குறுந்தொகை - 206. குறிஞ்சி - தலைவன் கூற்று
(பாங்கன் தன்னை இடித்துரைத்தபோது, “அறியாமையால் நான்காமநோயுற்றேன். இனிச் செய்யுமாறு யாது? நீவிர் அங்ஙனம் செய்யற்க”என்று தலைவன் கூறியது.)
| அமிழ்தத் தன்ன அந்தீங் கிளவி அன்ன இனியோள் குணனும் இன்ன இன்னா அரும்படர் செய்யு மாயின் உடனுறை வரிதே காமம் குறுக லோம்புமின் அறிவுடை யீரே. |
5 |
| - ஐயூர் முடவனார். |
அறிவையுடையவரே அமிழ்தத்தைப்போன்ற அழகிய இனிய சொற்களையுடைய மனத்தாலுணர்தல் மாத்திரையே யியன்ற அத்தகையஇனிமையையுடையோளது குணமும் இத்தகைய இன்னாதனவாகிய துன்பங்களை உண்டாக்குமாயின் காமமானது ஒருங்கு வாழ்தற்கு அரிது; ஆதலின் அதனை அணுகுதலைப்பரிகரிமின்.
முடிபு: அறிவுடையீரே, இனியோள் குணனும் படர்செய்யுமாயின்காமம் உடனுறைவரிது; குறுகல் ஓம்புமின்.
கருத்து: காமம் என்னால் தாங்கற்கரியது.
தேடல் தொடர்பான தகவல்கள்:
குறுந்தொகை - 206. குறிஞ்சி - தலைவன் கூற்று, இலக்கியங்கள், தலைவன், குறிஞ்சி, குறுந்தொகை, கூற்று, காமம், குணனும், எட்டுத்தொகை, சங்க, இனியோள்