குறுந்தொகை - 227. நெய்தல் - தோழி கூற்று
(அல்லகுறிப்பட்டு மறுநாள் வந்த தலைவன் மறைவில் இருப்ப,அவன் முதல் நாள் வந்ததைத் தோழி தலைவிக்கு உணர்த்தியது.)
| பூண்வனைந் தன்ன பொலஞ்சூட்டு நேமி வாண்முகந் துமிப்ப வள்ளிதழ் குறைந்த கூழை நெய்தலு முடைத்திவண் தேரோன் போகிய கான லானே. |
|
| - ஓதஞானியார். |
தேரில் வந்த தலைவன் மீண்டு சென்ற கடற்கரைச் சோலையில் இவ்விடம் பூணைப் பதித்தாற் போன்ற பொன்னால் ஆகிய விளிம்பைஉடைய சக்கரத்தின் வாளைப்போன்ற வாய் துணித்தலினால் வளவிய இதழ்கள் ஒடிக்கப்பட்ட குறையாகிய நெய்தல் பூக்களையும் உடையது.
முடிபு: தேரோன் போகிய கானல் நெய்தலும் உடைத்து.
கருத்து: நேற்றுத் தலைவன் ஈண்டு வந்திருந்தான்.
தேடல் தொடர்பான தகவல்கள்:
குறுந்தொகை - 227. நெய்தல் - தோழி கூற்று, இலக்கியங்கள், தோழி, நெய்தல், குறுந்தொகை, கூற்று, தலைவன், தேரோன், போகிய, சங்க, எட்டுத்தொகை, வந்த