வால்காவிலிருந்து கங்கை வரை - பக்கம் 351
“நம்முடைய தற்போதைய நிலைமையில், அது ஓர் உபயோககரமான ஆயுதமாக இருக்கலாம். ஆனால், அஹிம்ஸை ஒன்றும் தோல்வியடையாத
ஆயுதமில்லை. உலகிலே அஹிம்ஸையைப் பின்பற்றும் மிருகங்கள் தான் அதிகமாக வேட்டையாடப்படுகின்றன.”
“மிருகங்களிடையே இல்லாமல் இருக்கலாம். ஆனால் மனிதர்களிடையே அகிம்ஸை ஓர் அற்புதமான சக்தியைப் பிரயோகிக்கிறது.”
“அரசியல் உலகிலே, அதற்கு ஓர் உதாரணம்கூட இல்லை.”
“புதிதாகச் சிருஷ்டிக்கப்பட்ட ஆயுதத்திற்குப் பழைய உதாரணங்கள் இருக்கமுடியாது.”
“இது ஒன்றும் புதிய ஆயுதமில்லை. புத்தர், மகாவீரர் போன்ற எத்தனையோ மதத்தலைவர்கள் இதைப் பிரச்சாரம் செய்திருக்கிறார்கள்.”
“ஆனால் அரசியல் மேடையிலல்ல.”
“அரசியல் வாழ்விலே, இப்பொழுது அது கொஞ்சம் உபயோகமாயிருப்பதற்குக் காரணம் மனித சமுதாயத்தின் மனோநிலை உயர்ந்து விட்டது தான். நிராயுதபாணிகள் மீது துப்பாக்கிக் குண்டுகளைப் பிரயோகிக்கும் செய்திகளைப் பத்திரிகையில் படிக்கும் ஜனங்கள், அதை மிகுதும் வெறுக்கிறார்கள். ஜாலியன் வாலாவிலே துப்பாக்கிப் பிரயோகம் செய்ததன் விளைவாக ஏற்பட்ட உலக அபிப்பிராயத்தை, ஆங்கிலேயர்கள் உணர்ந்திருக்கிறார்கள்.”
“அப்படியானால், நம்முடைய இந்த அஹிம்ஸையும் ஒத்துழையாமை இயக்கமும், சுயராஜ்யத்தைப் பெறுவதற்குப் போதுமானதில்லை என்று நீங்கள் கருதுகிறீர்களா?”
“முதலில் சுயராஜ்யம் என்றால் என்ன என்று நீங்கள் தெளிவுபடுத்துங்கள்.”
“நீங்களும் சுயராஜ்யப் போரிலே ஈடுபட்டுச் சிறைக்கு வந்தவர்கள் தானே? உங்களுக்குத் தெரியாதா அந்தச் சுயராஜ்யம் என்னவென்று?”
“என்னுடைய கருத்துப்படி, சுயராஜ்யம் என்பது உழைத்துச் சம்பாதிப்பவர்களின் ராஜ்யம். ஆம், உழைப்பாளர்களுக்கு மட்டும் சொந்தமான ராஜ்யம்.”
“அப்படியானால் உங்கள் சுயராஜ்யத்தில் உடலாலும் பொருளாலும் உதவி செய்பவர்களும் துன்பங்களை ஏற்று அந்தச் சிறையிலே வந்து நிறைபவர்களுமான படித்தவர்கள், படிக்காதவர்கள், ஜெமீன்தாரர்கள் முதலியவர்களுக்கு ஒன்றும் உரிமை இருக்காதா?”
“பணக்காரர்களும், ஜெமீன்தாரர்களும் பொதுக் கூட்டங்கள் நடத்துவதற்கு அவகாசமில்லையென்று சொல்லுவதை நீங்கள் பார்த்திருக்கிறீர்களே, அவர்கள் சிறைக்கு எங்கே வரப் போகிறார்கள். அவர்களில் யாரேனும் ஒரு
தேடல் தொடர்பான தகவல்கள்:
வால்காவிலிருந்து கங்கை வரை - பக்கம் 351, புத்தகங்கள், சுயராஜ்யம், ஒன்றும், நீங்கள், வால்காவிலிருந்து, கங்கை, பக்கம், அந்தச், ராஜ்யம், “அப்படியானால், சிறைக்கு, உலகிலே, சிறந்த, இருக்கலாம், ஆயுதமில்லை, தான், “அரசியல்