கலித்தொகை - கலித்தொகை - முல்லைக் கலி 111
| தீம் பால் கறந்த கலம் மாற்றி, கன்று எல்லாம் தாம்பின் பிணித்து, மனை நிறீஇ, யாய் தந்த பூங் கரை நீலம் புடை தாழ மெய் அசைஇ, பாங்கரும் முல்லையும் தாய பாட்டங்கால் தோழி! நம் புல்லினத்து ஆயர் மகளிரோடு எல்லாம் | 5 |
|
ஒருங்கு விளையாட, அவ் வழி வந்த குருந்தம்பூங் கண்ணிப் பொதுவன், மற்று என்னை, 'முற்று இழை ஏஎர் மட நல்லாய்! நீ ஆடும் சிற்றில் புனைகோ, சிறிது?' என்றான்; எல்லா! நீ, "பெற்றேம் யாம்" என்று, பிறர் செய்த இல் இருப்பாய்; | 10 |
|
கற்றது இலை மன்ற காண்' என்றேன். 'முற்றிழாய்! தாது சூழ் கூந்தல் தகை பெறத் தைஇய கோதை புனைகோ, நினக்கு?' என்றான்; 'எல்லா! நீ ஏதிலார் தந்த பூக் கொள்வாய்; நனி மிகப் பேதையை மன்ற பெரிது' என்றேன். 'மாதராய்! | 15 |
|
ஐய பிதிர்ந்த சுணங்கு அணி மென் முலைமேல் தொய்யில் எழுதுகோ மற்று?' என்றான்; 'யாம் பிறர் செய் புறம் நோக்கி இருத்துமோ? நீ பெரிது மையலைமாதோ; விடுக!' என்றேன். தையலாய்! சொல்லிய ஆறு எல்லாம் மாறு மாறு யான் பெயர்ப்ப, | 20 |
|
அல்லாந்தான் போலப் பெயர்ந்தான்; அவனை நீ ஆயர் மகளிர் இயல்பு உரைத்து, எந்தையும் யாயும் அறிய உரைத்தீயின், யான் உற்ற நோயும் களைகுவைமன். |
தேடல் தொடர்பான தகவல்கள்:
கலித்தொகை - கலித்தொகை - முல்லைக் கலி 111, இலக்கியங்கள், என்றேன், கலித்தொகை, முல்லைக், என்றான், கலித்தொகை, பிறர், எல்லா, மன்ற, யான், மாறு, ஆயர், சங்க, எட்டுத்தொகை, எல்லாம், தந்த, மற்று, புனைகோ