யூதித் ஆகமம் - பழைய ஏற்பாடு

¹ அப்பொழுது யூதித் ஆண்டவரைப் புகழ்ந்து பாடிய பாடலாவது: "முரசொலித்து ஆண்டவரைத் துதியுங்கள்@

² கைத்தாள ஒலி முழங்க அவரைப் புகழ்ந்தேத்துங்கள்@ அவருக்குப் புதியதொரு பண் இசைத்து அவருடைய திருப்பெயரைக் கூவி அழையுங்கள்.

³ போர்களை அழிப்பவர் ஆண்டவரே.

⁴ ஆண்டவர் என்பது அவர் பெயராம். நம் பகைவர் அனைவர் கையினின்றும் நம்மை மீட்கத் தம் மக்களிடையே அவர் குடிகொண்டார்.

⁵ வடநாட்டு மலைகளிலிருந்து அசீரியர் பேராற்றலுடன் இறங்கி வந்தனர். அவர்களது படை ஆறுகளை நிரப்பிற்று" அவர்கள் தம் குதிரைகள் பள்ளத்தாக்குகளை நிரப்பின.

⁶ அசீரியன், ~இதோ உன் நாட்டைத் தீக்கிரையாக்குவேன்@ உன் இளைஞரை வாளுக்கு இரையாக்குவேன்@ உன் சிறுவர்களைக் கொன்றொழிப்பேன்@ கன்னிப் பெண்களைச் சிறைபிடிப்பேன்~ என்றான்.

⁷ எல்லாம் வல்ல ஆண்டவரோ, அவனைத் தாக்கி, ஒரு பெண் கையில் ஒப்படைத்து, அவனை வெட்டி வீழ்த்தினார்.

⁸ பேராற்றல் படைத்த அவனை இளைஞர் வெட்டி வீழ்த்தவில்லை@ தீத்தான் புதல்வரும் அவனைக் கொல்லவில்லை. ஆற்றல் படைத்த அரக்கரும் அவனை எதிர்த்து நிற்கவில்லை. ஆனால் மேராரியின் மகள் யூதித்தே தன் முக அழகால் அவனை அழித்தொழித்தாள்,

⁹ அவள் கைம்பெண்ணுக்குரிய ஆடையைக் களைந்தாள்@ இஸ்ராயேல் மக்களின் மகிழ்ச்சிக்குரிய ஆடையை அணிந்தாள்.

¹⁰ நறுமண எண்ணெய்யை முகத்தில் பூசினாள். சீவி முடித்துத் தலைப்பட்டை அணிந்தாள். அவனை மயக்கத் தக்க மேலாடை தரித்தாள்.

¹¹ அவளுடைய காலணிகள் அவன் கண்களை மயக்கின@ அவளுடைய அழகு வதனம் அவன் உள்ளத்தை கவர்ந்தது@ அவளோ ஒரு வாளால் அவனது தலையைக் கொய்தாள்.

¹² பாரசீகர் அவளுடைய மனவுறுதியைக் கண்டு அஞ்சினர்@ மேதியர் அவளுடைய அஞ்சாமையைக் கண்டு நடுங்கினர்.

¹³ தாகத்தால் தவித்து நின்றனர் என் சிறியோர்@ அவர்களைக் கண்ட அசீரியர் தம் கூடாராத்தில் பெரும் கூச்சலிட்டனர்.

¹⁴ என் பணிப் பெண்களின் மக்கள் அவர்களைக் குத்தினர்@ தப்பி ஓடும் சிறுவர்களைப் போன்று அவர்களைக் கொன்றனர்@ என் கடவுளாகிய ஆண்டவர் திருமுன் அவர்கள் போர்க்களத்தில் மடிந்தனர்.

¹⁵ ஆண்டவரைப் புகழ்வோம். நம் கடவுளுக்குப் புதியதொரு பண் இசைப்போம்.

¹⁶ ஆதோனாய், ஓ ஆண்டவரே, நீர் பெரியவர்! பேராற்றல் படைத்தவர்! எவராலும் மேற்கொள்ள முடியாதவர்!

¹⁷ உம் படைப்புகள் அனைத்தும் உமக்கு ஏவல் புரியட்டும். ஏனெனில், உமது சொல்லால் அவை உருவாயின. நீர் உம் ஆவியை அனுப்பினீர்@ அவை படைக்கப்பட்டன. உமது சொல்லை எதிர்த்து நிற்பவன் யார்?

¹⁸ நீர்ப்பெருக்கால் மலைகள் அடிபெயரும். உம் திருமுன் பாறைகள் மெழுகென உருகிவிடும்.

¹⁹ உமக்கு அஞ்சுவோர் எல்லாவற்றிலும் உம்மால் மேன்மை பெறுவர்.

²⁰ என் மக்களுக்கு எதிராக எழும்புவோருக்கு ஐயோ கேடு! ஏனென்றால் எல்லாம் வல்ல ஆண்டவர் அவர்களப் பழிவாங்குவார்@ தீர்வைநாளில் அவர்களைத் தண்டிப்பார்.

²¹ அவர் நெருப்பையும் புழுக்களையும் அவர்கள் உடல் மீது அனுப்புவார். அதனால் அவர்கள் என்றென்றும் உழன்று வேதனைப்படுவர் என்று பாடி முடித்தாள்.

²² வெற்றிக்குப்பின் மக்களெல்லாரும் ஆண்டவரைத் தொழுவதற்காக யெருசலேமுக்கு வந்தனர். தங்களைத் தூய்மைப்படுத்திக் கொண்டு யாவரும் தகனப் பலிகளையும், தாங்கள் செய்து கொண்ட நேர்ச்சைகளையும், காணிக்கைகளையும் செலுத்தத் தொடங்கினர்.

²³ அப்பொழுது யூதித் மக்கள் தனக்குக் கொடுத்திருந்த ஒலொபெர்னெசின் படைக்கருவிகள் அனைத்தையும் தானே கூடாரத்திலிருந்து எடுத்து வந்திருந்த பாலிகைத் திரையையும் ஆண்டவருக்குக் காணிக்கையாக ஒப்புக்கொடுத்தாள்.

²⁴ மக்களோ நிகழ்ந்தவற்றையெல்லாம் கண்டு களித்த வண்ணம் மூன்று மாதமாய் யூதித்தோடு வெற்றி விழாக் கொண்டாடினர்.

²⁵ அதன்பின் அவர்கள் அனைவரும் தத்தம் இல்லம் ஏகினர். யூதித்தோ பெத்தூலியாவில் பெருமை பெற்றாள். இஸ்ராயேல் நாடெங்கும் அவள் புகழ் ஓங்கியது.

²⁶ அவள் வீராங்கனை என்றும் மாபத்தினி என்றும் புகழப் பெற்றாள். ஏனெனில் தன் கணவன் மனாசேஸ் இறந்த நாள் முதல் தன் வாழ்நாள் முழுவதும் யூதித் ஆண் தொடர்பு அறியாதிருந்தாள்,

²⁷ அவள் திருநாட்களிலே மக்களால் சிறந்த விதமாய்ப் போற்றப்படுவாள்.

²⁸ அவள் தன் கணவன் வீட்டில் நூற்றைந்து ஆண்டுகள் தங்கியிருந்தாள். தன் பணிப்பெண்ணுக்கு உரிமை கொடுத்து அவளை அனுப்பி வைத்தாள். பின் அவள் உயிர் துறந்தாள்@ பெத்தூலியாவில் தன் கணவனோடு அடக்கம் செய்யப்பட்டாள்.

²⁹ எல்லா மக்களும் ஏழு நாட்கள் அவளைக் குறித்துத் துக்கம் கொண்டாடினர்.

³⁰ அவள் வாழ்நாள் முழுவதும், அவள் இறந்த பின் பல ஆண்டுகளும் இஸ்ராயேலைத் துன்புறுத்த எவனும் துணியவில்லை.

³¹ இந்த வெற்றியின் நாள் பரிசுத்த நாட்களில் ஒன்றாக எபிரேயரால் கருதப்பட்டது@ அன்று முதல் இந்நாள் வரை, யூதர்களால் திருவிழாவாகவும் கொண்டாடப்பட்டு வருகிறது.