ஞான ஆகமம் - பழைய ஏற்பாடு

¹ ஞானம் மண்ணுலகின் ஒரு முனை முதல் மறுமுனை வரை தன்னுடைய ஆற்றலைக் காட்டுகிறது@ அனைத்தையும் இனிதாய் ஒழுங்கு படுத்துகிறது.

² என் இளமை முதல் அதன் மேல் நான் அன்பு வைத்தேன், தேடினேன்: அதை என் வாழ்க்கைத் துணை ஆக்கிக்கொள்ள விழைந்தேன்: அதனுடைய அழகில் என்னையே பறிகொடுத்து விட்டேன்.

³ கடவுளோடு ஒன்றுபட்ட வாழ்வினால் ஞானம் தன் மேன்மையான பிறப்பின் மகிமையை மிகுதிப்படுத்துகிறது@ ஆதலால் அனைத்துலக ஆண்டவர் அதன் மேல் அன்புகூர்கிறார்.

⁴ ஆம், கடவுளைப்பற்றிய அறிவுக்கு இட்டுச் செல்வது ஞானமே@ அவருடைய வேலைகளைத் தேர்ந்தெடுப்பதும் அதுவே.

⁵ மிகுந்த செல்வம் வாழ்வில் விரும்பத்தக்க உடைமையாயின், அனைத்தையும் ஆக்கும் ஞானத்தை விட விலையுயர்ந்தது என்ன?

⁶ அறிவு வேலைத்திறன் மிக்கது ஆயின், அனைத்தையும் உருவாக்கும் கலைஞனான ஞானத்தினும் சிறந்தவர் யார்?

⁷ எவனாவது நீதியின் மேல் அன்புகூர்வானாயின், அதன் ( ஞானத்தின் ) செயல்கள் நற்பண்புகளாய் மிளிரும்: அது ( ஞானம் ) தன்னடக்கம், விவேகம், நீதியுடைமை, துணிவு ஆகியவற்றைக் கற்பிக்கிறது@ இவற்றினும் வாழ்க்கையில் பயனுள்ளவை மனிதனுக்கு வேறொன்றும் கிடையாது.

⁸ பரந்த அனுபவம் பெற ஒருவன் விரும்புவானாயின், ஞானம் இறந்த காலத்தை அறியும், எதிர்காலத்தைக் கணிக்கும், சொல் நயங்களும் புதிர்களின் விடைகளும் அதற்குத் தெரியும்@ நிகழ்வதற்கு முன்பே அடையாளங்களையும் அற்புதங்களையும், பருவங்களையும் காலங்களையும் பற்றிய அறிவு அதற்குண்டு.

⁹ ஆகையால், ஞானத்தை என் வாழ்க்கைத் துணையாகச் சேர்த்துக் கொள்ள நான் முடிவு செய்தேன்@ எனெனில் வளமான வாழ்வில் அது எனக்கு நல்லறிவூட்டும் என்றும், கவலைகளிலும் துயரத்திலும் ஊக்கந்தரும் என்றும் நான் அறிவேன்.

¹⁰ அதை முன்னிட்டு மக்கள் நடுவில் நான் மகிமையடைவேன், இளைஞனாயினும் முதியோர் முன் எனக்கு மதிப்பு இருக்கும்.

¹¹ நீதி வழங்கும் போது எனது அறிவின் நுட்பம் காணப்படும்@ ஆள்வோர் என்னைக் கண்டு வியப்பில் ஆழ்வர்@ தலைவர்கள் என்னைப் பார்த்து ஆச்சரியப்படுவார்கள்.

¹² நான் பேசாமலிருந்தால், நான் பேசும்படி எதிர்பார்ப்பார்கள்@ நான் பேசும் போது அக்கறையாய்ச் செவிமடுப்பார்கள்@ நீண்ட நேரம் நான் உரையாற்றினால், தங்கள் கைகளால் வாயைப் பொத்திக் கொண்டிருப்பார்கள்.

¹³ மேலும் ஞானத்தினால் எனக்குச் சாகாமை கிட்டும்@ எனக்குப் பின் வருகிறவர்களுக்கு என்னைப் பற்றிய நீடித்த நினைவை விட்டுச் செல்வேன்.

¹⁴ மக்களினங்களை ஆட்சி செய்வேன்@ நாடுகள் எனக்குக் கீழ்ப்பட்டிருக்கும்.

¹⁵ கொடிய மன்னர்கள் கூட என்னைப்பற்றிக் கேள்வியுற்று நடுங்குவர்@ மக்கள் நடுவில் இனியனாகவும் போரில் வீரனாகவும் இருப்பேன்.

¹⁶ வீட்டிற்கு வந்தால், ஞானத்தோடு அமைதியாய் இளைப்பாறுவேன்@ அதனுடைய தோழமையில் வெறுப்புக்குரியது ஒன்றுமில்லை@ அதனுடன் நடத்தும் வாழ்க்கையில் துன்பமே இல்லை@ எல்லாம் இன்பமும் மகிழ்ச்சியுமே.

¹⁷ இவற்றையெல்லாம் உள்ளத்தில் சிந்திக்கையில், மனத்தில் இவற்றைப் பற்றி எண்ணும் போது- அதாவது, ஞானத்தின் உறவால் சாகாமை கிட்டுமென்றும்,

¹⁸ அதனுடன் கொள்ளும் நட்பில் தூய இன்பமுண்டென்றும், அதன் செயல்களால் குன்றாத செல்வம் கொழிக்குமென்றும், அதனுடைய தோழமையில் அறிவாற்றல் பெருகுமென்றும், அதனோடு செய்யும் உரையாடலால் பெரும் புகழ் கிடைக்குமென்றும்- இவற்றையெல்லாம் நான் நினைத்துப் பார்த்து, அதை என்னுடன் சேர்த்துக் கொள்ள எங்கும் தேடிப்போனேன்.

¹⁹ குழந்தையாய் இருந்த போதே நல்ல இயல்பினனாய் இருந்தேன்@ நல்ல உள்ளம் எனக்குப் பங்காய் அமைந்தது.

²⁰ இல்லை- நல்லவனாய் இருந்ததால் மாசற்ற உடலுக்குள் புகுந்தேன்.

²¹ ஆனால், கடவுள் அருள் கூர்ந்தாலொழிய, ஞானம் எனக்குக் கிட்டாதெனக் கண்டேன்- அது யாருடைய கொடையென்று அறிதலே நுண்ணறிவுக்கோர் அறிகுறியன்றோ- ஆகவே, ஆண்டவரை அணுகி மன்றாடி என் முழு உள்ளத்தோடு அவரைக் கெஞ்சி வேண்டினேன்.