ஏழாம் திருமுறை-தேவாரப் பதிகங்கள் - 7.084.திருக்கானப்பேர்
7.084.திருக்கானப்பேர்
பண் - புறநீர்மை
திருச்சிற்றம்பலம்
பண் - புறநீர்மை
திருச்சிற்றம்பலம்
இத்தலம் பாண்டிநாட்டிலுள்ளது. இதுவே காளையார் கோயில்.
சுவாமிபெயர் - காளைநாதேசுவரர்.
தேவியார் - பொற்கொடியம்மை.
852 |
தொண்டர் அடித்தொழலும் சோதி இளம்பிறையும் புண்டரிகப் பரிசாம் மேனியும் வானவர்கள் கொண்ட லெனத்திகழுங் கண்டமு மெண்டோளுங் கண்டு தொழப்பெறுவ தென்றுகொ லோஅடியேன் |
7.084.1 |
அடியேன், மிக்க நீரையுடைய வயல்கள் சூழ்ந்த, 'திருக்கானப்பேர்' என்னும் தலத்தில் எழுந்தருளியிருக்கின்ற காளை வடிவத்தினனாகிய பெருமானை, அவனது, அடியவர்கள் வணங்குகின்ற திருவடியையும், ஒளியையுடைய இளைய பிறைச்சூட்டினையும், சூதாடு கருவிபோலும், மெல்லிய தனங்களையுடைய உமையவளது கூறாய் விளங்கும் இடப்பாகத்தையும், ஒளிவிடுகின்ற செந்தாமரை மலர்போலும் திருமேனியையும், தேவர்கள் ஓலமிட, அதற்கு இரங்கிக் கடலில் தோன்றிய நஞ்சினை உண்ட நினைவுக்குறி நீங்காதிருக்கின்ற, மேகம்போல விளங்குகின்ற கண்டத்தையும், எட்டுத்தோள்களையும், அழகிய நல்ல சடையின்மேல் உள்ள அணிகளையும் கண்குளிரக் கண்டு வணங்கப் பெறுவது எந்நாளோ!
853 |
கூத லிடுஞ்சடையும் கோளர வும்விரவுங் ஓத லுணர்ந்தடியார் உன்பெரு மைக்குநினைந் ஆத லுணர்ந்தவரோ டன்பு பெருத்தடியேன் கால லுறத்தொழுவ தென்றுகொ லோஅடியேன் |
7.084.2 |
மிக்க நீரையுடைய வயல்கள் சூழ்ந்த 'திருக்கானப்பேர்' என்னும் தலத்தில் எழுந்தருளியிருக்கின்ற காளை வடிவுடைய தலைவனை, அடியேன், என்பால் உள்ள துன்பங்களெல்லாம் கெடுமாறு, அடியவர் உனது பெருமைகளை நினைந்து மனம் உருகி, செறிந்த இசையைப் பாடுதலும், அவர் நீயேயாகும் பேற்றைப் பெறுதலை உணர்ந்து, அவரோடு அன்பு மிகுந்து, உனது திருவடியை மனம் பொருந்திப் பாடுமாற்றைக் கற்று, உனது குளிர்மிகுந்த சடைமுடியையும், அதன்கண் பொருந்திய கொடிய பாம்பையும், கொக்கிறகையும், குளிர்ந்த ஊமத்த மலரையும், அன்பு மேலும் மேலும் பெருகுமாறு, அகங்கையிற் சிறந்த மலர்களைக் கொண்டு வணங்கப் பெறுவது எந்நாளோ!
854 |
நானுடை மாடெனவே நன்மை தரும்பரனை தேனிடை இன்னமுதை மற்றத னிற்றெளிவைத் வானிடை மாமதியை மாசறு சோதியனை கானிடை மாநடனென் றெய்துவ தென்றுகொலோ |
7.084.3 |
நான் உடைமையாகப் பெற்றுள்ள செல்வம்போல எனக்கு நன்மையைத் தருகின்ற மேலானவனும், தன்னையே வீடு பேறாக உணர்பவரது சொல்நிலையில் நிறைந்து நிற்கும் மங்கல குணத்தினனும், தேனிடத்தும், அதன் தௌவிடத்தும் உள்ள சுவை போல்பவனும், தேவர்களுக்குத் தலைவனும், பூக்கள் உயர்ந்து தோன்றுகின்ற முடியை உடையவனும், வானத்தில் உள்ள சிறந்த சந்திரனும், குற்றம் அற்ற ஒளியையுடைய கதிரவனும், காற்றும், தீயும், நிலமும் ஆகி நிற்பவனும் ஆகிய மிக்க நீரையுடைய வயல்கள் சூழ்ந்த, 'திருக்கானப்பேர்' என்னும் தலத்தில் எழுந்தருளியிருக்கின்ற, காளை வடிவத்தினனாகிய பெருமானை, 'காட்டில் சிறந்தநடனம் ஆடுபவன்' என்று சொல்லித் துதித்துத் தலைக்கூடப் பெறுவது எந்நாளோ!
855 |
செற்றவர் முப்புரமன் றட்ட சிலைத்தொழிலார் குற்றமில் தன்னடியார் கூறு மிசைப்பரிசும் மற்றிகழ் திண்புயமும் மார்பிடை நீறுதுதை கற்றன வும்பரவிக் கைதொழ லென்று கொலோ |
7.084.4 |
மிக்க நீரையுடைய வயல்கள் சூழந்த, 'திருக்கானப்பேர்' என்னும் தலத்தில் எழுந்தருளியிருக்கின்ற, காளை வடிவினனாகிய பெருமானை, அவனது, பகைத்தவரது முப்புரங்களை அன்று அழித்த, வில்தொழில் பொருந்தி வீரத்தையும் தன்னை நினைவாரது நினைவின் வண்ணம் நிற்கும் நிலையையும், அவர்களை நடத்துகின்ற முறையையும், குற்றமில்லாத அவனது அடியார்கள் சொல்லுகின்ற புகழின் வகைகளையும், அரையில் உடுக்கின்ற கோவணமும், பட்டும், தோலும் ஆகிய உடைகளையும், வலிமை விளங்குகின்ற திண்ணிய தோள்களையும், நீறு செறிந்த மார்பின்கண், பெருமையையுடைய மலைமகள் தழுவியதனால் உண்டாகிய வடுவினையும், அடியேன், புகழ்ந்து பாடக்கற்றன பலவற்றாலும் துதித்துக் கைகூப்பி வணங்குதல் எந்நாளோ!
856 |
கொல்லை விடைக்குழகுங் கோல நறுஞ்சடையிற் முல்லை படைத்தநகை மெல்லிய லாளொருபால் தில்லை நகர்ப்பொதுவுற் றாடிய சீர்நடமுந் கல்ல வடப்பரிசுங் காணுவ தென்றுகொலோ |
7.084.5 |
மிக்க நீரையுடைய வயல்கள் சூழ்ந்த, 'திருக்கானப் பேர்' என்னும் தலத்தில் எழுந்தருளியிருக்கின்ற பெருமானது, முல்லை நிலத்திற்கு உரிய விடையினது அழகையும், அழகிய நல்ல சடையின் கண் கொத்தாய் உள்ள பூக்களையும், மார்பில் கொன்றை மலரின் மாலையையும், அதன் அருகே ஒரு பாகத்தில், முல்லை அரும்பின் தன்மையைக் கொண்ட நகையினையும், மெல்லிய இயல்பினையும் உடையவளாகிய உமாதேவி, காதலை மிகுதியாகக்கொண்டு விளங்குகின்ற அப்பகுதி தருகின்ற எல்லாத் தன்மைகளையும், தில்லை நகரில் உள்ள சபையிற் பொருந்தி நின்று ஆடுகின்ற புகழையுடைய நடனத்தையும், கையில் உள்ள வலிய மழு, மிக்க தீ என்னும் இவற்றையும், அடியவர் சாத்தும் மணிவடத்தின் அழகையும் காண்பது எந்நாளோ!
857 |
பண்ணுத லைப்பயனார் பாடலும் நீடுதலும் தெண்ணுத லைப்பெருமான் என்றெழு வாரவர்தம் நண்ணுத லைப்படுமா றெங்ஙன மென்றயலே கண்ணுத லைக்கனியைக் காண்பது மென்றுகொலோ |
7.084.6 |
தாமரை மலரில் உள்ள திருமகளைப் போலும் மகளிரது, யாழை முறைப்படி யமைத்தலைப் பயன்படச் செய்கின்ற பாடலின் சிறப்பையும், அதன்கண்ணே அவர்கள் நெடிது நிற்றலையும், அதற்கு ஏதுவாகிய அவர்களது பத்தியையும், தான் ஒருவனே வீடுபேற்றை அளித்தலால், அதனை விரும்புவோர் யாவராலும் உள்ளத்து இருத்தப்படுகின்ற முதற்கடவுள் என்று தன்னை நினைந்து துயிலெழுகின்ற மெய்யுணர்வுடையோர், அதன் பொருட்டு அவன் முன் வாடிநிற்கும் வாட்டத்தினையும், யாவர்க்கும் இறைவனாகிய என் தந்தையையும் ஒருங்கு காணுதலைப் பொருந்துமாறு எவ்வாறு என்று, சேய்மையில் நின்று வருந்துகின்ற என்னையும் பொருளாக நினைந்து உய்தி பெறும்படி அருள்செய்யும் கண்ணுதற் கடவுளும், கனிபோல இனிப்பவனும் ஆகிய, மிக்க நீரையுடைய, 'திருக்கானப்பேர்' என்னும் தலத்தில் எழுந்தருளியிருக்கின்ற, காளை வடிவினனாகிய பெருமானை அடியேன் காணப்பெறுவதும் எந்நாளோ!
858 |
மாவை யுரித்ததள்கொண் டங்க மணிந்தவனை மூவ ருருத்தனதாம் மூல முதற்கருவை பாவக மின்றிமெய்யே பற்று மவர்க்கமுதைப் காவல் எனக்கிறையென் றெய்துவ தென்றுகொலோ |
7.084.7 |
யானையை உரித்து அத்தோலைப் போர்வையாகக் கொண்டு, எலும்பை மாலையாக அணிந்தவனும், வஞ்சனை யுடையவரது மனத்தின்கண் தனது நெஞ்சினாலும் சிறிதும் அணுகாதவனும், மும்மூர்த்திகளது உருவமும் தன் உருவமே யாகின்ற முதல்முதற் காரணனும், 'மூசு' என்னும் ஒலியுண்டாக உயிர்க்கின்ற பெரிய இடபத்தை நடத்துகின்றவனும், போலியாகவன்றி உண்மையாகவே தன்னை மனத்துட் பொருந்தப் பற்றுகின்ற அவர்கட்கு அமுதம் போல்பவனும், பால், நறுநெய், தயி முதலிய ஐந்திலும் மூழ்குகின்றவனும், மேலோர்க்கெல்லாம் மேலானவனும் ஆகிய மிக்க நீரையுடைய வயல்கள் சூழ்ந்த, 'திருக்கானப்பேர்' என்னும் தலத்தில் எழுந்தருளியிருக்கின்ற, காளை வடிவினனாகிய பெருமானை, அடியேன், எனக்குக் காவலனாகிய தலைவனாகக் கிடைக்கப்பெறுவது எந்நாளோ!
859 |
தொண்டர் தமக்கௌய சோதியை வேதியனைத் சுண்ட தனுக்கிறவா தென்று மிருந்தவனை அண்டனை அண்டர்தமக் காகம நூல்மொழியும் கண்டனை யன்பொடுசென் றெய்துவ தென்றுகொலோ |
7.084.8 |
அடியார்களுக்கு எளிய ஒளியுருவினனும், வேதத்தை ஓதுபவனும், அத்தூய வேதத்தின் பொருளாய் உள்ள நீதி வடிவினனும், நீண்ட கடலில் எழுந்த நஞ்சினை உண்டு, அதனால் இறவாது எக்காலத்தும் இருப்பவனும், பல கற்பங்களில் உலகத்தைப் படைப்பவனாகிய பிரமனும், அழகிய திருமாலும் அறிய வொண்ணாத தேவனும், தேவர்களுக்கு ஞானநூலைச் சொல்லிய முதல்வனும். தேவர்களது கூற்றில் உள்ளவனும், தனது மேலான தகுதியையுடைய புகழைப் பலரானும் சொல்லப்படுபவனும் ஆகிய, மிக்க நீரையுடைய வயல்கள் சூழ்ந்த, 'திருக்கானப்பேர்' என்னும் தலத்தில் எழுந்தருளியிருக்கின்ற, காளை வடிவினனாகிய பெருமானை அடியேன், அன்போடு சென்று அடையப்பெறுவது எந்நாளோ.
860 |
நாதனை நாதமிகுத் தோசைய தானவனை மாதனை மேதகுதன் பத்தர் மனத்திறையும் தூதனை யென்றனையாள் தோழனை நாயகனைத் காதனை நாயடியேன் எய்துவ தென்றுகொலோ |
7.084.9 |
உலகிற்குத் தலைவனும், நுண்ணிய எழுத்தோசையும், பரியதாகிய இசையோசையுமாயும், ஞானமாகிய விளக்கினது ஒளியாயும், உடம்பின்கண் உள்ள உயிரும்! நிலத்தில் வளரும் பயிருமாயும் நிற்பவனும், மாதொரு பாகத்தை உடையவனும். மேலான தகுதியையுடைய, தன் அடியார்களது உள்ளத்தின்மேல் வைத்துள்ள பற்றினைச் சிறிதும் நீங்காதவனும், குற்றம் இல்லாத கொள்கையையுடையவனும், என்னைத் தன் தொண்டினிடத்து ஆளுகின்ற என் தூதனும், தோழனும், தலைவனும் ஆகியவனும், தாழத் தூங்குகின்ற மகரக் குழையையும் தோட்டையும் அணிந்த அழகிய காதினையுடையவனும் ஆகிய, மிக்க நீரையுடைய, 'திருகானப்பேர்' என்னும் தலத்தில் எழுந்தருளியிருக்கின்ற, காளை வடிவினனாகிய பெருமானை, நாய்போலும் அடியேன் தலைக்கூடப்பெறுவது எந்நாளோ!.
861 |
கன்னலை இன்னமுதைக் கார்வயல் சூழ்கானப் உன்னி மனத்தயரா உள்ளுரு கிப்பரவும் பன்னும் இசைக்கிளவி பத்திவை பாடவல்லார் மன்னி இருப்பவர்கள் வானின் இழிந்திடினும் |
7.084.10 |
கரும்பும், இனிய அமுதமும் போல்பவனாகிய, மிக்க நீரையுடைய வயல்கள் சூழ்ந்த, 'திருக்கானப்பேர்' என்னுந் தலத்தில் எழுந்தருளியிருக்கின்ற, காளை வடிவினனாகிய பெருமானை, 'எய்துவது என்று கொலோ' என்று நினைந்து மனம் உளைந்து, உளம் உருகி, அழகிய, புகழ் பொருந்திய, தண்ணிய தமிழால் துதிக்க முயன்ற அழகிய சோலைகளையுடைய திருநாவலூரில் உள்ளார்க்குத் தலைவனாகிய நம்பியாரூரன் பாடிய இவ்விசைப் பாடல்கள் பத்தினையும் பாட வல்லவர்கள், சிவனடியார்க்கு உள்ள இயல்புகள் அனைத்தையும் எய்தி, எல்லாத் திசைகளும் புகழ நெடிது வாழ்ந்து, பின்பு ஒருகால் பிறவி எய்துவாராயினும், மண்ணுலகிற்குத் தலைவராய் வாழ்தல் திண்ணம்.
திருச்சிற்றம்பலம்
தேடல் தொடர்பான தகவல்கள்:
ஏழாம் திருமுறை-தேவாரப் பதிகங்கள் - 7.084.திருக்கானப்பேர் , என்னும், திருக்கானப்பேர், மிக்க, பேருறை, சூழ்கானப், தலத்தில், உள்ள, கார்வயல், எழுந்தருளியிருக்கின்ற, நீரையுடைய, காளை, காளையையே, எந்நாளோ, பெருமானை, வயல்கள், அடியேன், சூழ்ந்த, ஆகிய, வடிவினனாகிய, அழகிய, தென்றுகொலோ, நினைந்து, முல்லை, றெய்துவ, திருமுறை, உனது, தலைவனும், மெல்லிய, மனம், பெறுவது, தன்னை, அவனது, உடையவனும், குற்றம், நிற்பவனும், தகுதியையுடைய, மேலான, நிற்கும், பத்தர், தருகின்ற, மேலானவனும், சிறிதும், போல்பவனும், மனத்திறையும், நின்று, எல்லாத், பொருந்தி, அழகையும், கொலோ, குற்றமில், தில்லை, நெடிது, காண்பது, பாவக, தனது, அன்பு, தேவாரப், பதிகங்கள், வடிவத்தினனாகிய, ஒளியையுடைய, அதற்கு, தேவர்கள், திருச்சிற்றம்பலம், தொண்டர், கண்டு, தென்றுகொ, கண்குளிரக், கொண்ட, சுண்ட, கடலில், நஞ்சினை, பொருந்திய, லோஅடியேன், மேலும், சிறந்த, கொண்டு, செறிந்த, உருகி, நல்ல, விளங்குகின்ற, ஏழாம், வணங்கப், அடியவர், மண்டல