அரங்கேற்று காதை - சிலப்பதிகாரம்

யாழுங் குழலுஞ் சீரும் மிடறுந் தாழ்குரல் தண்ணுமை ஆடலொ டிவற்றின் இசைந்த பாடல் இசையுடன் படுத்து வரிக்கும் ஆடற்கும் உரிப்பொருள் இயக்கித் தேசிகத் திருவின் ஓசை கடைப்பிடித்துத்	30
தேசிகத் திருவின் ஓசை யெல்லாம் ஆசின் றுணர்ந்த அறிவின னாகிக் கவியது குறிப்பும் ஆடல் தொகுதியும் பகுதிப் பாடலுங் கொளுத்துங் காலை வசையறு கேள்வி வகுத்தனன் விரிக்கும்	35
அசையா மரபின் இசையொன் றானும்

யாழ் இசையும், குழல் இசையும், தாளக் கூறுபாடுகளும், வாய்ப்பாட்டும், தாழ்ந்த சுரத்தில் இசைத்திடும் மத்தளமும், ஆகிய இவற்றால் வரும் இசையை கூத்திற்கு பொருந்துமாறு இசைக்க தெரிந்தவன்;


பாடல் வரிக்கும், ஆடலுக்கும் உரிய பொருள்களான நான்கு இயக்கங்களையும் இயக்கி, ’இயற்சொல்’, 'திரிச்சொல்’, 'திகைச்சொல்’, 'வடச்சொல்’, ஆகிய தேசிகச் சொற்களின் ஓசையை சரியாக கடைப் பிடிப்பவன்;

சொற்களின் ஓசை குறிக்கும் பொருள்களெல்லாம் குற்றமறத் தெரிந்த அறிஞன்;

ஆடல்களின் தொகுதிக்கேற்ப,நாடங்களின் பகுதிக்கேற்ப இசைப்பொருத்தம் உணர்ந்து இசைக்கும் பாங்கினை தெரிந்தவன்;

குற்றமற்ற இசைநூல் வழக்குகளை நன்கறிந்து,அவற்றை வகுக்கவும்,விரிக்கவும் செய்யும் திறன் கொண்ட வல்லவன்;

தளராத மனம் கொண்டவன்;

இத்தகைய பெருமை உடைய ஒருவன்,மாதவிக்கு இசை ஆசிரியனாக அமைந்திருந்தான்!