வேலூர் - தமிழக மாவட்டங்கள்

தலைநகரம் :	வேலூர்
பரப்பு :	6,075 ச.கி.மீ
மக்கள் தொகை :	3,936,331 (2011)
எழுத்தறிவு :	2,773,928 (79.17 %)
ஆண்கள் :	1,961,688
பெண்கள் :	1,974,643
மக்கள் நெருக்கம் :	1 ச.கீ.மீ - க்கு 648

வரலாறு :

இந்தியாவின் முதல் சுதந்திரப் போராட்டமான (1806) சிப்பாய் கலகத்தின் முதல் பொறி இம்மாவட்டத் தலைநகர் வேலூரில் இருந்து கிளம்பியது. வடாற்காடு-அம்பேத்கர் மாவட்டம் என்று அழைக்கப்பட்ட இம்மாவட்டம் 1989, செப்டம்பர் 30 முதல் வேலூர் மாவட்டம் என்று பெயர் மாற்றம் செய்யப்பட்டது.

அமைவிடம் :

இதன் வடக்கே ஆந்திரப் பிரதேசத்தின் சித்தூர் மாவட்டமும், திருவள்ளூவர் மாவட்டத்தின் சிறுபகுதியும்; தெற்கில் திருவண்ணாமலை மாவட்டமும்; மேற்கில் தருமபுரி மற்றும் சித்தூர் (ஆந்திரம்) மாவட்டங்களும்; கிழக்கில் காஞ்சீபுரம் மற்றும் திருவள்ளூர் மாவட்டமும் எல்லைகளாக அமைந்துள்ளன.


பொது விபரங்கள் :

வட்டங்கள் - 9
ஊராட்சி ஒன்றியங்கள் - 20
நகராட்சிகள் - 12
பேரூராட்சிகள் - 16
ஊராட்சிகள் - 743
வருவாய் கோட்டங்கள் - 3
வருவாய் கிராமங்கள் - 843

சட்டசபைத் தொகுதிகள்-13 (அரக்கோணம்(தனி), சோளிங்கர், ராணிப்பேட்டை, ஆற்காடு, காட்பாடி, குடியாத்தம், வாணியம்பாடி, திருப்பத்தூர், அணைக்கட்டு, கீழ்வைத்தனன், ஆம்பூர், ஜோலார் பேட்டை, வேலூர்.):

பாராளூமன்றத் தொகுதிகள்-3 (வேலூர், அரக்கோணம், திருப்பத்தூர்)

வழிபாட்டிடங்கள்:

வேலூர் ஜலகண்டேஸ்வரர் கோவில், இரத்தினகிரி முருகன் கோயில், சோளிங்கர் நரசிம்மர் ஆலையம், திருவல்லம் வில்வநாதேஸ்வரர் கோயில், திருமால்பூர் மணிகண்டீஸ்வரர் கோயில், தக்கோலம் ஜலநாதீஸ்வரர் கோயில், வள்ளிமலைக் கோயில், மகாதேவமலை.

ஜலகண்டேஸ்வரர் ஆலயம்

வேலூர்க் கோட்டையில் உள்ள ஸ்ரீஜலகண்டேஸ்வரர் கோயில் கட்டடக் கலைக்கு எடுத்துக்காட்டாகவும், பழமை வாய்ந்த வரலாற்றுச் சிறப்பு கொண்டதாகவும் உள்ளது. பிரமிப்பூட்டும் தோற்றத்தில் அழகுடனும் கலை அம்சத்துடனும் உள்ள இக்கோயிலில் கண்கவர் ஓவியங்களும்,சிற்பங்களும் அமையப்பெற்றுள்ளன. ஆண்டு முழுவதும் அனைத்து விழாக்களும் இக்கோயிலில் சிறப்பாக நடைபெறுகின்றன. ஜலகண்டேஸ்வரருக்காக அர்ப்பணிக்கப்பட்ட இக்கோயிலின் சிற்பங்கள் மிகவும் திறமையான சிற்பிகளால் வடிக்கப்பட்டுள்ளது. கைவினைஞர்களின் அழகிய கலைவேலைப்பாடுகள் நிறையவே கோயில் முழுவதும் உள்ளது. நுழைவு வாயில் தாழ்வாரச் சிற்பங்கள் சுற்றுலா பயணிகளால் பாராட்டப்படுகிறது. பல ஆண்டுகளுக்கு முன்பு கோயிலில் தெய்வச் சிலை இல்லாமல் இருந்து பிறகு கொண்டு வரப்பட்டு குடமுழுக்கு செய்யப்பட்டது .