பாடல் 195 - புலிப்பாணி ஜோதிடம் 300

போச்சப்பா இன்னமொரு பேச்சுக்கேளூ புகழ்பெரிய நீசபங்க ராஜயோகம் நீச்சப்பா நீணிலத்தில் ஜென்மனுக்கு நிகழ்த்திவிட்டோம் நிலைசமய மறிந்து செப்பு கூச்சப்பா கொடியோர்கள் கண்னுற்றாலும் குற்றம் வந்து தீருமடா குழவிக்கேதான் வீச்சப்பா போகருட கருணையாலே விலம்பினேன் புலிபாணி வினையைக்கேளே

வேறொன்றையும் கூறுகிறேன். கேட்பாயாக! புகழ்மிக்கதும் பெரியதுமான நீசபங்க ராஜயோகமானது ஒரு சாதகனுக்கு எவ்வாறு என்பதனை கிரகநிலை, சமயம் ஆகியவற்றை நன்கு ஆராய்ந்து அறிந்து கூறுவாயாக! ஏனெனில் தீயகோள்கள் கண்ணுற்றாலும் அச்சாதகனுக்குக் குற்றமே வந்து சேரும் என்பது மிக உறுதியான உண்மையே என்று போகரது அருளாணையால் புலிப்பாணி கூறினேன்.