சீராக் ஆகமம் - பழைய ஏற்பாடு

¹ கடவுளுக்கும் மனிதருக்கும் முன்பாக ஏற்றுக் கொள்ளப்பட்டு, என் மனத்துக்கு விருப்பமான காரியங்கள் மூன்று உண்டு:

² சகோதர ஒற்றுமை, பிறரன்பு, ஒருவரோடொருவர் ஒத்து வாழும் கணவன் மனைவியர்.

³ மூன்று வித மனிதரை என் ஆன்மா பகைத்தது@ அவர்களுடைய ஆன்மாவைப் பற்றி எனக்கு மிகவும் வெறுப்பு உண்டு.

⁴ அவர்கள் யாரென்றால்: செருக்குடைய வறியவன், பொய்காரச் செல்வன், பேதையும் மதியற்றவனுமான முதியவன்.

⁵ உன் இளவயதில் நீ சேகரியாததை எவ்விதம் உன் முதுமையில் காணப்போகிறாய்?

⁶ நரைத்தோருடைய தீர்மானம் எத்துணைச் சிறந்தது! பெரியோரின் அறிவுரையை அறிவதும் எத்துணைச் சிறந்தது!

⁷ வயதில் முதிர்ந்தோருக்கு ஞானமும், தலைமை வாய்ந்தோருக்கு அறிவும் அறிவுரையும் எவ்வளவோ அழகுள்ளவை!

⁸ தேர்ந்த பட்டறிவு முதியவர்களுடைய முடி@ தெய்வ பயமோ அவர்களுடைய மாட்சி.

⁹ என் அறிவால் நன்மையான காரியங்களாக மதிக்கப்பட்டவை ஒன்பது@ பத்தாவதைப் பற்றியோ மனிதருக்கு என் நாவினால் சொல்லுவேன்.

¹⁰ தன் மக்களால் மகிழ்ச்சியடையும் மனிதன் பேறுபெற்றவன்@ தன் பகைவருடைய அழிவைக் காண்பவன் பேறுபெற்றவன்@

¹¹ அறிவுள்ள பெண்ணோடு வாழ்பவன், தன் நாவினால் தவறாதவன், தகாதவர்களைத் தன் உதவியாகக் கொள்ளாதவன்- இவர்கள் பேறுபெற்றோர்@

¹² உண்மையான நண்பனைக் கண்டுகொண்டவன், செவி கொடுத்தவனுக்கு நீதியைப் போதிப்பவன்- இவர்கள் பேறுபெற்றோர்.

¹³ ஆயினும், ஞானத்தையும் அறிவையும் கண்டவன் எவ்வளவோ மேலானவன் எனினும், தெய்வ பயமுள்ளவனை விட அவன் மேலானவன் அல்லன்.

¹⁴ தெய்வ பயம் மற்ற யாவற்றையும் விட மேலானது.

¹⁵ தெய்வ பயம் உடைய மனிதன் பேறு பெற்றவன்@ அதனை உடையவன் எவனுக்கு ஒப்பிடப்படுவான்?

¹⁶ தெய்வ பயமோ அவருடைய அன்பின் தொடக்கம். ஆனால், விசுவாசத்தின் தொடக்கமும் அதனுடன் சேர்க்கப்பட்டிருக்க வேண்டும்.

¹⁷ எல்லா வருத்தமும் இதயத்தைத் துன்புறுத்தும். பெண்ணின் கெட்ட குணமோ கொடிய கெடுதியை உண்டாக்கும். எல்லாக் கெடுதியும் பெண்ணின் கெட்ட குணத்தாலேயாம்.

¹⁸ எந்த வருத்தமும் இதய வருத்தத்திற்கு நிகராகாது.

¹⁹ எந்தக் கெட்ட குணமும் பெண்ணின் கெட்ட குணத்திற்கு ஒப்பாகாது.

²⁰ எவ்விதத் துன்பமும் நம் பகைவரால் நமக்கு உண்டாகும் துன்பத்திற்குச் சமமாகாது.

²¹ எந்தப் பழியும் நம் பகைவர் வாங்கும் பழிக்கும் நிகராகாது.

²² நாகப் பாம்பின் தலையை விடக் கெடுதியான தலை ஒன்றுமில்லை என்பது போல,

²³ பெண்ணின் கோபத்தை மிஞ்சிய கோபம் இல்லை. கெட்ட குணமுள்ள பெண்ணுடன் வாழ்வதை விடச் சிங்கத்துடனும் பூத நாகத்துடனும் வாழலாம்.

²⁴ பெண்ணின் கெட்ட குணம் அவள் முகத்தை வேறுபடுத்துகிறது@ கரடியைப் போல் அவள் பார்வையை மறைக்கின்றது@ காக்கை போலக் கருநிறமாய்க் காண்பிக்கின்றது.

²⁵ அவள் கணவன் அயலாரிடம் முறையிடுகிறான்@ அவர்கள் சொல்வதைக் கேட்டு அதிகமாய் வருத்தப்படுகிறான்.

²⁶ பெண்ணின் கெட்ட குணத்திற்கு முன்பாக எல்லாக் கெட்ட குணங்களும் இலகுவானவை. பாவிகளுடைய கதி அவள் மேல் விழும்.

²⁷ மணல் மேட்டில் நடக்க முதியவனுடைய கால்களுக்கு எப்படியோ, அப்படியே அமைதியுள்ள கணவனுக்கு வாயாடிப் பெண்ணுடன் வாழ்வது கடினமாய் இருக்கும்.

²⁸ பெண்ணின் அழகைப் பாராதே@ அழகின் பொருட்டுப் பெண்ணை விரும்பாதே.

²⁹ பெண்ணின் கோபம், அவமரியாதை, அதனால் உண்டாகும் வெட்கக்கேடு- இவை பெரியவை.

³⁰ பெண்ணுக்கு அதிகாரமிருந்தால் தன் கணவனுக்கு விரோதியாவாள்.

³¹ கெட்ட பெண் மன வருத்தத்திற்கும், கவலை தோய்ந்த முகத்திற்கும், இதயக் கொடுந் துன்பத்திற்கும் காரணமாய் இருக்கிறாள்.

³² தன் கணவனை மகிழ்விக்காத பெண் சோர்ந்த கைகளைப் போலவும், வலுவற்ற முழங்கால்களைப் போலவும் இருக்கிறாள்.

³³ பெண்ணால் பாவம் பிறந்தது. அவளால் நாம் எல்லோரும் சாகிறோம்.

³⁴ தண்ணீருக்குத் துவாரம் எவ்வளவு சொற்பமாயிருந்தாலும், விட்டு வைக்காதே. அது போலவே, கெட்ட குணமுள்ள பெண்ணுக்குச் சிறிதேனும் அதிகாரம் கொடாதே.

³⁵ அவள் உன் கைக்கு அடங்காவிட்டால், உன் பகைவர் முன்பாக உன்னை வெட்கத்திற்கு உள்ளாக்குவாள்.

³⁶ அவளால் உனக்கு ஒருபோதும் தீங்கு நேராதபடி உன் வசத்தினின்று அவளைத் தறித்துவிடு.