கானல் வரி - சிலப்பதிகாரம்

புணர்துணையோ டாடும் பொறியலவன் நோக்கி இணர்ததையும் பூங்கானல் என்னையும் நோக்கி உணர்வொழியப் போன ஒலிதிரைநீர்ச் சேர்ப்பன் வணர்சுரி ஐம்பாலோய் வண்ணம் உணரேனால்.

31

தன் துணையோடு கலந்து விளையாடுகின்ற,புள்ளிகளுடைய உடம்பினை உடைய நண்டினைக் கண்டான் தலைவன்.அந்தச் சமயம் பூங்கொத்துக்கள் அடர்ந்தக் கானற்சோலையிலே நின்ற என்னையும் நோக்கி,தன் உணர்விழந்த நிலையில் சென்றான்.அவ்வாறு போன,ஒலிக்கும் அலைகளைக் கொண்ட கடல் பகுதியைச் சார்ந்தவனின் மன நிலைமையை,வளைந்த சுருள் கூந்தல் உடையவளே!நானும் உணரேனடீ!