கானல் வரி - சிலப்பதிகாரம்

மறையின் மணந்தாரை வன்பரதர் பாக்கத்து மடவார் செங்கை இறைவளைகள் தூற்றுவதை ஏழையம் எங்ஙனம்யாங் கறிகோ மைய நிறைமதியு மீனும் என அன்னம் நீள்புன்னை அரும்பிப் பூத்த பொறைமலிபூங் கொம்பேற வண்டாம்ப லூதும் புகாரே எம்மூர்.

29

ஆற்றல்மிக்கப் பரதவர் வாழும் பாக்கத்தில்,களவில் கூடிய மகளிர்,தலைவனைப் பிரிந்தத் துயரால்,அவர்களின் சிவந்த முன்கையில் இருந்து வளையல்கள் தானே கழன்று விழுந்து பழிப்பதை,ஏழைகளாகிய நாம் எங்ஙனம் அறிவோம்?ஐயனே ! அன்னமொன்று அரும்பிய பூக்களின் சுமையால் பாரம் அதிகரித்த நீண்ட புன்னைமரத்தின் கிளையில் ஏறியிருக்க,அந்த அன்னத்தை முழுநிலவு என்றும்,பூக்களை நட்சத்திரங்கள் என்றும் எண்ணி,ஆம்பல் மலர் பகலிலேயே மலர்ந்தது.அவ்வாம்பல் மலரை வண்டுகள் ஊதி நிற்கும் புகார் அல்லவா எனது ஊர்!