் தலைவனைப் பார்த்தன; எம்முடையகாதுகள் அவனுடைய சொற்களைக் கேட்டன; எமது பரந்தமெல்லிய தோள்கள் அவன் எம்மைமணந்தால் மாட்சிமைப்பட்ட அழகைப்பெற்று அவன் பிரிந்தால் சோர்வன; இஃது என்ன வியப்பு!
முடிபு: தோழி, எம் கண் கண்டன; செவிகேட்டன; தோள் மணப்பின்நலம் எய்தித் தணப்பின் ஞெகிழ்ப.
கருத்து: தலைவன் இடையிட்டு வருவதால் யான் வருந்துவேனாயினேன்.
தேடல் தொடர்பான தகவல்கள்:
குறுந்தொகை - 299. நெய்தல் - தலைவி கூற்று, இலக்கியங்கள், தலைவி, தோழி, குறுந்தொகை, நெய்தல், கூற்று, கேட்டன, அவன், கண்டன, தணப்பின், தலைவன், எட்டுத்தொகை, சங்க, தோள், புன்னை