சீராக் ஆகமம் - பழைய ஏற்பாடு

¹ ஞானம் தன்னைத்தானே புகழ்ந்து கொள்ளும்@ கடவுளிடத்தில் மகிமைப்படுத்தப்படும்@ மனிதர்கள் நடுவில் மேன்மைப்படுத்தப்படும்.

² உன்னத ஆண்டவரை வாழ்த்தும் சபைகளில் தன் வாய் திறக்கும்@ அவருடைய வல்லமையின் முன்பாக மேன்மைப்படுத்தப்படும்.

³ மக்கள் நடுவில் மகிமைப்படுத்தப்படும்@ அதன் புனித மேன்மையைக் கண்டுபிடிக்கிறவர்கள் வியப்படைவார்கள்.

⁴ தேர்ந்து கொள்ளப்பட்டவர்களுடைய கூட்டத்தில் அது புகழ்ச்சிபெறும். பேறு பெற்றவர் நடுவில் ஆசி பெற்று அதுவே சொல்வதாவது:

⁵ உன்னத கடவுள் வாயினின்று நான் புறப்பட்டேன். நானே படைப்புகளுக்கெல்லாம் முன்பே படைக்கப்பட்டேன்.

⁶ வானங்களில் மங்காத ஒளி உதிக்கும்படி செய்தது நானே. மண்ணுலகம் முழுவதையும் மேகத்தைப் போல மூடினதும் நானே.

⁷ நான் வான மண்டலங்களில் தங்கியிருந்தேன். என் அரியணை மேகத் தூணின் மேல் நிறுவப்பட்டிருக்கின்றது.

⁸ நான் வான மண்டலங்களைத் தனியே சுற்றி வந்தேன்@ பாதாளத்தின் ஆழத்தை ஊடுருவினேன்@ கடலின் அலைகள் மேல் உலாவினேன்.

⁹ மண்ணுலகம் முழுவதும் நான் நின்றேன்@ எல்லா மக்களிடத்திலும்,

¹⁰ எல்லா இனத்தாரிடத்திலும் மேன்மையடைந்தேன்.

¹¹ பெரியோர், சிறியோர் அனைவரின் இதயங்களையும் என் பலத்தால் கீழ்ப்படுத்தினேன்@ அவர்களிடத்தில் இளைப்பாற்றியைத் தேடினேன்@ ஆண்டவருடைய உரிமையில் தங்கியிருப்பேன்.

¹² அப்போது எல்லாம் படைப்பவர் எனக்குத் தம் கட்டளைகளைத் திருவுளம்பற்றினார்@ என்னைப் படைத்தவர் என் கூடாரத்தில் இளைப்பாறினார்.

¹³ அவர் என்னை நோக்கி: யாக்கோபிடம் வாழ்ந்திரு@ இஸ்ராயேலைச் சொந்தமாக்கிக்கொள்@ தேர்ந்து கொள்ளப்பட்ட என்னுடையவர்களிடம் வேரூன்று என்றார்.

¹⁴ தொடக்கத்திலும் உலகத்திற்கு முன்னும் நான் படைக்கப்பட்டேன்@ எக்காலமும் இருப்பேன்@ புனித உறைவிடத்தில் அவர்முன் பணி செய்தேன்.

¹⁵ ஆதலால், சீயோனில் உறுதிப்படுத்தப்பட்டேன்@ புனித நகரிலும் இளைப்பாறினேன்@ யெருசலேமில் என் அதிகாரம் சென்றது.

¹⁶ மாட்சிப்படுத்தப்பட்ட குடிகளிடத்தில் நான் வேரூன்றினேன். என் கடவுளின் உரிமை என் உடைமை. புனிதருடைய கூட்டத்தில் என் உறைவிடம்.

¹⁷ லிபானில் கேதுரு என்னும் மரத்தைப்போல நான் உயர்த்தப்பட்டேன்@ சீயோன் மலையில் சிப்பிரேஸ் என்னும் மரத்தைப் போல் ஆனேன்.

¹⁸ காதேஸ் பனைமரத்தைப்போல் உயர்த்தப்பட்டேன். யெரிக்கோ ரோசாத் தோட்டம் போல் ஆனேன்.

¹⁹ சமவெளியிலுள்ள அழகான ஒலிவமரம் போலவும், மைதானங்களில் தண்ணீரருகேயுள்ள பிளாத்தான் மரத்தைப் போலவும் உயர்த்தப்பட்டேன்.

²⁰ நறுமணம் கமழும் இலவங்கப்பட்டை போலும், பரிமளத் தைலம் போலும் வாசனை வீசினேன்@ விலையுயர்ந்த வெள்ளைப் போளம் போல வாசனையின் இன்பத்தைத் தந்தேன்.

²¹ நறுமணப் பன்னீர் போலும், பரிமளப் பிசின் போலும், கோமேதகம் போலும், வெள்ளைப் போளம் போலும், சாம்பிராணித் துளி போலும், காயப்படாத லிபானைப் போலும் என் உறைவிடத்தைக் கமழச் செய்தேன். என் நறுமணம் கலப்பில்லாத பரிமளத் தைலம் போன்றது.

²² தைலம் தரும் தெரேபிந்து மரம் போல என் கிளைகளை விரித்தேன். என் கிளைகள் மகிமையும் நன்மையும் பொருந்தியவை.

²³ கொடிமுந்திரிச் செடி போல வாசனையின் இன்பத்தை வீசச் செய்தேன். என்னுடைய மலர்களோ பெருமையினுடையவும் நன்மதிப்பினுடையவும் கனிகள்.

²⁴ நான் அரிய அன்பினுடையவும் அச்சத்தினுடையவும் அறிவினுடையவும் புனித தெய்வ நம்பிக்கையினுடையவும் தாயாய் இருக்கிறேன்.

²⁵ நன்னெறியினுடையவும் உண்மையினுடையவும் அழகெல்லாம் என்னிடம் உண்டு. வாழ்வினுடையவும் புண்ணியத்தினுடையவும் முழு நம்பிக்கை என்னிடமே உள்ளது.

²⁶ என்னை நாடுகிறவர்கள் எல்லாரும் என்னிடம் வந்து சேருங்கள்@ என் கனிகளால் நிரப்பப்படுங்கள்.

²⁷ என் அறிவு தேனை விட இனிப்பாய் இருக்கின்றது. என் உரிமை தேனையும் அதன் இனிய சுவையையும் விட மேலானதாய் இருக்கின்றது.

²⁸ எக்காலத்துக்கும் என் நினைவு நிலைத்திருக்கும்.

²⁹ என்னை உண்பவர்கள் இன்னமும் ஆவல் கொள்வார்கள். என்னை அருந்துகிறவர்கள் இன்னமும் தாகமாய் இருப்பார்கள்.

³⁰ என்னைக் கேட்கிறவன் மோசம் போகமாட்டான். என்னைக் கொண்டு தங்கள் செயல்களைச் செய்கிறவர்கள் பாவம் செய்யமாட்டார்கள்.

³¹ என்னை மற்றவர்களுக்குப் போதிக்கிறவர்கள் நித்திய வாழ்வை அடைவார்கள்.

³² இவையெல்லாம் வாழ்க்கையின் நூல்@ உன்னத கடவுளின் உடன்படிக்கை@ உண்மையின் அறிவிப்பு.

³³ மோயீசன் நீதிக் கட்டளைகளின் சட்டத்தையும், யாக்கோபு கோத்திரத்துக்கு உரிமையையும், இஸ்ராயேலர்க்கு வாக்குறுதிகளையும் கொடுத்தார்.

³⁴ கடவுள் தம் ஊழியரான தாவீதுக்கு அவர் குடும்பத்தினின்று பேராற்றல் மிகுந்த அரசரை எழுப்பி, மகிமையின் அரியணையில் நிந்தியத்திற்கும் வீற்றிருக்கச் செய்வதாக வாக்குறுதி செய்தார்.

³⁵ பீசோன் நதியைப் போலும், பலன் காலத்தில் திகிரிஸ் நதியைப் போலும், ஞானத்தை நிரப்புகிறார்.

³⁶ அது அறுவடைக் காலத்தில் யோர்தான் நதியைப் போலப் பெருகும். அவர் எப்பிராத்தெஸ் நதியைப் போல் அறிவை நிரப்புகிறார்.

³⁷ கொடிமுந்திரி விளைச்சல் காலத்தில் ஜெயோன் நதியைப் போல் ஒளியாகிய ஞானத்தை அனுப்பி உதவுகிறார்.

³⁸ அதை முழுமையாக முதன் முதல் அறிந்தவர் அவர்தாம். அவரினும் சிறியோர் அதைக் கண்டுபிடியார்.

³⁹ அதனுடைய எண்ணம் கடல்போலப் பரந்ததாய் இருக்கின்றது. அதனுடைய அறிவுரை ஆழ்ந்த பாதாளத்தைப் போல் இருக்கின்றது.

⁴⁰ ஞானமாகிய நான் நதிகளை ஓடச்செய்தேன்.

⁴¹ நான் நதியினின்று ஓடும் தண்ணீர் நிறைந்த வாய்க்கால் போலும், நதியின் ஓடை போலும், தண்ணீர் கொண்டு போகப்படும் சுரங்கம் போலும் விண்ணினின்று புறப்பட்டேன்.

⁴² செடிகளுள்ள என் தோட்டத்திற்குத் தண்ணீர் பாய்ச்சுவேன்@ என் வயலின் பயிர்களைத் தண்ணீரால் நிரப்புவேன் என்று சொன்னேன்.

⁴³ உடனே என் வாய்க்காலில் நீர் பெருகினது. என்னுடைய நதி கடலைப் போல் ஆனது.

⁴⁴ ஏனென்றால், என் போதனையை உதய காலத்து வெளிச்சம் போல் ஒளிர்வித்தேன்@ அதை எப்போதைக்கும் விரிவாய்ப் போதிப்பேன்.

⁴⁵ பூமியின் திக்கு திசைகளெல்லாம் ஊடுருவி, துயில்கிறவர்களைச் சோதிப்பேன்@ ஆண்டவரை நம்புகிறவர்களை ஒளிர்விப்பேன்.

⁴⁶ இன்னும் இறைவாக்குப்போலப் போதகத்தைப் பொழிவேன்: ஞானத்தைத் தேடுகிறவர்களுக்கு அதை அளிப்பேன்@ அவர்கள் சந்ததி யாருக்கும் புனித உலகம் வரைக்கும் அதை அளித்து வரத் தவறேன்.

⁴⁷ நான் எனக்கு மட்டுமல்ல, உண்மையைத் தேடும் அனைவருக்காகவும் உழைத்தேனென்று தெரிந்து கொள்ளுங்கள்.