சீராக் ஆகமம் - பழைய ஏற்பாடு

¹ மோயீசனுக்குப் பின் வந்த இறைவாக்கினருள் ஒருவரும், நாவேயின் மகனுமான இயேசு போரில் வல்லவராய் இருந்தார். அவர் தம் பெயருக்கு ஏற்பவே பெரியவரானார்.

² கடவுளால் தேர்ந்துகொள்ளப்பட்டவர்களுடைய மீட்பை முன்னிட்டு, இஸ்ராயேலை உரிமைப்படுத்திக் கொள்வதற்காக எழும்பின பகைவர்களை வெல்வதில் மகா வல்லமையுள்ளவராய் இருந்தார்.

³ தம் கைகளைத் தூக்கிப் பகைவர் நகரங்களுக்கு விரோதமாய் அம்புகளை எறிந்ததால் எவ்வளவோ மகிமை அடைந்தார்!

⁴ அவருக்கு முன்பாக எவன் எதிர்த்து நின்றான்? ஏனென்றால், பகைவர்களை ஆண்டவரே கூட்டி வந்தார்.

⁵ அவருடைய கோபத்தில் கதிரவன் தடைபடவில்லையோ? ஒரு நாள் இரண்டு நாளைப் போல் ஆகவில்லையோ?

⁶ எப்பக்கத்திலும் பகைவர்களை எதிர்க்கையில் அவர் வல்லபக் கடவுளை மன்றாடினார். மகிமையுள்ள புனித கடவுள் அவர் மன்றாட்டைக் கேட்டுப் பெருங்கல் மழையைப் பலமாய் அவர்கள் மேல் விழச் செய்தார்.

⁷ அவர் பகையாளியான இனத்தாரைத் தாக்கினார்@ கீழிறங்கிப் பகைவர்களை அழித்தொழித்தார்@

⁸ கடவுளுக்கு விரோதமாய்ச் சண்டை செய்வது எளிதானதல்லவென்று, அன்னியர் அவருடைய பலத்தை அறியும்படியான விதமாய் நடத்தினார்@ வல்லபமுள்ளவரையே பின்பற்றினார்.

⁹ மோயீசன் காலத்தில் இரக்கத்தைக் காண்பித்தார். யெப்போனின் மகனான காலேபு பகைவரை எதிர்க்கவும், மக்களைப் பாவத்தினின்று தடுக்கவும், தீய குணத்தின் முறுமுறுத்தலை அடக்கவும் செய்தார்.

¹⁰ ஆறு இலட்சம் காலாட்கள் கொண்ட படையினால் ஆபத்தினின்று காப்பாற்றப்பட்ட அவ்விருவரும் அவர்களை உரிமைக்கும், பாலும் தேனும் பொழியும் நாட்டுக்கும் அழைத்துப் போக நியமிக்கப்பட்டார்கள்.

¹¹ காலேபுக்கும் ஆண்டவர் வலிமையைக் கொடுத்தார். முதுமை வரையிலும் பூமியின் உயர்ந்த இடத்தில் ஏறும்படியான வலிமை அவருக்கு இருந்தது. அவருடைய சந்ததி உரிமையை அடைந்தது.

¹² அவர் புனித கடவுளுக்கு ஊழியம் செய்வது நலமானதென்று இஸ்ராயேல் மக்களெல்லாரும் அறியும்படி செய்தார்.

¹³ பிறகு நடுவர்கள் ஒவ்வொருவராய் வந்தனர். அவர்கள் இதயம் தீநெறிப்பட்டதன்று. அவர்கள் ஆண்டவரிடத்தினின்று அகன்று போகவில்லை.

¹⁴ அவர் அவர்களுடைய நினைவு புகழ்ச்சியில் இருக்கும்படியாகவும், அவர்களுடைய எலும்புகள் தங்களிடம் வளமுறவும்,

¹⁵ அவர்களுடைய பெயர் நித்தியத்திற்கும் நிலைத்திருக்கவும், புனித மனிதரின் மகிமை அவர்களுடைய பிள்ளைகளிடம் தங்கவும் செய்தார்.

¹⁶ ஆண்டவருடைய இறைவாக்கினரான சாமுவேல் ஆண்டவராகிய கடவுளால் நேசிக்கப்பட்டவர். அவர் அரசாட்சியைப் புதுப்பித்தார். தம்முடைய மக்களிடையே தலைவர்களை அபிஷேகம் செய்தார்.

¹⁷ ஆண்டவருடைய கட்டளைப்படியே மக்களுக்கு நீதி செலுத்தினார். அதை யாக்கோபின் கடவுள் கண்டார். பிரமாணிக்கமுள்ள இறைவாக்கினராக அவர் ஏற்றுக்கொள்ளப்பட்டார்.

¹⁸ வார்த்தைகளில் உண்மையுள்ளவராக அறியப்பட்டார். ஏனென்றால், அவர் ஒளியின் கடவுளைக் கண்டார்@

¹⁹ எப்பக்கத்திலும் சூழ்ந்திருந்த பகைவர்களை எதிர்ப்பதில் ஆண்டவரை மன்றாடினார்@ மாசற்ற செம்மறிக் குட்டியின் காணிக்கையைச் செலுத்தினார்.

²⁰ ஆண்டவர் பரலோகத்தினின்று குரல் கொடுத்தார்@ பெரியதொரு தொனியால் தம் குரல் கேட்கும்படி செய்தார்.

²¹ தீரியருடைய தலைவர்களையும், பிலிஸ்தியருடைய எல்லாத் தலைவர்களையும் அவர் முறியடித்தார்.

²² தமது வாழ்க்கையினுடையவும் காலத்தினுடையவும் முடிவின் முன் ஆண்டவருடையவும் கிறிஸ்துவுடையவும் முன்னிலையில் சாட்சி தந்தார். அவர் பணமேனும் காலணியின் கயிறுகளேனும் எவனிடத்திலிருந்தும் வாங்கினவரல்லர். எவனும் அவரைக் குற்றம் சாட்டவில்லை.

²³ இதன் பிறகு, அவர் துயில் கொண்டார்@ அரசனுக்குத் தெரியப்படுத்தினார்@ தமது வாழ்வின் முடிவை அவனுக்குக் காண்பித்தார்@ மக்களுடைய அக்கிரமத்தை அழிக்க, இறைவாக்கில் மண்ணுலகினின்று தம் குரலை உயர்த்தினார்.