சிவஞானபோதம் - சைவ சித்தாந்த சாத்திரங்கள்

மேற்கோளும் ஏதுவும்: இனி, உணர்த்த உணர்தலின் ஆன்மா உளது என்றது.

பொழிப்புரை: அவன் அறிந்தாங்கு அறிவன் என்று அறிவிக்க அறிந்து உபதேசியாய் நிற்பது உளதாகலின் அதுவே அவ்வான்மாவாம் என்றது.

உதாரணம்:

அறிந்தும் அறிவதே ஆயும் அறியாது அறிந்ததையும் விட்டு அங்கு அடங்கி-- அறிந்தது எது? அறிவும் அன்றாகும் மெய்கண்டான் ஒன்றின் அதுஅதுதான் என்னும் அகம்.

21

மேற்கோளும் ஏதுவும்: இனி, மாயா இயந்திர தனுவினுள் ஆன்மா உளது என்றது.

பொழிப்புரை: அவைதாம் வெவ்வேறு பெயர்பெற்று நிற்றலான்.

உதாரணம்:

கலைஆதி மண் அந்தம் காணில் அவை மாயை நிலையாவாம், தீபமே போல--- அலையாமல் ஞானத்தை முன்னுணர்ந்து நாடில் அதுதனுவாம் தானத்தின் வேறாகும் தான்.

22

அந்தக் கரணம் அவற்றினொன்று அன்று அவை சந்தித்தது ஆன்மாச் சகச மலத்து உணராது அமைச்சுஅரசு ஏய்ப்பநின்று அஞ்ச அவத்தைத்தே

என்பது சூத்திரம்.

வார்த்திகப் பொழிப்பு

கருத்துரை: என் நுதலிற்றோ எனின், இதுவும் அது.


மேற்கோள்: ஈண்டு, இவ்வான்மாவாவது அந்தக்கரணங்களாய் உள்ள மனோ புத்தி அகங்கார சித்தங்களில் ஒன்று அன்று என்றது.

ஏது: அவைதாம் பிரகாசமாய் நின்றே அப்பிரகாசமாய் நிற்றலான்.

உதாரணம்:

மனம் ஆதியால் உணர்தல் மன்னு புலன்கள் மனம் ஆதி மன்புலனின் அல்லன்-- மனமேல் உதித்து ஒன்றை உள்ளம் உணர்தல் அதனில் உதிக்கும் கடல்திரையை ஒத்து

23

சிந்தித்து ஆய்ச் சித்தம் தெளியாதாய் ஆங்காரம் புந்தியாய் ஆய்ந்து மனமாகிப்-- பந்தித்து வெவ்வேறு தானே துணிந்து உள்ளம் இவ்வேறாம் அவ்வேறாம் போதுபோல் ஆங்கு

24

அகாரம் உகாரம் அகங்காரம் புத்தி மகாரம் மனம் சித்தம் விந்து--- பகாது இவற்றை நாதம் உளவடிவாம் நாடில் பிரணவமாம் போதம் கடற்றிரையே போன்று

25