குறுந்தொகை - 109. நெய்தல் - தோழி கூற்று
(தலைவன் கேட்கும் அண்மையனாக இருக்கையில் தலைவிக்குக் கூறுபவளாய், “தலைவர் நாடோறும் வந்து பயின்று செல்லும் இக்காலத்தில் நின் நுதற்கவின் மாறியது என்?” என்று தோழி, அவனுக்கு வரைய வேண்டியதன் இன்றியமையாமையைப் புலப்படுத்தியது.)
| முட்கால் இறவின் முடங்குபுறப் பெருங்கிளை புணரி இகுதிரை தரூஉந் துறைவன் புணரிய இருந்த ஞான்றும் இன்னது மன்னோ நன்னுதற் கவினே. |
|
| - நம்பி குட்டுவனார். |
வளைவையுடைய காலையுடைய இறாமீனின் வளைந்த முதுகையுடைய பெரிய இனத்தை கடலில் தாழும் அலையானது கொண்டு வந்து தருதற்கு இடமாகிய துறையையுடைய தலைவன் அளவளாவ இருந்தபொழுதும் நினது நல்ல நெற்றியின் அழகு பிறர் அலர் கூறும் குறைபாட்டையுடைய இத்தகையதாயிற்று; இஃது இரங்கற்குரியது!
முடிபு: துறைவன் புணரிய இருந்த ஞான்றும் நன்னுதற் கவின் இன்னது மன்.
கருத்து: தலைவன் வரைந்தாலன்றி நின் வேறுபாடு நீங்காது.
தேடல் தொடர்பான தகவல்கள்:
குறுந்தொகை - 109. நெய்தல் - தோழி கூற்று, இலக்கியங்கள், தோழி, நெய்தல், தலைவன், குறுந்தொகை, கூற்று, இருந்த, ஞான்றும், இன்னது, புணரிய, நன்னுதற், நின், சங்க, வந்து, எட்டுத்தொகை, துறைவன்