ஏழாம் திருமுறை-தேவாரப் பதிகங்கள் - 7.079.திருப்பருப்பதம்
7.079.திருப்பருப்பதம்
பண் - நட்டபாடை
திருச்சிற்றம்பலம்
பண் - நட்டபாடை
திருச்சிற்றம்பலம்
"இத்தலம் வடநாட்டிலுள்ளது. இது ஸ்ரீசைலம் என்றும் மல்லிகார்ச்சுனம் என்றும் பெயர்பெறும்."
சுவாமிபெயர் - பருவதநாதர்.
தேவியார் - பருவதநாயகியம்மை.
802 |
மானும்மரை இனமும்மயி தாமேமிக மேய்ந்துதடஞ் பூமாமர முரிஞ்சிப்பொழி தேமாம்பொழில் நீழற்றுயில் |
7.079.1 |
மான்களின் கூட்டமும், மரைகளின் கூட்டமும், மயில்களின் கூட்டமும் எங்கும் பொருந்தித் தம்விருப்பப்படியே தமக்குரிய உணவுகளைத் தேடி உண்டு, பெரிய சுனைகளில் உள்ள நீரைக் குடித்து, பூத்த பெரிய மரங்களில் உராய்ந்து அவற்றின் செறிவூடே சென்று, தேமாமரச் சோலையின் நிழலில் உறங்குகின்ற, 'திருப்பருப்பதம்' என்னும் மலையே, எங்கள் சிவபிரானது மலை.
803 |
மலைச்சாரலும் பொழிற்சாரலும் மலைப்பாற்கொணர்ந் திடித்தூட்டிட அழைத்தோடியும் பிளிறீயவை திகைத்தோடித்தம் பிடிதேடிடுஞ் |
7.079.2 |
குறவர்கள் தங்கள் மலைப்பக்கங்கட்கும் சோலைப் பக்கங்கட்கும் அப்பாற்பட்ட இடங்களினின்றும் வருகின்ற யானைகளைப் பற்றித் தங்கள் மலையிடத்துக் கொணர்ந்து பிணித்து வைத்து அவைகளைத் துன்புறுத்தி உணவை உண்பிக்க, அதனைக் கண்ட பெண் யானைகள் தமது ஆண் யானைகளும் அவர்களால் பற்றப்படுங்கொல் என மனங்கலங்கி அவைகளை அழைத்து ஓடவும், அதனையறியாமல் அவ்வாண் யானைகள் தம் பெண் யானைகள் அவர்கள் கையகப்பட்டனகொல் என மருண்டு பிளிறுதலைச் செய்து, பல இடங்களில் திரிந்து அவைகளைக் காணாது இளைத்துவந்து, மீளவும் செய்வதறியாது திகைத்து அவைகளைத் தேடி ஓடுகின்ற, 'திருப் பருப்பதம்' என்னும் மலையே, எங்கள் சிவபிரானது மலை.
804 |
மன்னிப்புனங் காவல்மட கன்னிக்கிளி வந்துகவைக் என்னைக்கிளி மதியாதென தென்னற்கிளி திரிந்தேறிய |
7.079.3 |
தினைப் புனத்தின் காவலையுடைய இளமைச் சொற்களையுடைய குறமகள் அங்குத் தங்கி அப்புனத்தைக் காத்திருக்குங்கால், இளம் பெண்போலும் கிளி வந்து, கிளைத்த தாளின்கண் உள்ள கதிர்களைக் கவர, அதனைக் கண்டு அவள், 'இக்கிளி என்னை மதியாதுபோலும்' என்று சினந்து, கவணை எடுத்து அதனாற் கல்லை, ஓசையுண்டாக வீச, அவ்வழகிய நல்ல கிளி, தன் எண்ணம் மாறி வெளியேறுகின்ற, 'திருப்பருப்பதம்' என்னும் மலையே, எங்கள் சிவபிரானது மலை.
805 |
மய்யார்தடங் கண்ணாள்மட செவ்வேதிரிந் தாயோவெனப் கய்பாவிய கவணான்மணி செவ்வாயன கிளிபாடிடுஞ் |
7.079.4 |
மை பொருந்திய பெரிய கண்களையுடையவளும், இளமையான சொற்களையுடையவளும் ஆகிய குறமகள் தினைப்புனத்தைக் காத்தற் பொருட்டுப் பலவிடத்தும் நன்றாகத்திரிந்து 'ஆயோ' என்று சொல்லி ஓட்டவும், போகாது விடுதலினாலே வருந்தி, கையிற் பொருந்திய கவணால் மணியாகிய கல்லை வீச, சிவந்த வாயினை யுடைய கிளி அஞ்சி ஓடி ஒலிக்கின்ற, 'திருப்பருப்பதம்' என்னும் மலையே, எங்கள் சிவபிரானது மலை.
806 |
ஆனைக்குலம் இரிந்தோடித்தன் தானப்பிடி செவிதாழ்த்திட மானக்குற அடல்வேடர்கள் தேனைப்பிழிந் தினிதூட்டிடுஞ் |
7.079.5 |
ஆண் யானைகளின் கூட்டம், தனது பெண் யானைகளின் கூட்டம், சாரலிற் பல இடங்களிலும் சென்று திரிதலினால் அதனைக் காணாது, தேடி ஓட, சென்ற இடங்களில் அப்பெண் யானைகளின் கூட்டமும் ஆண் யானைகளின் கூட்டத்தைக் காணாது அதன் குரலோசையைக் கேட்டற் பொருட்டுச் செவி தாழ்த்து நிற்க, அந் நிலைக்கு மிக இரங்கி, வீரத்தை உடைய குறவர்களாகிய, வெற்றி பொருந்திய வேடர்கள், இலைகளால் கல்லை செய்து அமைத்து, அவைகளில் தேனைப் பிழிந்து வார்த்து, அப்பெண்யானைக் கூட்டத்திற்கு இனிதாக ஊட்டுகின்ற, 'திருப்பருப்பதம்' என்னும் மலையே, எங்கள் சிவபிரானது மலை.
807 |
மாற்றுக்களி றடைந்தாய் என்று மூற்றித்தழ லுமிழ்ந்தும்மதம் தூற்றத்தரிக் கில்லேனென்று தேற்றிச்சென்று பிடிசூளறுஞ் |
7.079.6 |
மதத்தை உடைய ஆண்யானை ஒன்று தன் பெண் யானையை, 'நீ மற்றோர் ஆண்யானையைச் சார்ந்தது என்' என்று சொல்லிக் கையை உயர எடுத்துச் சினம் மிகுந்து, கண்களினின்றும் நெருப்புப் பொறியைச் சிதறி, மதநீரைப் பொழிந்து முகத்தைச் சுளிக்க, அதனைக் கண்ட பெண்யானை, 'நீர் இவ்வாறு அடாப் பழி சொல்லித் தூற்றின் உயிர் தரிக்கலாற்றேன்' என்று, அயலறியத் தனது தவறின்மையைச் சூளறுத்துக் காட்டி அவ்வாண்யானையைத் தௌயப்பண்ணி அதனை அடைகின்ற, 'திருப்பருப்பதம்' என்னும் மலையே எங்கள் சிவபெருமானது மலை.
808 |
அப்போதுவந் துண்டீர்களுக் எப்போதும்வந் துண்டால்எமை இப்போதுமக் கிதுவேதொழில் செப்பேந்திள முலையாள்எறி |
7.079.7 |
தினைப்புனத்தைக் காக்கின்ற, கிண்ணம் போலும், உயர்ந்து தோன்றும், இளமையான தனங்களையுடைய குறமகள், தினையை உண்ண வந்த கிளிகளைப் பார்த்து, 'முன்னே வந்து தினையை உண்ட உங்களுக்கு இரங்கி, உங்களை அதட்டாது அப்போது வாளா இருந்தேன்; ஆயினும், நீவிர் இடையறாது வந்து தினையை உண்டால் எங்களை, எங்கள் உறவினர் வெகுள மாட்டார்களோ? ஆதலின் இப்போது உமக்குச் செய்யத் தக்க செயல் இதுதான்' என்று சொல்லி, அவைகளைக் கவணால் எறிகின்ற, 'திருப்பருப்பதம்' என்னும் மலையே, எங்கள் சிவபெருமானது மலை.
809 |
திரியும்புரம் நீறாக்கிய அரியதிரு மாலோடயன் கரியின்னின மோடும்பிடி திரிதந்தவை திகழ்வாற்பொலி |
7.079.8 |
களிற்றியானைகளின் கூட்டத்தோடும் பிடியானைகளின் கூட்டம் தேனை உண்டு, பின், அவ் விருகூட்டங்களும் களித்துத் திரிதருகின்ற அழகு விளங்குதலால் பொலிவெய்திய திருப்பருப்பத மலையில், வானத்தில் திரிகின்ற முப்புரங்களை நீறாகச் செய்த செல்வனாகிய சிவபெருமானது திருவடிகளை, ஏனையோர்க்கு அரிய திருமாலும், பிரமனும் ஆகிய அவர்தாமும் காணமாட்டார்.
810 |
ஏனத்திரள் கிளைக்கஎரி ஏனல்லவை மலைச்சாரலிற் மானும்மரை இனமும்மயில் தேனுண்பொழில் சோலைமிகு |
7.079.9 |
மலைச் சாரலில் பன்றியின் கூட்டம் நிலத்தை உழ, அவ்விடத்தினின்றும் நெருப்புப் போல மாணிக்கங்கள் வெளிப்பட, அவற்றைக் கண்டு, தினைக்கூட்டத்தையுடைய மலைச்சாரலை விடுத்து ஓடிய கரடியும், மானும், மரைக் கூட்டமும், மயிலும், மற்றும் பலவும் ஆகிய எல்லாம் பின்பு தேனை உண்டு களிக்கின்ற பூஞ்சோலைகளும், பிற சோலைகளும் மிகுந்திருக்கின்ற, 'திருப்பருப்பதம்' என்னும் மலையே, எங்கள் சிவபிரானது மலை.
811 |
நல்லாரவர் பலர்வாழ்தரு செல்லலுற வரியசிவன் அல்லலவை தீரச்சொன ஒல்லைசெல வுயர்வானகம் |
7.079.10 |
துன்பம் உறுதல் இல்லாத சிவபெருமானது திருப்பருப்பத மலையை, நல்லவர் பலர் வாழ்வதும், வயல்களையுடையதுமான திருநாவலூரில் தோன்றிய நம்பியாரூரன், யாவரது துன்பமும் தீருமாறு பாடிய இத்தமிழ்ப் பாமாலைகளைப் பாட வல்லவர்கள், சிறிது காலம் செல்லும் அளவிலே உயர்ந்த விண்ணுலகத்தை ஆண்டு அங்கு இருப்பர்.
திருச்சிற்றம்பலம்
தேடல் தொடர்பான தகவல்கள்:
ஏழாம் திருமுறை-தேவாரப் பதிகங்கள் - 7.079.திருப்பருப்பதம் , மலையே, திருப்பருப்பதம், சீபர்ப்பத, எங்கள், என்னும், சிவபிரானது, கூட்டமும், அதனைக், கூட்டம், சிவபெருமானது, யானைகளின், பெண், திருமுறை, இரங்கி, யானைகள், ஆகிய, குறமகள், கிளி, கல்லை, தினையை, பொருந்திய, காணாது, தேடி, வந்து, பெரிய, உண்டு, சொல்லி, தினைப்புனத்தைக், தனது, திருப்பருப்பத, களித்துத், மலையை, நெருப்புப், தேனை, உடைய, கவணால், இடங்களில், என்றும், மானும்மரை, உள்ள, திருச்சிற்றம்பலம், பதிகங்கள், ஏழாம், தேவாரப், சென்று, தங்கள், மொழியாள்புனங், கண்டு, அவைகளைக், செய்து, அவைகளைத், கண்ட, இளமையான