சீராக் ஆகமம் - பழைய ஏற்பாடு

¹ யோசியாசின் நினைவு வாசனைத் திரவியங்களைக் கூட்டுகிறவனுடைய வேலையைப் போல மணம் நிறைந்ததாய் இருக்கின்றது.

² எல்லாருடைய வாயிலும் தேனைப் போலவும், மது பருகும் விருந்தில் இன்னிசை போலவும் அவருடைய ஞாபகம் இனிப்பாய் இருக்கின்றது.

³ மக்கள் தவம் செய்யும்படி அவர் தெய்வச் செயலால் நியமிக்கப்பட்டார்@ அக்கிரமத்தின் அநியாயங்களை நீக்கினார்.

⁴ ஆண்டவர் பக்கம் தம் இதயத்தைச் செலுத்தினார்@ பாவிகளுடைய நாட்களில் பக்தியை உறுதிப்படுத்தினார்.

⁵ தாவீது, எசெக்கியாஸ், யோசியாஸ் இவர்களைத் தவிர மற்ற எல்லாரும் பாவத்தைக் கட்டிக்கொண்டார்கள்.

⁶ ஏனென்றால், யூதாவின் அரசர்கள் உன்னத கடவுளுடைய கட்டளையை மீறி நடந்தார்கள்.

⁷ ஏனென்றால், தங்கள் நாட்டை மற்றவர்களுக்கும், தங்கள் மகிமையைப் புறவினத்தாருக்கும் கொடுத்து விட்டார்கள்.

⁸ பரிசுத்தரின் தேர்ந்து கொள்ளப்பட்ட நகரத்தைச் சுட்டெரித்தார்கள்@ எரெமியாஸ் சொல்லியபடி, அதன் வீதிகளைப் பாலைவனமாக்கினார்கள்.

⁹ தாய் வயிற்றிலேயே இறைவாக்கினராக அர்ச்சிக்கப்பட்டு, இடிக்கவும் எடுக்கவும் அழிக்கவும் திரும்பக் கட்டவும், புதுப்பிக்கவும் நியமிக்கப்பட்ட அவரைக் கொடுமையாய் நடத்தினார்கள்.

¹⁰ எசெக்கியேல் பத்திசுவாலகரின் இரதத்தில் தமக்குக் காண்பிக்கப்பட்ட மகிமையின் காட்சியைக் கண்டார்.

¹¹ ஏனென்றால், மழையில் பகைவர்களை நினைவு கூர்ந்து கொண்டார்@ செம்மையான வழி காட்டினவர்களுக்கு உதவி செய்தார்.

¹² பன்னிரு இறைவாக்கினர்களுடைய எலும்புகளும் தங்கள் கல்லறையில் வளர்ந்து வரும். ஏனென்றால், அவர்கள் யாக்கோபைத் திடப்படுத்தினார்கள்@ உறுதியான விசுவாசத்தால் தங்களையே காத்துக் கொண்டார்கள்.

¹³ ஜெரோபாபேலை எப்படிப் புகழ்ந்து கொண்டாடுவோம்? ஏனென்றால், வலக்கையில் மோதிரத்தைப் போல் அவர் இருக்கிறார்.

¹⁴ இவ்வாறே, யோசதெக் புதல்வர் யேசுவும் அல்லரோ? அவர்கள் தங்கள் நாட்களில் ஆலயத்தைக் கட்டினார்கள். ஆண்டவருடைய நித்திய மகிமைக்குப் புகழ்ச்சியாக அவருக்குப் புனித ஆலயத்தை எழுப்பினார்கள்.

¹⁵ நெகேமியாசும் வெகு காலங்களுக்கு நினைவில் இருப்பார். ஏனென்றால், அவர் வீழ்த்தப்பட்ட சுவர்களை நமக்கு எழுப்பித் தந்தார். கதவுகளையும் பூட்டுகளையும் போட்டார்@ நம் வீடுகளைக் கட்டினார்.

¹⁶ ஏனோக் என்பவரைப் போலப் பிறந்தவன் மண்ணுலகில் எவனும் இல்லை. ஏனென்றால், அவர் மண்ணுலகினின்று எடுத்துக்கொள்ளப்பட்டார்.

¹⁷ மனிதனாய்ப் பிறந்து, சகோதரருடைய தலைவராகவும், மக்களுடைய ஆதரவாகவும், சகோதரரை நடத்துபவராகவும், மக்களுடைய உறுதித் துணையாகவும் இருந்த சூசையைப் போலப் பிறந்தவன் ஒருவனும் உலகில் இல்லை.

¹⁸ அவருடைய எலும்புகள் காப்பாற்றப்பட்டன@ சாவுக்குப் பின்னும் இறைவாக்குகளை உரைத்தன.

¹⁹ சேத்தும் சேமும் மனிதரிடத்தில் மகிமை அடைந்தார்கள். தொடக்கத்தில் எல்லா உயிரினங்களுக்கும் மேலாக ஆதாம் இருந்தார்.